السلام عليكم


انا مطلق مرتين ولدي طفلين

الان انا اخطط للزواج من الخارج من احدى الدول العربية ولكن ارغبها ملكة بالجمال ووجهها جميل


شرطي فيها ان تكون ذات حشمة وشريفة فقط اما بقية الامور فهي لا تهمني على الاطلاق .




بنفس الوقت انا متخوف من اشياء كثيرة سمعت عنها ولا ادري حقيقتها مثل انها تطلب فيز ا لقرايبها ياتون للعمل في بلدي او من هذا القبيل ..


هذه تجربتي الثالثة واخشى ان اطلق فيها بامانة انا لا اتحمل ويعلم الله زيجاتي الماضية كلفتني اموالا لو ذكرتها لقيل عني اني بالغت ..اضافة الى خوفي من تطليقها بالثلاث وانجبت مني طفل يربو بعيدا عني في دولة اخرى .

هذه مخاوف قد تكون وقد لا تحدث وقد اعيش سعيدا بهذه الحورية التي طالما داعبت مخيلتي بالجمال الذي طالما حلمت به وبذوقي الشخصي امنيتي بامرأة لا امل من وجهها الفتان اضافة الى البياض والشعر الاشقر والشفاة الوردية وهذا حلمي منذ الطفولة .

للمعلومية لي اقارب متزوجين من عربيات ومستقرين


المشورة ؟

طيب اذا صار حلمك من الطفولة ليش تاخذ من بنات بلدك ويجيبن اطفال منك بعدين تطلقهن لا وتندم على الفلوس اللي دفعتها

يااااااااااااااخي روووووووووووووح اعرس من اللي تبي بس لا تاخذ بناتنا وتطلقهن

رووووووووووح احد رادك

يعني بناتك بلدك ما فيهم وجه ملائكي الى فية ماشاء الله ملكات جمال وشقر

بس الظاهر اقاربك مو ذاك الزود

مثل ما عندنا الجميل والقبيح هم بعد عندهم

والشرف بعد مثل ما عندهم بعد حنا عندنا والله المستعان

خذ اللي ببالك ولاتظلم بنات الناس معك زحلهم لرجال يستحقونهن

__________________
ربنا هب لنا من أزواجنا وذرياتنا قرة أعين واجعلنا للمتقين إماما

أسأل الله أن يعطيك العقل قبل الزوجه

ياخوي خلك محلي

والله بتلقى اللي احلاااااااااا منك بكثير

وبعدين شكلك من الناس اللي ماتجلس عندهم الحريم



ياخوي رحم الله امراً عرف قدر نفسه

..........

ماشاء الله مطلق مرتين ومعك اطفال وجاي تتشرط؟

انت تبي زوجة تسترك ولا دمية تتفرج عليها؟

خخخخخخخخخخ احلى رد .... جد اهل العقوول في رااحه ....

__________________
اللهم اغفرلي ولوالدي وللمسلمين والمسلمات والمؤمنين والمؤمنات الاحياء منهم والاموات....

الله يعينك أخي على ردود الأعضاء الظاهر ان باش تتبهذل. المفيد أنت خليت شئ ما طلبتوش؟ و تقول لا أريد غير شريفة!!!!انت طلبت جمال و شرف .
شوف لا يوجد فرق بين بنات بلدك و بنات الدول المجاورة كلهم خلق الله و العبرة بالتقوى و لازمك تخاف ربي فيها سواء بنت بلدك أو أجنبية . أرجو أنك تكون فهمت قصدي جيداا

__________________
الحمد لله

والله انا اقول اذا كنت تبحث عن الشعر الاشقر والشفايف الورديه
ترى اكيد فيه من بنات بلدك نفس هالمواصفات في عوائل معروفه وفيه مدن بعد معروفه بالبياض وشعورهم تجي فاتحه وجمال رباني

انت مافكرت بعيالك الي معك الحين

هل بتقدرهم وحده غريبه عنهم اذا بعض الاحيان تكون من نفس البلد وماترحم مابالك بالالي مو من بلدهم


بعدين مو يقولون حلات الثوب رقعته منه وفيه <<<<<بصراحه انا أؤمن بهالمثل
لاني اشوف احد اقاربي فيه بهاق وكان يظن لن بنات بلده ماراح يقبلون فيه

فراح تزوج من برا

اوك حرمته تصلي
محتشمه

بس تعال شف عيالها

البنت تكلم وتطلع بعد

والولد خكري

والاب الهم بااااااين في وجهه ووده يطلق بس عارفه له كل سنه تحمل وتجيب له شي يخليه مايطلقها

طبعا اول ماتزوجها كاااااااانت على قولت شفايف وشقار ورشاقه

بس تعال شفها الحين وزنها فوق الميه
وشعرها نعمه اذا استشورته

وشغلتها بين الحريم تمسك هالتلفون وتنقل الاخبار

ووالله انهم منبوذين هم وعيالهم وارحم هالرجال شكله طيب وحليل بس اختياره ماصاب

انا مااقول كلهم لا بس فيه منهم وانت ماعشت معهم عشان تعرف معدن البنت

وبصراحه شكلك منا النوع المزاجي ماخذ لك ثنتين ولاصبروا عليك ومن الحين تفكر لو طلقتها وش بيصير

__________________
وعند الله لاتموت الامنيات

المشوره؟


حتى لما حضرتك نويت على ( العربيه ) حطيت احتمال انك تطلقها !!!

من رأيي انك تاخذ دورات في الحياه الزوجيه .. وتكون مكثفه ..وتتعلم وش يعني زواج

اما وجه ملائكي وشفايف ورديه ..!!!!!!!!!!!!!!!!!!!!!!!!!!!!!!!!

الله يرحم عيالك وبس والله ما مسكين الا هم..

__________________
[/IMG]

الرجاء إحترام كل الناس و لا تدرون من أحسن من الثاني عند الله. ما هذه العقلية!!!!!! أستغرب كيف مازالت موجودة هكذا عقليات

__________________
الحمد لله