السلام عليكم ورحمة الله



مشكلتي مع آهلي .. اللي ياعملوني بدون آحترام او تقدير

كم من مرره يتكرر آسلوب عدم التقدير معي

قبل فتره سافرت الخادمه وصار شغل البيت مقسم بيني وبين اختي

المشكله انو لما اطلب من احد يساعدني بشل البيت خاصتن لو كان عندنا ضيوف

لو طلبت المساعده تقول امي ماراح تموتين اشتغلي بالحالك ومن اطلب من اختي اللي اصغر مني بسنه وعمرها 23 سنه ترفض

والمشكله امي تشوف الشغل كثير .. المهم يصير الغلطان انا

وتقول هي واختي نظفي بالبيت قبل ماتروحي لبيت زوجك انا متملكه وزواجي بشهر 10 بآذن الله

مشكلة امي ماتتفاهمي معي سوء اختي الغلطانه تتطلعني انا السبب

لدرجة بكيت مره من القهر وقلت راح اروح مع رجلي وماراح ارجع لكم ابد قالت روحي الله لايحفظك

وجلست ابكي طول اليوم بغرفتي ولا راضتني ومع ذا كله صارت ماتكلمني باليوم الثاني

واليوم نفس المشكله كنت ابي اشحن جوالي بالشاحن ومن جيت اخذ الشاحن قالت اختي

اتركي ذا الشاحن حق امي قلت طيب بشحن جوالي قالت اتركيه

رديت عليها بعصبيه قلت مالك شغل اخذ اللي ابي

ودخلت امي على صراخي وقالت وشفيكم وقلت بشحن جوالي . قالت اختي بالشاحن حقك يمه

قالت امي ايه اتركي الشاحن دوري غيره قلت طيب امي انتي ماتبينه الحين قالت امي انطمي ..

انا انصدمت وجلست ابكي وقلت انتي افهمي مين اللي غلط بالبدايه وانتم كبرتو السالفه

المهم قامت امي تقول انتي تطولي لسانك بالبيت وصوتك يرتفع

انا مقهوره واذا رفعت صوتي ردة فعل من اختي الصغيره اللي امي تهزئني عندها ومع ذلك لو قلت لامي

يمه لاتهاوشيني عندها شوفيها ماتحترمني قالت ليش انتي تهاوشيها ماسكه علي امي كلمه

انو مره قلت لآختي ياحيوانه وتقول هي مو خدامه عندك .. وبكيت وقلت وانا مين اللي بيدافع عني

سكتت امي ومن دخلت بروح غرفتي قالت هذا انتي تسوي مشاكل وتروحي

دخلت وانا والله افكر بالانتحار لانو زهقت من الاهانه ذي ماعندي احد اشكيله

مره قلت لاخوي عن امي قال تحملي وانتي حساسه

وهي اختك اصغر منك ومن هالكلام اللي يقهرني

على انو انا والله طيبه معهم كثييييييير وهم كذلك بس من يجي

سوء تفاهم معي انا واختي امي تتدخل وتحطني الغلطانه

ابوي متوفي حتى خطيبي مقدر اشكيله اخاف بعدين مايقدرني ولايحترمني هو بعد

دخلت غرفتي واخذت حبل وربطته على رقبتي وانا والله ناويه الانتحار

وتذكرت انو حرام واللي بيخسر انا اهلي بيبكون علي شهر وينسوني وانا اتعذب

جد مليت انا مشكلتي لو تكلمت مع احد ابكي ..

اهلي مايعملون شي الا ياخذو شوري وانا احل لهم مشاكلهم وكثير اخواني وخواتي يطيحو بمشاكل انا احلها لهم

في المستشفيات اذا تعب احد منهم انا اروح معه واتنوم معهم وامي تعتمد علي كثير

حتى ملابس خواتي انا اختارها لهم يعني لازم يرحعون لي بكل امور حياتهم .

بس اذا ما احتاجو لي بشي مايحترموني

امي تقول انتي من تملكتي وانتي ماتهتمي فيني وهي اصلآ معاملتها لي متغيره

وتقول انتي مو بنتي بنت ام خالد تقصد ام زوجي .. وبنتي هي وجدان تقصد اختي اللي بسببها تصير المشاكل

حتى اختي وجدان كشفتها امي تكلم شاب بالجوال وشافت الرسايل وانفعلت امي من اختي وكانت مرررره معصبه

وانا جلست اهدي امي انو ماتواجه اختي الا بعد ما انا اتكلم معها

جلست مع اختي وقلت انو هذا غلط ومو من تربيتنا وصارحتني بكل شي .. وجلست طول اليوم اهدي امي

واقول لاتهاوشيه كلميها بنصح مو خناق لانو كنت خايفه على اختي وانا اشوفها تصيح وهي ندمانه

وكانت بوقتها منفعله انا خفت على اخت ومع ذا كله تقول اختي انا زيك اكلم شاب وانتي تجلسي

بالساعات ع النت كان تقول شوفي حالك ومع اللي سويته كانو انا المذنبه وهي ولاسوت شي ..

على العموم انا ابي حل كيف اكسب امي زي اول قبل ماكانت ترتاح وهي مزعلتني وكانت تحرس علي كثير

اما الحين وبعد ماتملكت ومعاملتها متغيره وتدعي علي ولو واجهتها تقول حتى لو دعيت مو من قلبي

بس انا تعبت وفكرة الانتحار مو غايبه عن باللي اول مره افكر بكذا حطيت الحبل حول رقبتي وقلت خلاص بنتحر

اخاف ترجع لي الحاله واخسر الدنيا والاخره

حرام عليك هذ التفكير مافيه بيت مافيه مشكلة ذكرتيني بالذي مضى كان والله مغير شد شعور في البيت ====والان الحمدلله عشرة سنوات متزوجة اموت ضحك يوم كنت افكر زاي تفكيرك بكره تروحي بيت زوجك تحسي بفرق في الحياة استقرار حرية وكل شي----------------------------------------- الله يوفقك ويكتب لكي اللي فيه الخير إن شاء الله =====

يا ملحك

هذي سياسة بعض الأمهات إذا قرب زواج بنتها

تطفشها بعيشتها عند أهلها علشان تتمسك بحياتها مع زوجها

وما تحن لأهلها

وانا صادقه بالي أقوله

لكن انتي لا تثيرينها

وتجنبي المشاكل مع أختك

ودوري رضا أمك

وبالتوفيق

من خلالى قرائتى لمشكلتك
واضح وضوح ان اختك تغار منك جدا ومو عارفة شلون تعبر عن غيرتها الا بهذه التصرفات
موقف امك ممكن لانه اختك مو مخطوبة فجاية معاها عشان حاسة بنارها
كمان ممكن امك تحس انك خلاص راح يبقى لك اهل غير اهلك وزوج لذلك تتصرف هالتصرفات اللارادية منها

وفى مثل يقول محبة الوالدين حظوظ و انا اؤمن بهذا المثل كثيرا

ماعلينا انت هلا زوجة وعندك خطيب احمدى الله كثيرا على هذه النعمة
غيرك يعانى ومو محصل له خطيب

انشغلى فى حياتك وتجهيزك لزواجك وتحملى اهلك لان هم اهلك وين بتروحى منهم

الله يوفقك واكثرى من الاستغفار عشان نفسيتك ترتاح

__________________

وعليكم السلام ورحمة الله وبركاته

هدي نفسك ياختي بيان وهذ ونتي عمرك 24 وناضجه وفي اتفه الاسباب اتفكرين بالانتحار وين ايمانك وفي

ادنى شئ جاكم ابليس وفكرتو بالانتحار لا حول ولا قوة الا بالله تعوذي من الشيطان وثاني شئ هاذي امك

وختك يعني ما فيه احد غريب وامك ما قالت لك قومي اشتغلي الا علشان مصلحتك والمفروض انتي

تكونين مثل النحله في بيت امك وتنفعيها قبل لا تروحين ونتي ماشاء الله ايام معدوده وطرين من عش


والديك الى عش زوجك يعني عش×عش وشغل×شغل وما فيه امي ارحميني ولا فيه اختي ساعديني


ونتي وشطارتك وترا امك اسلوبها معك تبي تعودك عل الشغل والسنع قبل لا تروحين وتفشلين قدام زوجك

واهله والباين منك انك زهوقه وما تحبين شغل اي شئ ونتي ياوخيتي فسري عن ذرعانك وانفعي امك

قبل لا تروحين ونسي اختك جايه ادور والكرف خلي امك تذكرك في خير وتدعو لك وقسم ان شغل البيت

وناسه ولا تنسين بر امك مهما اغلطة عليك قبلي راسها وقولي انتي عل راسي والبيت كله وشوفي ردة

فعلها انها تحسف لان طبع الام الاحنان

ابقولك شئ عن اختي الله يرزقها الزوج الصالح اللي يعوضها حياتها اختي طبعن مطلقه وعندها ولد

سبب طلاقها امه وخواته والغيره

المهم اهلي امي وخواني اللي ما تزوجو وهي في ادور الارضي وخواني المتزوجين

في الدور الثاني وشوفي ادور الارضي مدهاك للبزان اخواني دايم تحت وخواني وزوجاتهم ينزلون تحت

يعني البيت ما يفضي بس ما شاء الله والله انه قايمه في احسن وجه والله تسمع كلام من امي وخواني

الله يسامحهم كلام انا انجن والله صابره ولا ترضى بشئ يزعل امي وباره في امي

تكفون ادعو لها ان الله يصلح لها ولدها ويعطيه طولة العمر هي وياه عل الطاعه وان يرزقها زوج الصالح

__________________

شكلك حساسة جدا و متوترة من عرسك.و اختك دلوووووعة
.روقي و روحي لامك بوسيها و اعتذريلها و اتفقي مع اختك انك تفتحي صفحة جديدة..
ما تعامليهم كانهم انت عدوتهم..انتو عيلة من نفس الدم..طولي بالك و روقي و سايريهم اكتر..و رح تكسبي الاجر من الله.و معك حق لا تنقلي اللي بيسير لزوجك
و اكثري من الدعاء
بامان الله

هل معاملة أمك على هذا النحو منذ زمن بعيد ؟!!

أم أنها تغيرت في الفترة التي تلت فترة الملكة ؟!!

فإنها لو تغيرت بعد الملكة فقد يكون احتمال الأخت ( ذكريات لا تغيب ) واردا جدا ..

وقد تكون المشكلة نفسية بحتة..

فبعض الأمهات يبالغن في مسألة التضايق من زواج البنت ..

لأنها لا تطيق فكرة أن تبتعد عنها ابنتها ، وانعكس ذلك على نفسيتها بالسلب ..

وبالتالي تعبر تصرفاتها المتشنجة مع ابنتها عن حالة الضيق والاضطراب النفسي التي تمر بها ..

أختي الكريمة ..

لا تحاولي تصعيد الأمور في أي موقف مضطرب يصدر من والدتك ..

فهي - والله أعلم - تمر بانتكاسة نفسية سببها موضوع زواجك وابتعادك عنها ..

حاولي التودد لوالدتك ، وملاطفتها ..

وما رأيك أن تفاجئيها بهدية ؟

سيكون لذلك أثر إيجابي جدا على نفسيتها ..

ولا تنسي أختك أيضا ..

قابلي الإساءة بالإحسان ، فإنك بذلك تحرجينهم ،

وتجعلينهم يعترفون في قرارة أنفسهم بالإساءة لك ..

أما مقابلة الصراخ بالصراخ فإنه لا يزيد المواقف إلا تصعيدا ، ولا يزيد الأمور إلا عندا وتعقيدا ..

تم نقل الموضوع إلى القسم الأنسب..