اكسري روتين حياتك... - منتدى عالم الأسرة والمجتمع

09-06-2010, 12:17 PM

غنوة ليل

عضو جديد

تاريخ التسجيل: Jun 2010

المشاركات: 22

اكسري روتين حياتك...

كنت ... اقراء بمنتدى المتزوجين..كلو مشاكل و زعل..الله يخفف علينا همومنا و يفرجها..
الكلام مو بس الكم يا زوجات..الكلام للكل..
في افكار جربتها و تركت ذكرة حلوة و حابة اقترحها عليكم..اوقات بتمر علينا ايام الروتين بخنقنا فيها!!!!و بنشعر انو اليوم زي بكرا و بعدوو بعدو و بعدو....لا تغير!!!صح؟ازا صح كملو معي 

قبل فترة من الزمن مرّ علينا وقت راااااااكد..لا تجديد ولا ضحك ولا شي..
## بنظري المرأه هي اللي لازم تبداء باي خطوة..اكيد في منكم بخالفني بالنقطة بس هذا مجرد راي!!!

المهم خطرت ببالي فكرة و طبقتها و الحمد لله جابت نتيجة..
كنا قاعدين نحضر فلم فسألت زوجي..اي اكثر يومين من الاسبوع تحب؟؟؟
جاوبني السبت و الاربعاء ليه؟؟؟
قولتيلو خلص بعدين بتشوف..
لما اجى السبت كنت لابسة شي حلو و خليت بنتي اللي عمرها سنة و 4 شهور تستقبلو من الباب مع وردة حمرا..كثير انبسط مع انها حركة بسيطة..بس تغير!
و وقت الغدا تغدينا بغرفة الضيوف مش مثل دايما بالمطبخ..عالشموع و موسيقى هادية..و كان كثير مبسوط و كل هموم الشغل راحت من بالو..
راح يصلي و بس رجع كنت حاطة على مدخل الباب اسهم و كلمات دلالية..يمشي خطوتين و ارفع المخدة بلاقي ورقة تدل على شي تاني و هييييك لحتى وصل لغرفتنا..كنت حاطة شرشف عالتخت و مخففة الاضاءة و معطرة الغرفة و طلبت منو انو يتمدد و يستعد لاحلى مساج ..و فعلا عملت مساج و كنت اقولو كلمات تبسط كل الرجال:: الله يقويك و يعطيك العافية الله يقدرني اني اسعدك و ترضى عني..و كان يسمعني كلام كله حب و ""تقدير""..و صرت كل سبت اعمله مساج بزيت مخصص و صار يتلهف على يوم السبت و يقضي مشاويري بكل حب و عدم تسميع الكلام..

اما الاربعاء فكنت اعمل نوع من اي نوع حلا..و مشاءالله المنتدى فيه اشياء روعة و سهلة و سريعة
و صرت اكتب على باب البيت بس يجي يطلع..بامان الرحمن..الله يقويك..بحبك...من هالكلام..و على مرآة الحمام اكتب بقلم الحمرة صباح الورد و هيك..انا ما بصحى معاه الصبح..لانويفيئ بكير عال 6 و ما بحب يفطر..

و ازا طلع مع صاحبو ببعتلو مسج :"نوني زعلانة" ما اكتب "انا زعلانة "اكتب الاسم اللي يناديني فيه..عشان احزنو على حالي..مع اني بكون اعدة عند جارتي و متسلية.بس عشان احسيسو انو مو غايب عن بالي.
وبس يرجع ما اكون مبومة (بومة) اكون مشتقيتلو و اقولو اهم شي تكون غيرت جو و انبسطت.
اما باقي ايام الاسبوع قررنا نخفف من التلفاااااز فيلم كل 3 او 4 ايام و صرنا نحكي اكتر نقراء نتحاور نلعب شدة او السلم و الحية و نتساعد بالبيت..نشتري كتب و نقراها و نتناقش فيها..:14:

^^^صدقووووني الرجال زي البيبي بحبو الاهتمام و الدلع و الدلال و الحنان

حطي زوجك تاج على راسك و شوفي الهنا اللي حتعيشي فيه..
و الف شكر الك يارب صارت علاقتي مع زوجي و الحمدلله احسن
نفهم بعض من ابسط حركة..
في اشياء كتيييييييييييير غيرتها بزوجي بحركات حلوة..و اياكِ و الزنننننننن..لانو بطفش الرجال!
حاولي اعرفي زوجك و نقاط ضعفه و تكتيكي فيه و هنديسيه لحتى يسير على مزاجك.

****عاميلِ زوجك كرفيق دربك لا كعدوك****
و حاولو ان تتركو ذكريات حلوة بينكم قدر الامكان...
لا تنسوا قراءة سورة البقرة بالبيت لطردد ابليس اللعين اللي كل المشاكل من تحت راسو..اول هدف من اهداف ابليس هو الانفصال بين الازواج!ونشر الكره و الحقد بينهم

اسفة اذا طولت..
حابة اسمع ارائكم..

التعديل الأخير تم بواسطة أم داليا ; 10-06-2010 الساعة 08:59 PM السبب: اللهجة المحلية

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه