اخواتي ارجو مساعدتي فانا في حيرة من امري الشهر اللي راح تخاصمنا انا وزوجي وقلتله انه لازم يعطيني مصروف خاص بيه واتفقنا ان كل شهر يعطيني الشهر اللي راح اعطاني وهدا الشهر ساكت مااعطاني وانا ساكته مدري هو مايبغى يعطيني اخاف اتكلم ويقولي مافي هدا الشهر علما بانه يقول لما اعطاني الشهر اللي راح انتي اشفيك ماطلعي ولا قرش من مصروفك ولما كنت انا اشتريلك ماكنتي تبقي شي ماتاخذيه هل له الحق انه يقطعوا عني او يسالني فينه؟
وترى الشهر اللي راح كان عنده اجازه ورحنا لاهلنا وقلتله اعطيني فلوس لاني نسيت فلوسي فقال من البدايه مسويه هدي الحركات واعطاني معقول عشان اعطاني مرتين مااعطاني هذا الشهر ؟
والله احترت من التفكير هل اقوله اعطيني ولا اسكت؟ دخيلكم ساعدوني ذبحني التفكير

اتفقي معه على مبلغ معين وثابت وحسب راتبه ومصاريفه وطالبيه بالمبلغ عند استلام الراتب سوى بالهجري او الميلادي اي بداية الشهر وليس منتصفه.

طيب اصبري على الرجال يمكن ماعنده

انا متفقه معاه على المبلغ وهو وافق انه مع كل راتب يعطيني بس ماادري ليه سكت هذا الشهر هل انه كان الشهر اللي راح يبغى يسكتني واعطاني والله محتاره وترى انا من النوع اللي مااحب اقول لزوجي اعطيني خصوصا اذا كان متذكر الحاجه وساكت لانه يوم سحب الراتب كان يقول انتي من يوم صرت اعطيك صرتي تجمعي الفلوس قلتله تراك مااعطيتني الامره وحده وانا بهذي الفلوس باروح المشغل وسكت ولا اعطاني شي هذا الشهر

أختي الفاضله
نصيحتي لك ما تضغطين على زوجك

وليش تخلي معالملتكم بهذا الشكل

يعني زوجك لو مقصر معاك قوليله بس ما تجبريه ان لازم مصروف

خلي زوجك بنفسه متى ما يكون عنده يعطيك وخلي مصاريف البيت عليه

لأنه هو ادرى منك بالحاله المادية اللي هو فيها

بس تعالي بلطف ولين واسأليه انت هالشهر ماعندك فلوس؟؟؟

وما تطلبيه اجباري يعني خليك لينه بهالموضوع

واسال الله ان يوفقك تقبلي تحياتي اختك رونا

__________________

اللهم صلي وسلم على سيدنا محمد..استغفرك اللهم وأتوب اليك..اللهم ان رحمتك وسعت كل شي ،، فارحمني رحمة تطمئن بها نفسي وتقر بها عيني..

يااختي زوجي انسان مقتدر ويقدر يعطيني

طيب كلميه بالموضوع بس اجعلي كلامك بلطف

وقوليله ان هالشهر ماراح تعطيني او لا

لانك قلت ان كل شهر بس لو هالشهر ماعندك مو مشكله نخليها لشهر تاني باذن الله

واساليه بس يكون اسلوبك مو امر معاه او بعصبية

ولو قالك انت بتجمعين الفلوس

قوليله وليش مااجمع الواحد ما يعرف ربنا ايش كاتبله سواء خير او فرح

__________________

اللهم صلي وسلم على سيدنا محمد..استغفرك اللهم وأتوب اليك..اللهم ان رحمتك وسعت كل شي ،، فارحمني رحمة تطمئن بها نفسي وتقر بها عيني..

ان شاءالله باكلمه واساله واشوف ليه مااعطاني
طيب لوقالي مافي هذا الشهر هل اسكت ولا اتكلم واقوله لازم تعطيني علما بانه حرمني الوظيفه وقال انا اعطيك فلوس بدل الوظيفه

نصيحه من أخ لاخته

الرجل بشكل عام مايحب الي يضغط عليه سوائن بالخرجات او الطلبات وغير كذا حطي ببالك نقطه لاتخليه يفكر ويروح باله لبعيد انك تحبي الفلوس اكثر منه مثلا ترا وربي لايغرك الرجال تشوفيهم طول وعرض ولاكن تفكيرهم شوي سطحي بامور معينه وبالذات الفلوس

انا الي اتمناه انك ماتطلبيه بس تلمحيله بطريقتك

واحمدي ربك عالنعمه الي انتي فيها غيرك مايعطيهم خير شر

عسا الله يوفقكم يارب

اذا قالك لا مافي هذا الشهر

قوليله بكل هداوة اوكي براحتك حبيبي ماتعطيني بس سؤال ليش؟ماعندك فلوس ؟؟ وطبعا استخدمي كلمات حلوة وبدون عصبية

لو كانت المشكله ان محتاج الفلوس هالشهر في مشاريع او اي شي

قوليله اوكي الله يوفقك وان شاءالله بتعطيني الشهر الجاي

ولو كان سبب الرفض اي شي تاني قوليله وبرضو بهداوة

ليش ماتعطيني مو انت قلت لي ان راح اعطيك فلوس بدل الوظيفة


واختي شوكة بين الورود اولا اختاري الوقت المناسب للحديث

واختاري وقت يكون مزاجية زوجك كويسة

وطبعا مهما كانت رده فعله خليك مبتسمه وبدون اي عصبية

وحاولي تهديه اذا عصب

وان شاءالله تبشرينا ان امورك تمام ترى ننتظرك

__________________

اللهم صلي وسلم على سيدنا محمد..استغفرك اللهم وأتوب اليك..اللهم ان رحمتك وسعت كل شي ،، فارحمني رحمة تطمئن بها نفسي وتقر بها عيني..