السلام عليكم و رحمة الله ... !!


في البداية أشكر الجميع علي المشاركة في هالمنتدى والي يعرض المشاكل والحلول بإذن الله

بصراحه من بديت اشاهد بعض مواضيع في هالمنتدي حبيت اشارككم واسمحو لي لكن من باب التعبير عن المشاعر ولا أجد بصراحه في هالايام من يتقبل منك الكلام او انه يشاركك بهمومه

و اريد ان ادخل في صلب الموضوع مباشرهـ

1- زوجتي لا تهتم بالبيت لا من نظافة ولا من ترتيب ولا كوي ملابسي .. بنكمل سنتين بعد رمضان ولا اذكر يوم قامت بنفسها و حرصت بالبيت .. أنا اعترف بغلطتي كنت الومها او ادلعها بالدراسه في الجامعه و مالها خلق و مادري ايش و كنت اقول مو اليوم بكره او اجيب خدامة أهلي .. وكنت أخلي كوي ملابس الثياب والشماغ برى ... حاليا ابي اعرف وش الحل معها ابيها يوم خلصت من دراستها انها تهتم فيه يعني هل اقولها ترى ما كنت حازم معك من قبل عشان دراستك والحين يوم خلصتي انتبهي لبيتك .. هل يصلح اني اقولها هالحين ... ؟؟؟؟

2- الجماع : ما ادري وش اقولكم فيه اخر مرهـ جامعتها فيه قبل فترهـ طويلــة الي يقهرني مادري ليش ما تبي اليوم من القهر ابصارحها قبل كم يوم دعيتها ورفضت ...

3- حبوب الياسمين : الي الحين تستخدمها واذا قلت لها هالشهر مافيه تقولي لا و مادري ايش يعني بعدين نتكلم بالموضوع وبصراحه لما تروح عند اهلها ما تشتري الحبوب الى لمن تكون عندي بس

4- ما تعرف تتكلم بالموضوع اقصد في المناقشات يعني تتحمس ومادري ايش وتبي تفرض رايها .. تشوف الي عند خواتها وتبي تصير مثلهم اختي فلانه عندها شغاله .. ومادري ايش ... مااااقصرت معها اسبوع تكون عندي والاسبوع الثاني خميس و جمعه تكون عند اهلها

5- الاخير الي تقهرني فيه تبي شغاله .. علي إيــش مادري .. شي يقهرررر .. علي المزاج ..

اسمحولي لكن احب اخذ ارائكم والي واجه هالمشاكل من قبل وكيف حلها و كيف الطرق المناسبه


و جزاكم الله الف خير

وعليكم السلام ورحمة الله وبركاته

مشكلتك بسيطة وبإذن الله تلقى لها حل
من وجهة نظري تحتاج زوجتك الى تعليم مكثف في الأدب والمشاركة في الحياة الزوجية
اعتقد انك اذا قلت لها بتثور وتزعل..!
حاول انك تجيها بطرق وحيل جميلة..علشان تتقبل وتعرف ما لها وما عليها
اذكر في بداية زواجي كنت عنيدة وما اتقبل من زوجي النقد وكنت اشوف دايما اني على صح
وهو الله يرجعه لي بالسلااامة كان يحاول يحسسني بخطئي بطرق ذكية غير مباشرة..!!

اذكر مرة فاجئني بشغلة حلوة وعجبتني..بس ما شكرته ولا بينت له اني فرحانه..(مادري شلون كنت افكر ساعتها )
عاااد هو قال لروحه الكلااام الحلو بلساااني..
انا استغربت من اسلوبه وحسيت اني جاهلة وغير مثقفة وبديت اتقبل منه واتعلم تدريجيا..!

حاول انك تصبر عليها وتعلمها تدريجيا كيفية التعامل مع الشريك

في البدايـة أشكرك أختي .. حلم و تحقق ..


في البداية قلتي اجيها بطرق حيله و جميله !! ممكن توضحين لي اغلب الطرق


و كمان (اذكر في بداية زواجي كنت عنيدة وما اتقبل من زوجي النقد وكنت اشوف دايما اني على صح )

كيف صار لك التغيير ياليت تسردينها لي
والنقطه الاخيرهـ حاول انك تصبر عليها وتعلمها تدريجيا كيفية التعامل مع الشريك

انتي تقولين اصبر عليها بصراحه اخاف تروح الايام ولا يصير شي عرفتي يعني معقوله الواحد يقولها بعد سنه او سنتين ؟

وشكــرا

سبحان الله والحمدلله ولا حول ولا قوة الا بالله

وعليكم السلآم ..

أعآنك الله على ماابتلآك ، أستغرب من بعض النساء اللي مثل هالنوعية .. أسأل الله أن يهديهن

أخي الكريم / هذا نتيجة الدلع الزايد فوق حده منك وهذا ماحصدته منها ..
وآضح بأن المدام ماكانت تشتغل في بيت أهلها ، لذا تعودت ع النظآم
الحل / انك تصارحهآ وتحزم معاها شوي وبعض طلباتها لاتقوم بهن علشان تحس إنك شايل عليهآ ..

موفق

__________________
اللهم أرزقني زوجآ صالحآ تقيا نقياً ؛ وممن ترضآه من الرجال عندك ..
واحفظ لي ياإلهي (أمي وأبي) ف هم اعز ماأملك ،

ادعى ربنا وتوكل عليه ثم..خذ بالأسباب

ربنا يوفقكم

__________________
الله معى .. الله ناظرى .. الله شاهد على ..

أقولك على حاجة.............

,.......شجعها تدخل المنتدى دة.............بجد جميل وبيعلم حاجات حلوة كتير ان شاء الله

__________________
الله معى .. الله ناظرى .. الله شاهد على ..

من الواضح انك كثير تحبها..اقعد معاها في جلسة مصارحة وخبرها كل الأمور اللي تضايقك منها
والصفات اللي ماتحبها فيها واسألها شنو الصفات اللي ما تحبها فيك علشان تغيرها وتتجنبون المشاكل والمنازعات..
اخوي حاول انك تكون حازم معاها اذا ما شفت اي تقدم
والله يوفقكم ويرزقكم الذرية الطيبة المباركة

مشكلتك حلها بسيطب
الحل هو الحزم لابد تكون حازم معها

والنتيجة راح تشوفها مع مرور الوقت بس طول بالك
لأن المرأة تعودت على الدلع



الحزم الحزم الحزم

__________________
كل ابن أنثى وإن طالت سلامته يوماً على آلةٍ حدباء محمول

أنا مع أخوي سديد الرأي في رأيه . لابد من الحزم نوعا ما . وصدقني ما أنت الوحيد اللي تعاني من تلك المشكله والموضوع يرجع لأساس التربيه على تحمل المسئوليه في بيت الأهل ، والله العظيم عندي أخت والحق ينقال حتى لو على أقرب قريب اني أرحم زوجها وأخجل من أهمالها له ولبيتها وكل هذا بحجة وظيفتها . الله يسخرها لك ويهديها ويهدينا جميعا .