مساء الخير

حبيت اعرض مشكلتي الي اعترف انا السبب فيهااااااا

مشكلتي هي انا الزوجة الثانيه واعاني من الغيره الشديده من زوجته الاولى بس هل غيرتي مبرره ولا هي دلع زايد ؟؟؟؟؟ عموما انا كنت مطلقه ولدي طفلين ويتيمة الابوين وكنت اعيش مع زوجة اخوي والباقي اكيد عرفتوه........مشاكل وغيرة منها !!!!!!حتى اني فضلت الزواج عن اي شي ثاني المهم تزوجت برجل خليجي وسافرت وعشت معاه ببلاده كنت اتوقع اني راح اكون المدلله او على الاقل حقوقي تكون كامله لاكن الصدمه اني صرت انا اصرف على نفسي من الالف الى الياء......ملابس اكل اغراض للبيت , واكتشفت انه يحبها ولايقبل يزعلها لدرجة انه كان يدلعها امام اهله<<هذا كلام خوات زوجي
انا عمري 30 وحاطني بشقه عند اهله وام زوجي نفس باقي الحموات تبي شغل وطبخ ....الخ وزوجته مأجرلها شقه عند امها وخواتها

الي قاهرني اني انا اذا سافرت بلدي يتركني بالاسابيع وهي مستحيل يبعد عنها لدرجة انا الحين بآخر الشهر التاسع وهو تاركني ومسافر معاها وانا تاركني وحيده هني

الحين موعارفه الحل شنو طلاقي ولا اسكت على هالوضع والمشكله الاكبر اني صرت اشك فيه لان للحين مالقيت مبرر يستحق ان يتزوج زوجة ثانيه ؟؟؟؟
تعبت من التفكير والهم لدرجة اهل زوجي ماانزل لهم من ضيقة الخلق موقادره اقابل احد او اكلم بشر احس غلطت بالزواج واني حملت بسرعه المفروض اتمهل شوي واشوف الوضع مدري شنو اسوي
ارجوكم خواتي تعذروني على كتابتي الركيكه لاني صج افكاري مشتته ومنهاره فارجو منكم المساعده بالنصح والارشاد فوالله اني مالي بعد الله غيركم

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))