السلام عليكم
كيفكم ان شاء الله الجميع بخير
اول شي قبل لا ابدأ بـ الموضوع اللي عندي احب اوصل اعجابي بـ المنتدى الرائع والاعضاء الأكثر من رائعين لتعاونكم واعطائكم النصائح المقنعه والمريحه جزاكم الله كل خير ووفقكم. ابدأ موضوعي

مشكلتي مع امي [امي الغالية] انا احب امي كثير وهي تحبني امي ولا مره بعمرها ضربتني بس اذا غلطت تهاوشني وبعدين تنصحني واسلوبها حلو معي بس انا اشوف تصرفات من امي تضايقني وتخليني اعتقد انها ما تحبني بس صعب اقولها واسكت ومليت من السكوت
امي عصبيه شوي ودايم تدعي علي واقولها ترا ربي بيستجيب وهي تقول انا اذا دعيت عليكم وانا معصبه استغفر والله كثير من دعوات امي وجبت مثلا تقول اذا عصبت منا عشان اي سبب لو تافه مررره جعلك المرض اللي ما تطيبين منه واقسم بالله انا الحين مصابه بمرض مهو خطير الحمد لله بس رحت مليون مستشفى وقالو ماله علاج يقطعه بس تظهر اعراضه من فتره لفتره وغيرها والله دعواة وغير كذا امي تدعي لأخواني اللي يتمنونه ولا تدعيلي ومره كانت تقولي انها تدعي لأخوي بشي يتمناه ان الله يحققه له وقالت انها دعت لاختي عن الشي اللي تتمناه وقالت دعيت لكم بالتوفيق كلكم قلت تدرين انتي عن الشي اللي اتمناه يمه قالت ايه قلت دعيتيلي مع اختي واخوي قالت نسيت والله مب مره اكثر من مره صار هاذا الموقف وانا اسكت لاني ما اتخيل بيتنا بدون امي وغير كذا لمن اطلع مع امي اذا شافني احد من عماتي ولا خالاتي يقعدون يمدحون محلوه وزاينه ومتغيره وامي تقول مع وين والله ان اختها احسن منها قدامهم والله وكذا مره صارت وانا اسكت واضحك ما ابين وعمرها امي في حياتها ما مدحتني على لبس ولا تسريحه بس تمدح اختي انا مستحيل واذا مدحني احد قالت من وين اختها احسن وحتى انخطبت اكثر من مره امي تردهم بدون لا تاخذ رئيي وتكره الناس اللي انا احبهم وتحب اللي انا ما احبهم عندي وحده قريبتي مره مضايقتني وتصرفاتها تزعجني وامي كل يوم تمدح فيها عندي وهي تدري واشكيلها عن تصرفاتها وتمدح فيها قدامي مدري ليش امي كذا تعاملني في شي امي تردده دايم ويمكن يكون له علاقه بسبب تصرفاتها كل مره اختي تطلب شي من ابوي تخلي امي تقوله وامي ترد عليها تقول خلي اختك اللي هي انا تكلمه لانه مايرد لها طلب قلت يمكن غيره يعني ولا وش السبب والله احترت ازعل منها اليوم وارضى بكره مررررره احبها بس تصرفاتها تضايقني مررره صرت والله احس انها ما تحبني وما ادري وش اسوي ومره قالت انتي مره قلبك على ابوك تحبين ابوك وابوك ما يحب الا انتي وانا والله احبهم اثنينهم الله يخليهم لي ويخليلكم امهاتكم وابائكم امييييييين وحتى لمن امي تزعل من ابوي انا ازعل منه افزع معها ولا فاد تقولي انتي بنت ابوك.!! وبـــــــس
عذرا على اللإطالة واتمنى منكم النصيحه

أدعي ربك أن يهديها ويرقق قلبها وأن يبعد عنها العصبية الزائدة ،،، الدعاء سلاح المؤمن بربه

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

اول شئ يمكن يكون غيره لان فيه بعض الامهات تغار من بنتها او انها شافت ابوك يحبك اكثر من اختك فتحب تقف مع اختك لاتفهمينها غلط وانتي بشطارتك تقدري تخليها تغير طبعها معك وبرضه انتي راجعي نفسك يمكن تزعلينها بكلامك او اسلوبك معها وبعدين هذي امك والله ماتلقين ارحم منها عليك جربيها كذبي عليها انك فيك شئ او طيحي او او ...
شوفي كيف تسووي واللي خطبوك وردتهم امك يمكن مايناسبونك وهي ادرى بمصلحتك ولا تفكرين انها ماتحبك وانها تحب اخوانك اكثر اسغفري الله وهذا اكيد الشيطان يلعب عليك حتى تعصينها لاتسمعين له وخلالاص انسسي وحطي في بالك ان مستحيل فيه ام تكره بنتها ....والله يوفقك ويخليها لك يارررررررب

الكسائي و جنون المشاعر الف شكر اسعدني ردكم