شوروا علي تكفون هل أطلب الطلاق؟
السلام عليكم
أنا سبق وتزوجت بالغصب وطلبت الطلاق وبعد سنتين ونصف وافق يطلقني تحت ضغوط وطلبات
وجلست 7 سنوات ماتزوجت تقدم لي الكثيييير
لاكن إما يفحط أو يستعمل أو معروف بالهستره أو أصغر مني أو خلقه ما أبغاااه مو عاجبني
المهم وبعد 7 سنوات تقدم لي رجل متزوج هجيت من المتزوجين وطحت بمتزوج
مع إني رافضه ناس قمه بسبب إنه متزوج من ضمنهم واحد معلم و واحد طيار ..
المهم تقدم لي هالمتزوج وكنت أمر بظروف عائليه صعبه
وصعبه أقولها تصرفات من أهلي تتعب الواحد نفسيا"
وكنت اطلب من أبوي اتوظف لأني كنت محتاجه بالمررررررره وكان يرفض!!!
وأمي ماتساعده بالعكس أحيان أحس إنها بتصرفها تزيد المشكله فقررت أول واحد يدق بابنا اوافق عليه
وتقدم لي رجل عمره 46 
كذبوا علينا وقالوا 39 او 40 المهم وافقت ع طووووول
وقال إن عنده زوجتين وقلت ماعاد تفرق دام متزوج إن شاءالله 3 وانا الرابعه ..
المهم وافقت هو طبعا" شاف سيارتنا قديمه وبيتنا قديم قال ذولي لو اخلي بنتهم عندهم واصرف عليها يمكن مايقولون شي..!!
المهم طلب يشوفني وعلى طول وافق وانا وافقت صدقوني مو عشان الضغوط اول شي ابي اتزوج واعيش حياتي ثاني شي ابرتاح من بعض التصرفات إللي سببت لي حاله نفسيه ..
المهم لما جلسنا ايام جا يتملك انا احسب معاه احد ماكنت ادري عن شي اثاريه جانا بروحه وملك نفسه والشاهدين ابوي وأخوي!!! فطلب اجلس معه انا كنت متجهزه ادري بنتملك بس ماتوقعت بهالطريقه المهم دخل علي ابوي وقال إطلعي للرجال يبغى يجلس معك قلت يبه مابعد تملكنا خل يجي الشيخ إللي يكتب العقد ونتملك واطلع عليه قال ابوي انتم تملكتوا الرجال ملك نفسه قلت كيف يعني قال مو شغلك إطلعي للرجال لاتفضحيننا هو شيخ ومأذون أنكحه..!!
انا طلعت وطلب اطلع معه بالسياره بس رفضت وقال لأبوي وغصب طلعت ابوي انتم ماتعرفوووووووونه يخوف واخاف يفضحني فيه ويفشلني المهم طلعنا وطلبت ماننزل بأي مكان بس ربع ساعه ويرجعني وسكت شوي بعدين وافق...ورجعني وجلسنا 3اسابيع وقال بتزوج !!! مالي حيله وافقت خلصت اغراضي بسرعه وتجهزت دق علي وقال الزواج سكاتي قلت انا اوك بس من ناحيتنا بنعلن يعني حفله عائليه وبنعزم جيراننا حتى يعرفون .. قال طيب موافق انا حسبته ليلة الزواج بيجيب لو رجل واحد أثاريه دخل على اهلي وخوالي وعمامي وبعض قرايبنا بالإستراحه بروحه!!!!!!!!!!!!!!!!!!!!!!!
قلت هذي اول الفشيله..طبعا" سافرنا وجلسنا بس 3 أيام ورجعنا ورجعني ع بيت ابوي ويجلس فتره ويجينا قلت انت متزوجني مسيار ولا وش قصتك قال لا وشو مسياره المسيار بدون مهر وانتي معطيك 40الف قلت انت لو معطيني ميتين الف وتبغاه مسيار مايهمك إسمع ابغى عيال يعني حبوب منع الحمل هذي إللي طلبت بتركها وأبغى بيت انا بيت حمايل ومن راس القبايل وماتنتسوى بي هالسواة ولا طلقني..
قال بفكر قلت بوشو قال يا البي طلبك يا طلاق قلت بعد بتفكر تعطيني عيال وبيت ولا لا هذي ماتبي تفكييييير اقول طلقني بس...وجلسنا 3 أيام وهو مسوي يفكررر وارسل ع جواله رساله قلت أنا بإنتظااار ورقتي طلقني بأسرع وقت اللي هذا أوله ينعاف تاليه.. وطلقني طلقه وحده وجلسنا 3 اسابيع ورجعني وطبعا ما دفعتني حاجتي وما إستغليت وضعه المادي وطلبت رضوه قلت إذا عنده ذوووق بيجيب لي هديه من كيفه بدون طلب ... ومير ماجاب لي لو عطر !! بس ماهمن وما آخذت بخاطري لأني افكر بأكبر من كذا يازواج صاحي مثل الناس يا طلاق...ورجعني وقال ابحطلك بيت وشغاله وش تبين بعد قلت بس هذي وجلسنا سنه وإحنا ع وضعنا نحتري البيت وكل شهر يقول الشهر الجاي وانتي في بيتك بس يسكتني وقلت لاهلي قالوا وش انتي مستعجله عليه خليك عندنا ومتى ماخلص بيتك بيجي ياخذك>>>ردهم يجيب الأعصاب
المهم انا الحين لي سنه وثلاث شهور وانا عند اهلي والناس القريبين والبعيدين اشاعوا إنه مسيار وانا انفي بس لااااا مقتنعين وبيني وبينكم ما ألومهم الناس مالهم إلا الظاهر..طبعا" قلت ابروح اشوف بيتي هاللي انت تقول ووداني وشفت بيت عظم باقيله 4 شهور شكله خاف وشراه ...هذي سالفة البيت
مشكلتي الخاصه مع زوجي يعلم زوجته وعياله باللي يصير بيننا طبعا" زوجته الاولى واولادها اما الثانيه جاحدني عنها...وهذا السبب الرئيسي اللي مخليه يتصرف معي كل هالتصرفات واقول له ادري عشانها وهو يجحد ... المهم لما تزوجته حبيته مووووت وحده 7 سنوات ماتزوجت وهي سبق وتزوجت شي طبيعي تحبه لو إنه ماينحب..وكنت اكشخ له آخر شي ومصروفي يروح ع عطوراتي وشكلي عنده وما أكررر اللبس عنده..إلين أعترف بذوووقي وكشختي ...الحين أنا تعبانه نفسيا" منه واحس بديت اكرهه وامل منه مع إنه ماديته ممتازه ولو تركته بخسر مصروفي بس ماعاد يهمني شي انا صااااااار بي إكتئااااااااااااب مابغى بيتي هاللي مابعد سكنته ولا زوجي أبغى اتطلق بس وش رايكم أبي تنصحوني انا مالي خوات واخواني صغار وامي اميه ومايهمه بتقول اصبري وابوي يقول دايم اصبري لو عشان مصروفك!!!!!؟؟
إنصحووووووني هل لو اطلب الطلاق افضل..وآخاف اتطلق وماعاد يتقدم لي احد للمره الثالثه .. واخاف اطيح بمتزوج مره ثانيه ... شرايكم اصبر ع اللي انا عنده حتى لو إني غير سعيده علما" عمره 46 او 47 وأنا 26؟؟
آسفه ع الإطاله وعدم ترتيب كلامي إعذروووووني آحس بحالة إكتئاب فضيعه
مالي خلق شي ابغى افضفض وابي الحل ...إدعولي...
التعديل الأخير تم بواسطة ملكة الهدوووء ; 28-07-2010 الساعة 12:52 PM
28-07-2010, 12:24 PM
ضوابط المشاركة
العرض الشجري