أريد أن أحبه مرة أخرى ..
السلام عليكم ورحمة الله وبركاته
ها نحن وصلنا العشر الأواخر من رمضان ويا مسرع ما جت ها الأيام
ربي يجعلنا من اللذين نصومه ونقومه ونختم القرآن فيه
وربي يجعلنا من العتقاء من نيرانه
أكتب لكم موضوعي وأنا أحس نفسي مو طبيعية
أو إن مشاعري الرومانسية طفحت بزيادة ها الأيام ..لا أدري
المهم بكتب لكم سالفتي وأتمنى تشورون علي
من ثلاثة أيام خلصت عني الدورة الشهرية ورجعت الى صومي والحمدلله
ومن ثلاثة أيام رجعت حياتي الزوجية او العاطفية طبيعية مع زوجي أو هذا ما ظننت في البداية
لكن .. فيه شيء غريب في نفسي ما أقدر أعبر عنه الا إني أقول إني مليت
مليت من روتين زوجي معي ( بليز لا أحد يتهمني بالسذاجة او التفاهة )
فيه شي غير صحيح في الحسبة ..يعني فيه شي تغير بيني وبين زوجي
حسيته بارد أو ..انا الباردة في مشاعري تجاهه
حسيت أنه ولا شي يرضيني أو أقصد نسى كيف يحبني أو يقوللي كلام حلو
صار الأمر كواجب أو شيء مفروغ منه
والبارحة طلعت اللي في نفسي وبدأت أنتقده في كل شيء طريقته وطريقة لبسه وكلامه واسلوبه حتى انه وصلت المواصيل وانتقدت نظافته (الله يسامحني) بس ما قدرت أخلي في خاطري
يمكن انتقادي له كان مبالغ فيه
والله ودي أبكي الحين لأني أحس إني أبغي أحبه أحس أن ها الشيء مفتقدتنه
بيننا عشرة ..وبينا ود ..وبينا صداقة..وبيننا ألفة ومحبة ..وبيننا فوق هذا كله أطفال ربي يخليهم لنا
لكني بحثت عن اللي يسمونه (حب) ما لقيته هل هو شيء خيالي حاسة إني بنجن من التفكير بها الموضوع
بديت أسأل نفسي أسئلة غريبة : أحبه ولا لأ ؟ بديت أستحقره (الله يسامحني مرة ثانية )
ودي أنظر له بنظرة غير ..بنظرة الولهانة لشوفته بس مدري
هل هذا يسمونه برود العلاقة الزوجية ؟ أو يسمونه الروتين القاتل
أنتظر رايكم ومشورتكم
__________________
الظلال تمد ايديها لنا !
هل يا ترى تكون ارفق علينا من الضوء؟
30-08-2010, 03:57 AM
ضوابط المشاركة
العرض الشجري