السلام عليكم احبتي في الله وجمعنا االله واياكم بجنات عرضها السماوات والارض وعتق رقابنا من النار
مدري وش اقول ولا اعيد بس والله قلبي مرة مليان ...صبر جميل والله المستعان
طبعا صار في سوء تفاهم بيني وبين امي بسبب زوجها وتطرقت لهذا الشى في الموضوع السابق
احس انه مالي كلمة في بيت اهلي واختي الي اصغر مني هي الكل بالكل رغم انها والله العظيم حقودة وطبعها شين بس محظوظة مع امي انا لا صار في هواش بالبيت مقدر على الزعل مثل ماعلمتكم على طول اروح اخضع لامي واقبل قدمها ويدينها واقولها سامحيني حتى لو انظلمت ولو هاوشتني اختي اكلمها على طول ماتخيل نفسي جالسة في بيت احد زعلان علي فيه
واختي ماتعتذر ابدا حتى لو هي الغلطانة وقسم بالله تجي غرفتي واتخذ عطوري وتقولي اعطيني ذي وذيك ولا اقولها لا واليوم شافت شباصتها عندي وقامت شالتها الشباصة ياجماعة وربي ماتسوى ريالين وانا اعطيها بس الاشياء الثمينة حز بخاطري الي سوته مدري بتقلون شى تافه وانا حساسة بس والله العظيم اني اتاثر ..اختي لو صارخت مع زوج امي امي تسكت ولا تنظق بكلمة وانا لو تكلمت تقوم الدنيا وتقعد على راسي جلدي مالح مثل مايقلون ..
ايش تنصحوني فيه اصير زي اختي ولا اصالح احد وبكذا يسون لي اعتبار لي ولزعلي ولا ابقى مثل ماانا على طبيعتي
ممكن مشكلتي بهالزمن اني صريحة والي بقلبي على لساني ولا اعرف اجامل الوقت وهذا مايزعل الكثير مني لاني صعب اللبس ثوب ماهو ثوبي
واختي حقودة بس تجامل ولا تبين حقدها للناس ومويا من تحت تبن ياعالم تعبت وربي البيت حتى زوجي يقولي تماشي مع الوضع وانا مقدرررررررررر

__________________