بسم الله الرحمن الرحيم

ياريت كل من يقرأ رسالتي ويقدر يساعدني لاني بصراحة تعبت من التفكير ومالي ملجأ بعد الله سبحانه وتعالى الا انتم

انا تزوجت من فترة طويلة عشر سنوات تقريبا رزقت فيها بطفلين الله يخليهم لي ويجعلهم من الصالحين

زوجي طيب معايه واغلب الاشياء المادية الي اطلبها تجيني بحكم ظروفه المادية الجيد ولله الحمد
لكن للاسف زوجي خاين بكل ما تعني الكلمة طبعا الموضوع في البداية كان تليفون وماسنجر وقالت اصبر حرام اضيع اولادي او احرمهم من ابوهم قلت تقليد تفاخر جبت اسباب كثيره علشان اقنع نفسي ولما عجزت قلت طنشي اهم شي عيالك وطلباتك مجابه
لكن للاسف الموضوع كل ماله يتطور
امس لقيت في ايميله رساله يطلب فيها بنت صغيرة و.........لقضاء ليله ساخنة
عذرا على الكلمة علشان ما احد يقول لي انتي فاهمه الموضوع غلط

وهذا مو اول مره القى فيها مثل هذي الرسايل لكن كنت اكذب نفسي

لكن بصراحه تعبت انا الحين ممكن اصبر لكن الي متى انا مو قادرة اتعامل معاه بشكل طبيعي صرت اناظر فيه واحس داخلي نار نفسي احرقه فيها

الحين انا مو عارفة وش الحل اتركه واطلب الطلاق لكن الرجعه لبيت الاهل مطلقه صعبه
او اجلس مع زوجي واسكت
او اصارحه واعيش لاولادي

انا محتاره وتعبانه
ساعدوني الله لا يحرمكم الاجر والي عنده نصيحة لايبخل بها