السلام عليكم حبيت تشاركوني احزاني وافضفض لاني راح اختنق والله
انا على طول بدعي الله يرزقني بزوج صالح اكمل نص ديني كيلا اقع في الحرام ومرة دعيت الله كتير وكنت ابكي
وقررت انو فوت عبرنامج محادثة وكنت ببكي والله يعني يائسة من الحياه كلها
لقيت شب بالكتابة نحكي حكالي انو متزوج وزوجتو ماتت وانو هلئ بيخطب قلتلو مبروك و وخلص سكتت انا مابكثر حكي هاذ طبعي
بعد سومين
كمان كنت يائسة ووبكي وفتحت النت
لئيتو بيسالني كيفني شكيتلو حالي انو مالي حظ بالحياه والدنيي تمشي معي بالمقلوب حكالي ليش ماتعيشي قصة حب راح تنسي همومك قلت لا مابحب هالمغامرات انا ماناقصة هموم وفشل ليش عيش قصة حب ممكن تنجح ممكن تفشل ومايكون زواج بالاخير لذلك انا بفكر بالزواج دغري انا كنت حريصة ماخليتو يسمع صوتي ولا اشي قلت خلينا عالكتابة حكالي راح ساعدك
قلتلو كيف قلي تتزوجيني قلتلو وخطيبتك حكالي لسا ما رحت خطبتا رسمي وانو عجبتو اخلاقي وتفكيري المهم ما دغري استوعب سالتو عن صلاتو عن دينو حكا انو بيصلي وامو كانت بدرس شريعة وامو وابوه متوفين وانو بيخاف الله وانو ناويني بالحلال وانو كان متزوج زوزوجتو اتوفت قلت عبركة الله المهم شفتو عالكمرا وشافتني بصورة حاطة خمار صار قبول من ناحية الشكل وحكالي اخبر امي خبرت ماما وبكرا حكالي خلي ماما تخبر ابي لانو جاي بعد شهر وصار هالشي وخبرت بابا انو في شب جاي يتقدملي وحكا مع ماما عالتفلون وئالا بدي بنتك عسنة الله ورسولو هو كان يشتغل ببلد تانية المهم ماما حكتلي خليه ياجل مجيتو لتخلصي امتحانات نص السنة خبرتو وضلينا بهالفترة نحكي مع بعض وكان بيحكيلي جهزي حالك اشتري اغراض لبس لانو جاي قريبا وورجاني الشبكة والخاتم كمان المهم خلصت امتحانات اجت عطلة نص السنة مالمفروض يجي ماتصل يومين انا انشغل بالي بعدا اتصل يخبرني انو عمل حادث وانكسرت اجرو وضلعو وانو بالمشفى خفت عليه كتير انا وخبرت ماما على فكرة اهلي كلهن عارفين يعني كلهن كانو بيستنو المهم انصدمت انا وحسيت بخوف شوي وشك بالموضوع وكنت بسالو اكيد راح تجي نتزوج بيحلفلي بالله ويشهد الله ورسولو انو راح كون مرتو ليوم الدين وماراح ياخدني غيرو اطمنت المهم بعد 20يوم صار معافى فماما خبرتني لتخلص امتحانات السنة وضلينا نحكي مع بعض وصرتا مفتنعة انو هو نصيبي وكنت دايما اعمل استخارة والامور كانت ميسرة وتعلقت فيه وصرت بحبو واقتنعت انو نصيبي خبرتو مابدي عرس مابدي مهر بدي بيت صغير ونكون اسرة ترضي ربنا خلصت السنة واجت عطلة الصيف وصار وقت ليجي وكنت متحمسة كتير ليوم خطبتي وتاخر هو وكان يتصل فييا بيخبرني انو جهز الشنط وبيستنى بس الاوراق المهم اجاني خاطب ثاني هاذ كان من شهر رفضتو قلت انو عطينا كلمة لناس ثانين بس هالخاطب حكا انو يستنى ليشوف ممكن مايتم زواجي بيجي هو المهم لما اتاخر صرت بتصل عليه بقلو ضروري تجي في خاطب ثاني وصار مارد عالتلفون انا شكيت وكنت ببكي على طول لاني صرت بحبو وافتنعت انو نصيبي اجا براسي ادور عليه بالنت والحمد الله في موقع وعن طريق ليمايلو خلاني اكتشف انو اكبر كاذب وانو اسمو غير اسمو وامو وابوه عايشين ووعملت تحريات وعرفت كذبو انصدمت صرت ماباكل ولا بحكي بس ببكي الم في صدري مابنهض من فرشتي حسيت حالي راح موت وعم بدعي الله وعرفت حدا من صحابو وعرفت كلشي ومن كثر ماكنت بحبو ترجيت صاحبو انو يخليه يجي يخطبني برغم كذبو وغير نمرتو وطلع ماكان متزوج ولا عمل حادث وانو مابيخاف الله لانو استعمل الدين والحلف بالله واشهاد والرسول حتى يقنعني بمصداقيتو كفاية لهون ماقدرت اكتب اكثر لانو بتعذب اكثر انا هلئ قبلت بالخاطب الثاني لكن قلبي مكسور وفي داخلي الم وغل وطول رمضان وانا عم بدعي على هالشب الي ضلمني وخدعني وخدع اهلي وخلاني عيش وهم وكسر قلبي حسبي الله ونعم الوكيل وحتى الان لم استطع ان اتجاوز همي وحزني والمي قلبي يقطر دما وفي صدري غل لدرجة انو بدي اسمع عنو خبر موت او اي شي مافرحانة بخطبتي وماعم جهز حالي مع انو مافاضل غير اسبوع وبدعي الله يكشف عني الهم والغم وينزل السكينة على قلبي وانو ينتقم منو شر انتقام
ادعولي جزاكم الله خيرا
ا
08-09-2010, 09:37 AM
ضوابط المشاركة
العرض العادي
