صديقتي تخرج مع رجل غريب ؛ كيف أنقذها ؟
بسم الله الرحمن الرحيم ..
السلام عليكم ورحمة الله و بركاته ..
ربي يسعدكم أبغاكم تساعدوني في كيفية التصرف في ما أمر به ..
انا فتاه أقرب ما أكون لـ الإستقامه والفضل لله وحده .. والحمدلله صديقاتي يشهدون لي بالخلق و الأدب
مشكلتي صديقتي .. تعرفت عليها في الجامعة من أسبوعين تقريبا .. تصرفاتنا عكس بعضنا تماما
هي ارتاحت لي كثييييير .. وانا حبيتها من قلبي .. وناوية أساعدها بس طبعا ما وضحت لها نهائي حتى ما تنفر مني .. هي قاصه شعرها قصة الإيمو .. وشكلها غير شخصيتها تماما .. يعني يبان عليها قاسية وعنيده بس هي طيبه لأبعد حد وينضحك عليها بسرعه
وقالت لي بنفسها مره ( انا غبيه وينضحك علي بسرعه ) مشكلتها تكلم واحد وهذا اللي اكتشفته والله أعلم بالخافي ,, وبإذن الله ما يكون فيه غيره يارب .. قبل يومين حاولت تطلع من الجامعه بحجة إنها تبغى تشتري وبترجع وعرفت انها تبغى تطلع معاه
ولما وضحت لها اني فاهمه عليها قالت انها تعرفه من سبع سنين و أهلها يعرفوه .. إلى الآن أنا بينت لها موقفي اني أحبها لكن انا معارضه لتصرفاتها / ما قد أعطيتها نصيحه بحته أو جافه ..
لأني بجد ما أبغى أخسرها .. و اليوم كنا نتكلم عن زميلاتها وقالت لا والله إنتي غير .. سألتها ليه قالت انتي تنصحيني وقليل ألقى بنات ينصحوني .. حمدت ربي إنها بدأت ترتاح معايه وإن اسلوبي معاها مزبوط وما نفرها مني ..
بس انا موعارفة ايش الخطوات اللي اتبعها عشان أقنعها انو اللي تسويه غلط وقد تكون مقتنعه انو غلط
بس كيف اساعدها تترك الغلط .. ساعدوني واعتبرونا بناتكم الله يخليكِم ..
الله يخلي لكم حبايبكم ويرفع قدركم دنيا واخرة يارب
__________________
ربي قل لأمنياتي كوني فـ تكون يارب
التعديل الأخير تم بواسطة رحيل دائم ; 14-10-2010 الساعة 02:43 PM
12-10-2010, 08:46 PM
ضوابط المشاركة
العرض الشجري