السلام عليكم،،

انه مشتركة جديدة في المنتدى لكن دايماكنت اقرا مواضيع المنتدى للاستفادة..

واليوم اشتركت عشان اقدر اكتب مشكلتي وتشاركوني آراءكم وحلولكم..

انه صارلي متزوجة 5 شهور لكن قعدنا انه وخطيبي معقود قراننا لمدة سنتين قبل الزواج وقبل هذا كله احنا متعرفين على بعض وعايشين قصة حب دايمة 7 سنين..

من فترة حسيت بتغييرات في حياتنا والمهم بعد بحثي وراه انه الحين عارفة انه يكلم بنت، الله اعلم شالعلاقة، صراحة صعبة علي اقول انه يخوني. بس كل اللي اعرفه ان يكلمها ليل نهار ويتأخر بالليل ودايما تلفونه مشغول ودايما يتشرد من البيت..

من شهر تقريبا انه صدت الرقم مع العلم اني صايدة رقم من قبل الزواج لكنه برر ان كانت صديقة صاحبه وفسرلي وانه مشيتها لان كنا مشغولين بتجهيزات الزواج.

تره هوا مافي منه معاي ويموت فيني وانه الله علي ما اقصر بحقه.. لكن هذي البنت قالبة عيشتنا واهو ماهو راضي يعترف دايما يقول انك تتوهمين..

مابي اطولها عليكم،، اللي ابي اناقشه معاكم اني الحين عندي الرقم، ابي خطة او حركة توصلني لنتيجة تخليه يتركها وبنفس الوقت مابي احد من اهله او اهلي يتدخل،، لان اهله حاسين ودايما يقولو لي حاولي تعطينا الرقم وانه اجذب اقول مو محصله...

اعطي اهلو الرقم وهو يتصرفو مازال اهلو عارفين وحاسين

__________________
http://live.gph.gov.sa/
اللهم اني استودعك اولادي

شوفي يا عزيزتي دام انك من قبل مواجهه زوجك ولكنه انكر الموضوع .. الان يجب ان توقفي و بكل ثقه تقولي لزوجك ..

انا تزوجتك و انت لحالك ما ابغى امرأه اخرى تشاركني فيك واذا كان عندك وقت فراغ مو عارف كيف تستغله .. فبدل من

ان تضيّع وقتك في اقامة العلاقه مع البنات اشغل وقتك في امور تفيدك دنيا و اخره .. اقضي وقتك معي انا و مع اسرتك

لكن ان تقضي وقتك في الحرام فهذا لن اقبله ابدا ..

وقولي له انا عندي رقم هذه المرأه و لن اتردد في الاتصال بها وفضحها عند اهلها ان لم تتركك ..

وان استطعتي ان تأتي بعنوانها يكون افضل اتصلي عليها و بكل هدوووووء قولي لها انا اعرف كل شي عنك و اعرف عنوان

بيتكم وارقام هواتفكم ان لم تتركي زوجي فسوف اعمل لك فضيحه بجلاجل .

هنا زوجك سوف يعرف انك قويه وانك حريصه على المحافظه على بيتك .. و تأكدي انه سوف يعمل لك الف حساب ...

اهم شي قوي قلبك و لا تخافي فهذه حياتك و انت في موقف القوه و صاحبة حق ..

و طمنينا عن اخر الاخبار ..

اشكركم على تفاعلكم,,

مو المشكلة اني واجهته كم مرة،، واشوف التلفون واوجه له كلام اني عارفة ومتأكدة بعد.. وكلما اقول له هالكلام يتكدر ويقول ليه تفكري فيني بهالطريقة.. ويراضيني ويدلعني ويمشي الموضوع

وكم مرة هددته اني باروح بيت هلي، يعني خلاص انا متأكدة من كلامي وفوق هذا كله ينكر ويقول انه ماعندي غيرك وبعدين اذا انا زودتها معاه يقلبها علي اني انا مريضة وشكاكة وقعدة البيت مأثرة علي..

ومادري ليه مو قادرة اعطي هله الرقم،، على اللي يسويه، مو حابة ان اهله يسوون شي يخليه يعصب وخايفة ان يتسرعون وبعدها يرجع يكلمها عناد

مادري شنو مسوية له هالبنت،، والله الكل حاسده علي والكل من تزوجنا يقوله ياهنيالك ( مو مدح بس مستغربة) !!

ليش الرجل يخون ؟
هل خوف الله لهالدرجة طاح من قلوبنا ؟
ليش نجرح احاسيس غيرنا ونعيش مبسوطين على جروح غيرنا
واجهيه وبعد المواجهة اعطي فرصة وسامحي وبيني له ان مسامحتك له لاعطاء اخر فرصة وان ماتعدل اتركيه
الله المستعان

__________________

اختي اذا تستطيعي انك تكلمي البنت و تسجلي المكالمه و تخلي زوجك يسمعها فافعلي فبهذا الدليل لن ينكر ابدا ...

اما البنت فهدديها انك سوف تفضحيها ...

انت الي الان لم تتخذي خطوه جاده تخلي زوجك يقف و يفكر و يعمل لك حساب و يعرف انك لست سهله ..

سمعي ياقلبي...
اشتري شريحه جديده بدون اسم ولا يدري زوجك عنهاا
وقت مايكون زوجك في العمل
راسليهاا برساايل كانك واحد واذا دقت عليك ارفعي السماعه واسمعي صوتهاا
وسكري
وراسلي زوجك كانك واحد
تعرفين البنت قوليه انا اعرف البنت واموت فيهاا
انت وش تبي فيهاا انا اطلع معهاا واجي
شوفي كيف ردة فعل زوجك
استمري لين تعرفين وش علاقة زوجك معهاا
لين تتاكدين بنفسك

وبعدهاا صااريح
وواجهيه بكل قوة قلبك وعااتبيه
قوليله ليه الخيانه والكذب!!!!؟؟؟
لين يتكلم ويعترف

__________________
قآل آلرسول صلى لله عليه وسلم
آفضل آلذكر:لآآله آلآآلله,’.

والله يا كثر ماقويت عيني وقلت له اني اعرف لكن مدري شيصير به لي افتح الموضوع ينهار ويعصب وعلى طوول يطلع من البيت...

كثييير فكرت في مسألة اني اتصل لها بس من داخلي قهر اني مابي انزل نفسي لها..

لكن فكرة اني اعمل نفسي شخص ثاني هذي ممكنة.. جات في بالي

والله ودي اشرشحها,, بس خل الموضوع ينطبخ,, يبيلي اشتري شريحة جديدة واعمل المطلوب

والله يستر

الله لايبلي اي احد منكم،، والله الليل ما انامه من التفكير ومدري ليش على اللي يسويه فيني بعد اخاف عليه وماودي اجرحه لكن وايد وايد عذبني ،، واللي منبني بينا مو شوي ،، احنا نعرف بعض من زمان،، مدري شاللي يخليه يسوي جذي

مادري شنو تطلع هالبنت

انا أشوف إنك تاخذي جواله وتدقي منه علا البنت قدامه وخليه علا السماعه المكبر وقولي له الحين أبغاك تزف ذي البنت قدامي أنا واثقه منك البنت هاذي أذتني دايم تدق عليه وتقول جيبي لي فلان بأسمه وتقول إنها تحبك وتموت فيك الحين أبغاك تزفها علشان أتأكد إنه مابينكم شئ أنت وياها إذا زفها وتكلم عليها إعرفي إن هاذي شراره بتحرق علاقتهم وإن تهرب ومارضي يكلمها وتغير وجهه وقت سماع صوتها إعرفي إنه بينهم شئ ولازم تعرفين من زوجك
وش هو وأنتي إخذي جواله ودقي عليها منه قدامه وأغسلي شراعها غسل من جواله حتى تحس إن العنوان غلط وإنها أرتكبت غلطه كبيره يوم ركضت ورى زوجك وإنها ماعاد بتلقى وراه فايده عقب كشف حقيقتها من قبلك وفي نفس الوقت أبو الشباب ماعاد يدري بأي وجه يكلمها بس أنتي قوي قلبك وخلي الشفقه الزايده كل ماقال لك أنا ما أسوي كذا مستحيل وأنت متأكده ليش تصدقينه هاذا إستغفال لك إنتبهي قبل لايتطور الأمر أكبر من كذا والخيانه أمرها عظيم حتى لو بلمكالمات وأنتي الحين موقفك قوي وصح بكره يحملك أنتي مسؤلية إللي يسويه بدليل إدعائه الحين بأنك شكاكه ومريضه بكره يقولك أناسويت كذا بسب تقصيرك وإهمالك وبعض الرجال مايعترف بغلطه أبد دايم يدورشماعه يعلق عليها غلطه وأقربها شماعه الزوجه أنت مقصره ماتهتم فيه ماتقوم بواجباتي هاذي مريضه نفسيا وأنا رجل لي إحتياجاتي أبغى وحده تفهمني وتفهم إيش إللي أبغاه وتحس فيه أنتبهي على بيتك وزوجك زين الحين مازال يكن لك الحب والإحترام بس من كثر الدق يفك اللحام مع الوقت يتغير عليك من بنات قليلات حشمه صار الوحده مايملى عينها إلا متزوج الله يصلح الحال أنت مشكلتك بسيطه بس يبغى لك شوية هدوء وفهم وجلسةمصارحه بينك أنت وزوجك بعيده عن عواطفك ومشاعرك يعني واجهيه بحزم وثقه وأستعيني بالله في كل أمورك الله ييسرها لك إن شاء الله تعالى.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اختي انتي خايفه انو يتركك ومابدك تحلي الموضوع
كلمهيا وسجليلها او اذا في رسيال من زوجك لها او العك ارسليها على جوالك ووجاهيه فيها ومستحيل يقدر ينكر وقتها خذي موقف
لانو هو شايفك انتي تهددي وتتكلمي ومايتغير شي

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب