حياتي روتين ممل :(
السلام عليكم ورحمة الله وبركاته
كيفكم مع البرد ؟ 
بدون مقدمات بدخل بالموضوع ع طول .. واتمنى مساعدة الفاهمين والفاهمات منكم
انا بنت متزوجه من سنتين وخمس شهور وعندي بنت عمرها 3 شهور ونص 
ربي يحفظها
عمري 24 سنه وزوجي 28 سنه تزوجنا بعد قصة حب "كانت ومازالت احلى ايام عمري" دام هالحب 3 سنين وبعدها ملكنااا
زوجي مايقرب لي لكن كان يجمعنا منتدى واحد وبعدها اضفته ماسنجر وتطورت الامور ..
بعد ماتزوجت صار كل شي روتين للحين ولله الحمد الحب موجود لكن انا مازلت متمسكه بذكرياتي الحلوه
وكل شوي اذكره اقول كنا بالساعات نسولف الحين حياتك كلها تصفح نت وازعل من هالسالفه واجد ويامى فصلت المودم ولا خذيت لاب توبه وخبيته بس مافيه فايده من يرجع من الدوام لازم يفتح اللاب ع طول وينشغل اذا تكلمت رد ماتكلمت يعيش بعالم آخر
قبل ايام قال انا اعترف اني مقصر معك واني اطول بجلستي ع النت لكن والله يافلانه اني احبك مثل اول واكثر لكن خلاص انتي معي اللي تغير اول مايجمعنا الا محادثات فلازم نسولف الحين انتي قدامي و و و
كلامه صحيح وادري انه صحيح بس مو راضي يدخل مخي الوضع .. انا عندي لاب توبي بس ماحب اتصفح يوم هو فيه ابي بس معاه لكن القاه منشغل عني
اشترى لي البلاك بيري وصرت اسولف مع خواتي وصديقاتي بس برضو هالشي ماخلاني ماازعل من جلسته ع النت .. اليوم فصلت المودم اول ماجا من الدوام وقلتله اجلس معاي وجلس ماقصر بس ماعنده شي يسولفه طبعه هادي ولايسولف وجلست اقول سولف سولف واحسه يحاول وماعنده شي اخر شي قلتله روح ناام ارتاح .. وجلست على التي في والنت والبي بي وبنتي .. بس فاقدته احببببببه واتعبته معااااي
نطلع كثير يعني من خمس ايام ثلاث ايام نتمشى ويومين مايسمح شفتات دوامه تكون بالليل فتعب ويومين عند اهلي لكن طلعاتنا روتينيه بعد مجمع نتعشى ونرجع وبس مليت الوضع
يمكن العيب فيني واني ملوله مدري
الحين بعد ماولدت بنتي انشغلت معها كثير والنوم قلييل ومو بكيفي فصرت احط حرتي فيه اكثر واخليه يتحمل مسؤوليتها معي وهو مايقصر لكن كل ماشفته ع النت وانا بس مشغوله ببنتي وصياحها اصير انقهر اقوله حياتك ماتغيرت وانا بس مع هالبنت و و و .. 
اكره نكديتي بس تعلقي بالماضي وبايام كلها حب بحب بس متعبني
ابي اشوف الجانب الايجابي بحياتي مو قادره يوم راضيه ويومين ساخطه
مليت والله مليت
انا اعترف ان ربي من علي بنعمة الزوج المحب الطييييب والبنت اللي ملت دنيتي عسى ربي يرزق كل محرومه وانعم علي بنعم لاتعد ولاتحصى اللهم لك الحمد كما ينبغي لجلال وجهك وعظيم سلطانك
بس الضغط اللي اعيشه بعد ماصرت ام صار يكبر علي الملل والاحساس ان حياتنا صارت برووووووووود ببروووود
اكل ونوم وطلعه تمشي قصيره ورجعه جلسه ع النت ونوم
ساعدوني ابي اجدد حياتي معه ..
اعذروني موضوعي ملخبط بس اكتب وانا افكر بحياتنا فمارتبت افكاري
ابي ارتاح وحد يسمعني .. ويعيييييييييييييييييييين الله
التعديل الأخير تم بواسطة أم بإذن الله ; 25-12-2010 الساعة 10:46 PM
25-12-2010, 10:43 PM
ضوابط المشاركة
العرض الشجري