السلام عليكم ورحمه الله وبركاته.

يسعد صباح ومساء الجميع.

اسمحو لي ان اتكلم فيما يخص الطلاق ..

- قبل فتره قرأت في احد الصحف عن عدد صكوك الطلاق في المحاكم السعودية والتي وصلت الى عدد كبير ونسبة اكثر من العام الذي قبله..
- كثير ما ارى من الزملاء والاصدقاء والاقارب الذين انفصلوا عن زوجاتهم بالطلاق او مشاكلهم التي لاتنتهي وتظل معلقه سنوات بدون طلاق..
- قضايا وسوالف وقصص الطلاق كثيره نسمعها عبر المنتديات والمجالس لاتنتهي..

هل السبب ان الزمن تغير او العادات والطبايع تغيرت؟ او يمكن مفهوم التطور غلط. او الناس تغيروا؟
ما فيه شي تغير .. ألا الناس هي اللي تغيرت. يعني لدرجه انه ما نقدر نواجهه الخلافات الزوجية. ونهرب من الواقع بطلاق.

اكثر شي استنتجته من سبب الطلاق هو بنات الوقت.
كثير ما تطلب كثير ما تزعل كثير ما تهمل كثير ما تتسبب في خلاف وبالنهاية تقول ياليت وياليت وابنائي ودموع وحزن ومدري ايش..طيب نسيتوا ان اصل السعاده بين الزوجين هو الاحترام وطاعه الزوج وحقوقه...


((لاننسى ان من السعادة بين الزوجين هو الاحترام والتفاهم وعدم التقصير بالحقوق))

أضف الى أحدى الأسباب ...

شباب الوقت .. لا يريد تحمل المسؤولية ولا يريد حياته أن تتغير عما كانت عليه قبل العزوبية ..

بالاضافة الى انتشار العلاقات المحرمة حتى ولو كانت بأقل اشكالها وهي المكالمات التلفونية ..

رسيل ..

اضافتك صحيحه .

واضيف انا بعد ..ان بنات الوقت لاتريد تحمل المسؤلية من بيت وتربية اطفال ولاتريد حياتها ان تتغير كما كانت عليها قبل من خدم وقلة صنعة

ماأقول غير,,,,,,,,,,,,,,,,,,,,,
ليتنا نرجع مثل الماضي

على الفقرالي عايشينه والحاجة الا انهم يتحملون ويصبرون

فقلت مشاكلهم

صدورهم وسيعة جدا"

عكس وقتنا هذا

الله يبعد عنا فتن الدنيا ماظهر منها ومابطن

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه

فعلاً فرق كبير جداً بين نساء الماضي وبنات الحاضر المدلعات واللاتي لايحترمن أزواجهن بشكل ملفت للنظر وإعوجاجهم غير طبيعي وسطحيتهم غريبة جداً ,,,

صحيح كلامك اشوف بنات كثير متزوجات ومهملين بيوتهم وازواجهم واطفالهم مشغولين بالنت والتلفزيون خصوصا الاطفال الوحده ليش تجيب عيال دام ماهي قد المسؤليه ترميهم في بيت اهلها والا اهل زوجها وتعال شوف قسوتها في التعامل معهم كأنهم اعداء تجيك تطلع نفسيتها عليهم المساكين مالهم ذنب في الحياه طيب لا تجيبين عيال دام انك راح تتفننين في تعذيبهم و بتبلشين الناس فيهم

يعني بتصير مشاكل بسبب الاطفال وانا مالوم الرجال في النقطه هذي


الشي الثاني الرجال ماعاد له كلمه على زوجته انعدمت شخصية الرجال خلاص .. ما عاد اسمع ان فيه رجال يقدر يوقف زوجته عند حدها بالعقل طبعا مو بالعقال
بالتالي صارت الزوجه تتمرد والرجال يطلق بدون تفكير طيب حل مشاكلك بالعقل والحزم .. عشان تقلل نسبة الطلاق
وين رجال قبل اذا قال كلمه يقولها مره وحده بس بعد تفكير ويكون قراره صائب وفي مصلحته ومصلحة زوجته تمشي كل امور بيته مثل مايبغى

وانا اقول السبب الاول والاخير في الطلاق هو كثرة الفتن اللي حلت بنا من نت وجوالات ودش الواحد ما عاد ترضيه زوجته ولا تملى عينه بعد ما يشوف الفضائيات
وخيانات تصير بسبب مكالمات وطيش ما ادري وش نهايته وش الهدف منه
ونت يجيب مشاكل لها اول مالها تالي

اشياء كثيره الواحد لازم يصلحها عشان يصلح حالته وحال زوجته واللوم على الطرفين طبعا ً ما اخص احد بكلامي

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

!!
عـجــيب
هههههههههههههه ألحين كل حالات الطـلاق من البنـات
تـعددت الأسبـاب و المـوت وآحـد
!!

__________________

مانقدر نلقي اللوم على جنس دون الآخر!!

طلاق كثير يحدث بسبب دلع البنت عدم أحترامها لزوجها لأن فيه بعض البنات يكون الزواج عندها واجهه قدام الناس بس

لاأهتمام ولاأحترام ولاتقدير لشريك حياتها ودون اي أعتبار للمسؤوليه الملقاه على عاتقها

وطلاق كثير يحدث بسبب الشاب ولأنه يعيش حياته ولا كأنه متزوج

ومعتبر الزواج واجهه

أمام الناس وفراش فقط لاغير !!!

و مستمر على طبعه وهو عزوبي سهر عدم تحمل للمسؤوليه وعلاقات محرمه المنتشره بكثره في هذه الايام

والله المستعان

والبعد عن الله من اهم الأسباب واكبرها فلو كل شريك راعى الله في شريك حياته ماكان هذا الحال
يعني الأسباب مشتركه بين الجنسين

__________________
أشتقت لكم جداً 💔

الطرفين مشتركين بالمشكلة لكن احمل الجزء الاكبر


على الرجال !! والا لماذا وضع الله العصمة والقوامة للرجل لكن مع الاسف شباب اليوم


لو تقوله السلام عليكم قال انتي طالق : وين الصبر وين تحمل المسؤلية


ومن اقوى اسباب الطلاق الخيانة وكثرة السفر للخارج وشرب المسكرات



والفضائيات وما ادراك مالفضائحيات تلقى الشاب واضع برأسة شكل


مذيعة او ممثلة ويبي زوجت المستقبل تكون نفس المواصفات

وإذا شاف زوجته انصدم وقال انا ما ارتحتله والافيني عين اوسحر


والله يذكر شباب اول بخير الواحد لو يشوف عباية طاح مغشي عليه


وانا ما عمم لا فيه شباب ماشاء الله ينحط على الجرح يبرى

بس مع الاسف قليل

واكبر دليل لكلامي شوفوا المنتديات واكثر الشكاوي نساء

ويوميا قصص الخيانة والسفر واستغلال الراتب إذا كانت موظفة والله يصلح الحال


تقبلوا وجهة نظري

__________________

عدم الاحترام وتدخل الاهل بين الزوجين هو اكثر الاسباب
عدم تعرف اي منهم على الاخر قبل الزواج سبب اخر
عدم الاهمام بالشكل والنظافة شكل اخر
واخير انعدام الحب بين الزوجين او يشعر احد منهم انه لا يملك اي مشاعر تجاه زوجه