مشكلتي مع خطيبتي سوء معاملة والدتها
السلام عليكم \انا مبسوط جدا انى بقيت عضو فى المنتدى الجميل دة لانى لقيتة المكان الوحيد اللى ممكن اتكلم فية وعبر عن اللى جوايا براحتى \ حكايتى بقى بقى حكاية ومحدش متهيألى مر بيها \ انا مش عارف ابدا منين بس اكيد الكلام معاكم حيجيب بعضة \المهم انا شاب الحمد للة مؤدب جدا لدرجة انى فضلت 4 سنوات فى الكلية مكلمتش بنت مش عارف دة ميزة ولا عيب\ مليش اى تجارب سابقة\فى يوم شوفت بنت بتشتغل فى شركة مع واحد صاحبى فسئلت صاحبى عن اخلاقها شكرلى فيها \المهم اتقدمتلها وبدات المشاكل فى حياتى اللى عمرى ما شفتها \المشكلة ان والدها متوفى وكان اهلى معترضين على الجوازة لانهم عرفوا ان امها مش كويسة واخوها \المهم كان ردى اللى يهمنى البنت \المهم اقنعتهم نروح بيتهم ونشوف\ ورحنا وحصل قبول من البنت ليا \فحددنا معاد للاتفاق بين الاهل وحصل اللى حصل من امها من اسلوب سيئ فى الكلام مع والدى رغم وجود عمها بس اظاهر ان الكلمة لامها وحصل شد وجذب وباظت القاعدة ومشينا من غير ما نتفق\ لقيت ان البنت بتكلمنى وبتعتزر ليا على اللى حصل من امها وبتقولى اوعى تسيبنى وقالتى بابا سبنى وانت كمان حتسيبنى-قولتلها المشكلة فى امك\المهم حالوت اقرب وجهات النظر لحد ماولنا لاتفاق بوجود عمى وابويا وعمها وامها\ واتفقنا على الخطوبة وحصلت مشاكل تانى من امها يوم شراء الشبكة وبهدلتنى فى وسط الشارع فى الصاغة وانا فضلت ساكت من غير ما ارد\ وباظ يوم شراء الشبكة \ لقيت خطيبتى بتكلمنى تانى وتتاسف تانى وقالتلى بنفس اللفظ جزمتك حتفضل فوق راسى وزى ما انت وقف جنبى حفضل اقف جنبك طول العمر\ المهم جيت على نفسى ودخلت جوز اختها واقترح انى اروح بيتها واسلم على امها عادى كأن لم يحدث شئ ووافقت علشان خاطر خطيبتى وروحت\ وعملنا الخطوبة وبدات المعاملة السيئة من امها مش عارف لية \المهم اللى انا وصلتلة انها مادية واسلوبها فى الكلام وحش وفضلت مستحمل علشان خطيبتى حتى فى مرة جت خطيبتى قالتى انى خايفة مستحملش وتزهق وتسينى قولتها متخافيش حستحمل اى حاجة\وعديت الايام واتعرضت لمواقف كتير تحرق الدم وكنت بعدى وبستحمل
لحد فى مرة لقيت خطيبتى بتكلمنى وتقولى لازم ننهى الموضوع دة ومفيش نصيب وسمعتنى الكلام اللى هو بيتقال فى المواقف دية انا انسان محترم وؤدب واى حد يتمنانى وان شاء اللة يكرمك بحد احسن منى قولتها لية كدة قالتلى انى تعبت وكل شوية مشاكل وانت مصيرك تزهق وانا زهقت واعصابى تعبت وجالها تعب شديد فى معد تها بسبب اللى بيحصل وان امها واهلى مش متفاهمين \رحت قايل ليها انى حستحمل علشان انا بحبك راحت قايلة مش معنى انى كرهتك انى مش بحبك وقالت المشكلة انى بحبك ودية كانت اخر كلمة اسمعها منها\ بعد كدة امها ادخلت فى الموضوع وسمعتنى كلام زى السم فى التليفون واهلى عرفوا بالكلام ودخلوا ونهوا الموضوع مع امها\ على فكرة انا عمرى فى حياتى ما بكيت غير فى الموضوع دة حتى هى مستحملتش انى تسمع بكائى فى التليفون وتعبت جامد بعديها لدرجة كبيرة وحصل بعد كدة تطورات حبقى اكملها معاكم لانى دلوقتى مش قادر امسك نفسى وببكى مع ان الموضوع عدا علية شهرين\معلش طولت عليكم بس انا كنت محتاج اتكلم لانى حاسس انا حنفجر
20-02-2011, 08:36 PM
ضوابط المشاركة
العرض الشجري