بسم الله الرحمن الرحيم
تحيه طيبه
بدخل بالموضوع على طول واتمنى تتجاوبون معي لان بجد مستغربه ومتألمه حيييييل
من ست اشهر تملكت وطول هالمده خطيبي مارفع على السماعه ولاسأل عني ابد بالرغم انه المكالمات والزيارات عندنا وعندهم شي طبيعي والكل يسويها
لكن امه تتصل كل شهر مرة تسلم علي امي
بصراحه الموضوع ما ازعجني كثير بالبدايه لكن لما فكرت في اشياء صارت حسيت بأن الموضوع مختلف
ومو مثل ما انا تصورت
اول الامر فكرت
انه يستحي لكنه قدامي بالعكس جريء في تصرفاته يوم الملكه,
قلت يمكن مايبي اخذ وعطا ومد وجزر خصوصا مانسمع عنه من حالات طلاق بهالفترة
او يمكن مايبي يخسر فلوس على الاتصالات والهدايا اثناء الزيارات,ويمكن ثقل منه وتحجيم لشخصي مع انه كان معجب فيني حيل
او انه صاحب تشرطات وتحفظات على البنات من حيث اللبس او الطلعات او العمل والدراسه ومو حاب تنكشف شخصيته من بدري
لكن هل هذا مسوغ لانه ما جاب لي ولا لنفسه دبله ولا لبس بشت يوم الملكه <<<لبسني طقم الذهب بس
تبون الصراحه شكيت انه يحب احد من بنات عائلته ومايبي يجرحها ويحسسها بفرحته
خصوصا انه في وحده تقرب له يوم الملكه كانت برا الصاله واقفه ورفضت تلبس عباتها يوم قا لوا العريس بيدخل تقول لاااا ليش يدخل ماله داعي او قولوا له ينتظر شوي وكانت واقفه في الممر اللي بمر منه انا وياه في دخولنا للصاله
وكل من قالي عنها قال انها كانت حيل مضطربه وكأنها كانت تبيه يشوفها َّ<<<< الكل مستغرب منها
ارجوكم ساعدوني افهم وضعي ليش كذا قاعد يصير معي؟؟ وياترى شكي بمحله ؟؟
ماابي حد يجاملني لو كنتوا بمكاني كيف بتتصرفون ؟؟
احس اني كرهته قبل ادخل بيته ,,هذة مو بدايه يبداها مع شريكه عمره حتى لو انه مايحب المكالمات يدق بالشهر مرة على الاقل ,,ماني عارفه كيف بسلمه نفسي واكون بين يديه بيوم وهو جرحني بهذة الطريقه وكان سبب في دموعي وشماتت خواتي وقريباتي وصديقاتي فيني في وقت المفروض اكون اسعد انسانه .
سامحوني على الاطاله هذا حصاد ست اشهر من الغيض والبكاء
ودمتم بوووووووود