السلام عليكم ورحمة الله وبركاته.......................
اخواتي انا مطلقه وعندي ولد وبنت البنت في الصف الاول والولد صغير عمره خمسه سنين ولي سبع سنين مطلقه في هذي السنين حاول طليقي بالرجعه لكن رفضت لاني لم اشعر بالامن والسعاده إلا لمن تطلقت منه
وانا عايشه لوحدي وخميس وجمعه يجو اخواتي واطفالهم عندي يعني صرت انا اللي الم العيله .وكل فتره يجي خاطب يخطب يقول هي وعيالها في عيوني وانا رافضه فكرة الزواج عشان اولادي اخاف عليهم ماياخذو رحتهم وايضا خايفه من ابوهم لمن يعرف ياخذهم مني وخواتي دائما يحسسوني بأن اطفالي مصيرهم حيخذهم ابوهم مني مع اني ماعرف نية ابوهم بس هوكل فتره ياخذهم ينامو عنده يوم ويرجعهم بنفسه.وعلى فكره انا متحمله مسؤليتهم وحدي البنت اوديها مدرستها مع سواق اجره واروح معها وارجعها خوفا عليها من السواق
من غيرطلباتهم الاخرى.فهل استمر في هذا الكفاح ولي الاجر من الله وانسى فكرة ابوهم في يوم من الايام ممكن ياخذهم.ويارب يسعد كل من يوجهني للصواب

حبيبتي فرح وسعاده اذا كان زوجك حسيتي انه ندمان وتغير ليش ماترجعين على أقل عشان أولادك مايجلسون مشتتين مره عندك مره عندأبوهم وفي نفس الوقت لاتظلمين نفسك اذا ماتبين طليقك وعافته نفسك لاتجلسين ترفضين كل خاطب استخيري وفكري بالمستقبل بمصيرك أنتي وأولادك والله يختار لك الي فيه خير يارب...

أختي معليه عالملاحظة الصغيرة
ولدك عمره 5 .. و أظن انفصالكم كان من 5 سنوات مو 7 .. معليه عالتعليق عزيزتي

بس ليه ما تشوفي طليقك ؟ يمكن يكون تعدل حاله ؟
ليه ما ترجعي له ( بالورق فقط ) .. و تعيشوا كأنكم أصحاب أو أخوان

عالأقل الأولاد يكونوا بينكم .. و خاصة إنك رافضة الزواج عشان مصلحة الأطفال
و خايفة من أخذ زوجك للأولاد بيوم من الأيام ، و أبوهم شاريك و إنت معتمدة على نفسك ؟

اتفق معاها تماما ... ولو اخذهم تراهم ابوهم زي منتي امهم .. اشوف انك تفكري بالرجعه افضل
مافي انسان مايغلط ودامه حاول يرجعك معناه شاريك ويفكر بمصلحة عيالك ...
ولو بكره تزوجتي واخذهم منك لا تلمونه لانه اب وحاول يرجعك وانتي رفضتي ولا يبغى عياله يتربون
مع شخص غرريب ...

فكري واستخيري ..

الرجوع له أفضل من سكنك لوحدك وتحمل المسؤولية لوحدك هو مسؤول عنك وعن اطفالك

أنتِ عايشة في خوف من الزواج علشان الاطفال وعايشة في خوف على اولادك من سائق الاجرة وخايفة ابوهم ياخذهم وعايشه هم لوحدك وانتِ في أول عمرك لامايصير لو كنتِ ساكنة مع اهلك كان الوضع اختلف

اذا حسيتي ان طليقك ممكن يتعدل لو شوي



استخيري وارجعي

__________________

عزيزتي بكون صريحه معك ولاتزعلين لاني مريت بهالفتره عيالك مو دايمين لك البنت بياخذها ابوها بعد7سنوات حتى لوكان مخليها عندك الحين من حقه والولد يخير واذا كبر بيتزوج ويعيش حياته وبعدين وش مصيرك مافكرتي؟؟

تقولين انا الم العايله بكره كل واحد ينشغل بعايلته وانتي تصفين وحيده فكري في نفسك

اذا طليقك شاريك ومافيه شي يعيبه تقدرين تكملين معه ارجعي واذا لا وتقدم لك الكفو وافقي حتى لواخذ عيالك ابوهم هذا مصيرهم مرجع العيال لابوهم

ولاتنسين في الحالتين تستخيرين والله يكتب لك الخيره

ماشاء الله عليك قناصه انا قريت ومانتبهت للكلام

أختي الفاضله صاحبة الموضوع

أن رأيي من رأئي الاخوان اذا طليقك شاريك وكفو فليش ماترجعي له وتعيشي انتي وياه وعيالك والله يسعدكم ويهنيكم
وكذا ولا كذا العيال مردهم لأبوهم وبتكوني ضلمتي نفسك لا انتي اللي تزوجتي ولا انتي اللي رجعتي لطليقك

فكري في كلام الاخوان واستخيري وان شاء الله ترجعي لزوجك وتتعدل امورك

والله يصلح الحال

__________________

عزيزتي انا من رائ ارجعي لزوجك يمكن يكون اتغير للاحسن وندم .مافي احلى من جماع الاسرة وكمان الاطفال هيكونو سعداء لانك مع ابوهم

__________________
هكذا الدنيا تدور..فلنطلب ربنا الغفور.. فما هي إلا أيام وشهور.. ثم نصبح من أهل القبور..

تزوجي برجل آخر من جديد، وعيشي حياتك، واتركي الأبناء لوالدهم يتحمل مسؤوليتهم.

__________________

السلام عليكم
احنا ما نعرف وش ظروف طلاقك .. بس لو كان شي ممكن ينحل أو يتعدل والرجال شاريك
ويحاول يرجعك .. معليش عطيه فرصه ثانيه وارجعي له .. يمكن ندمان وتغيرت فيه حاجات !
الصلح خير أختي الكريمه ..
ولو طلاقك بسبب ظروف قاهره ومافي أمل تتعدل أنا أقولك انظري لموضوع الخطاب اللي يجونك
نظره جاده .. لو كان فيهم أحد ما ينرد ويستاهل وفيه مميزات حلوه لا تترددين .. توكلي على الله
بعد الاستخاره طبعا
عيالك الله يخليهم لك .. لكن السنين بتسرقك وبيكبرون وكل واحد بيشق طريقه ويروح في حياته
واحتمال كبير ترى ابوهم ياخذهم من دون ما تتزوجين انتي .. عشان كذا لو تقدم لك
رجال صالح وفيه مميزات لا تردينه
انتي ادرى بظروفك وبطليقك وحكمي عقلك واستخيري ربك .....
الله يوفقك ويكتب لك الخير يارب
تحياتي لك،،،

__________________
لا اله الا انت سبحانك اني كنت من الظالمين