صباح الخير
يا جماعة احس اني مو قادرة افهم عيال النعمة (ولا يزعلو مني المنعمين)
حاجات صغيرة وغبية يكبروها ويمكن يبكو من قلبهم عشانها
الاسبوع الي راح الدكتور غاب عن المحاضرة وماقال لنا
واضطرينا نقعد ف القاعة لحد نهاية الوقت لانو هوا قال لنا حتى لو تاخرت ماتخرجو
وحده من (بنات النعمة) اشوفها تبكي من قلبها
سالتها يا بنت الناس أيش الهرجة؟ مين مات؟
قال ايش، مو من حقو يسوي فينا كدا. تعبنا واحنا نستنى وهوا مرتاح ف بيتو! حرام والله حرام. وتبكي بشهيق. والكل متعاطف معاها ويهدّيها.

كلنا مقهورين وتعبنا. بس بكا! وبشهيق!
قسم بالله ماعرفت ايش اسوي
اضحك ف وجهها. اهزئها. اهزئهم كلهم
صرت اشك ف نفسي، هما كلهم غريبين والا انا لوحدي الغريبة

تتوقعو ايش الهرجة؟

معليش اخ معدن الرجولة
اكيد من حقها تنقهر كلنا مقهورين وكلنا حاسين انو كرامتنا مهدورة بس بكا وشهيق لا اكيد لها علاقة
انا بنت بس مستحيل مستحيل ابكي لاني مقهورة انو الدكتور ماجا المحاضرة.
وكمان كان فيه مجموعة من البنات مفجوعين زيي من الوضع
هل هذا معناتو اننا ماحسينا انو كرامتنا مهدورة او ماعندنا كرامة من الاساس مثلا. لا طبعا

عارف احنا الي مو من البنات الدلوعات ايش سوينا
رحنا القسم طلبنا رقم الدكتور كلمناه وقلنالو عفوا يادكتور مو من حقك تلطعنا بدا الشكل. احنا جايين وتعبانين ومضيعين وقت وجالسين ساعتين فاضيين نستنى حضرتك. انت ماترضاها لاي وحده من بناتك. من فضلك لوحاب تغيب المره الجاية اترك لنا خبر مع القسم ولو حصل امر طارئ اتصل ع السكرتيره واترك خبر لاننا ماراح نقدر ننتظرك بعد كدا اكتر من نص ساعة.

اما البنت اللي كانت تبكي جلست بعيد عننا واحنا نكلم الدكتور ونغامر بمستقبلنا وقعدت تقول
(وجع ف شكلوا هادا الوِحِش المفتري) ولاغامرت معانا ولاشي.

أنفاس
شوز مكتوعة ههههههههههههه
هيا دلوعاااا بقووة. أقصد بقوااااا
بس ماتوقعت الدلع يخليها تبكي كل دا البكا على موضوع اناشايفة انو مايستاهل كل دي الدراما
قسم بالله اطالع فيها وهيا تبكي وعيوني يبغو يخرجو لبرا زي (توم) لمن ينفجع من جيري

ذكريات.
البنت ماعندها شي مضايقها
من الصباح مبسوطة وما عندها مشكلة

والله يمكن تكون زي ما تقولي محافظة على وقتها
بس حتى لو
ما تشوفي انو الموضوع ابسط من كل دي الحرقة والشهيق في البكا
لو شفتيها اول حاجة تجي على بالك (مين مات) صدقيني ما ابالغ.