أبغا أحد يساعدني
السلام عليكم ورحمة الله وبركاته
اسمحولي في البداية أنا راح أكتب بطريقه عاديه مب مثل البعض ما شاء الله عنده قدره على التعبير .
* انا مشكلتي وااااااااااااااااااااااااااااااااااااااااااااااااا ااااااااااايد عصبيه للأسف وما أحب أحد يناقشني وانا معصبه وحتى اذا كان في داخلي أنه اللي أسويه غلط بس مستحيل أبين لجدامي هذا الشي بعطيكم موقف صارلي قريب وهذا اللي خلاني أكتب
كنت أضارب مع أختي على ابنتي وهو أني منعت عمتها أنها تشوفها ( عمت بنتي جات من السفر هي ساكنه في السعودية وأول مره تشوف بنتي بس عمرها ما سألت عنها وتراها بنت عمي بعد فيوم طلبت مني أنها تيجي وتشوف بنتي فأنا قتلها ممنوع ) المهم قالت هذا تصرف خاطئ وأنا والله العظيم منعتها من القهر اللي داخلي من خلالي نقاشي مع أختي من داخلي حاسه انه اللي سويته غلط بس مب قادره أبين هذا الشي لأختي والله العظيم جلست لوحدي أبكي أحس شخصيتي صارت ضعيفه مب قادره أواجه أحد .
* طبيعتي مب إجتماعية ولا لي علاقات وايد عندي صديقتين من أيام الجامعه مب وااايد أكلمهم ولا احب طلعات حتى عند الأهل أفضل قعدت البيت لاني أحس أني سريعة الانفعال فنفس الوقت ما أبغى أغلط على أحد لدرجه أنه بعضهم تخيلوا والله العظيم يتعمد استفزازي عشان اعصب .
* ساعات أجلس أبكي لوحدي ليش شخصيتي كذا على الأقل عشان بنتي لازم أكون قويه وهاديه في نفس الوقت مب قادره أوصل لهذا المستوى .
لو تكرمتوا أريد أغير شخصيتي أريد أكون انسانه ثانيه أريد أعيش حياتي صح يكفي سنين اللي ضاعت من عمري .
07-05-2011, 01:50 AM
ضوابط المشاركة
العرض الشجري