السلام عليكم ورحمة الله وبركاته
إخواني أخواتي الأعضاء الأفاضل أنا بصراحه فيه سالفة شاغله تفكيري من زمان وكمان دائما نتحاشر أنا وزوجي بسبب هاذي السالفه طبعا مثل ماتعرفون إن منطقة الخليج ككل يوجد بها جاليات من جنسيات مختلفه و من ديانات مختلفه فهناك المسلم وهناك الهندوسي و هناك البوذي
وهناك المسيحي و مثل ماتعرفون إن أ كثر شغلهم بالمحلات و محطات الوقود وحنا لما نرو ح لأي مكان بالسوق أسمع كثير أناس تنادي هاذا العامل يامحمد لو بغت شئ منه طبعا زوجي واحد منهم ودائما ينادي عامل المحطه يامحمد أو الحلاق أو راعي المحل وأنبهه و يقول أنا نسيت وبصراحه أنا أحس إني أنقهر بالذات إن هناك عمال مايصلون يعني يمكن مو مسلمين وحنا نناديهم بإسم أطهر خلق الله نبيينا محمد عليه
أفضل الصلاة و التسليم ومره أنا بعيني شفت عامل محطه أذن المغرب و عند المحطه مسجد وزوجي و قف على جنب وأخذ الأولاد و نزل يصلي وأنا شفت العامل قدام عيني دخل في الغرفه وسكر على نفسه مع أخوياه حتى خلصوا الناس الصلاة و عقبها راح شغل أنوار المحطه وقام يعبئ بنزين لناس وتسمع كثير ناس تناديه يامحمد عبي بعشره وإللي يقول عشرين وزوجي معاهم ولما ركب السياره قلت له أنت تناديه محمد و هو الصلاة ماركع فيها شفته قدام عيني شكله كافر وتحاشرنا أنا وزوجي و قال طيب وش تبغينا نسميه وكأنه صار ولدنا ندور له على إسم الحين قلت له ناديه بأي إسم من الأسماء الثانيه بس محمد لا تناديه قال ولو ناديته بأي إسم ثاني تعتقدين رايح يفهمني
إني أناديه هو وبصراحه أنا ما أعرف وش حكم مناداة غير المسلمين بإسم محمد و ياليت إللي عنده معلومه عن حكمها يفيدنا و هل في مجتمعكم أحد يناديهم يامحمد و إلا عندنا حنا بس بمنطقتنا ينادونهم بالإسم هاذا و أعتذر عن الإطاله والله يجزاكم خير.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله