السلام عليكم ورحمه الله وبركاته
انا معلقه ببيت اهلي لي شهرين
زوجي اساء لي كثير ولازال يكابر
وافترى علي باتهامات باطله
عند اهله واهلي
وانا صامته طول الفتره الماضية

صرت اكرهه واكره اسمع اسمه
ولو جا طاريه ينقبض قلبي واغتم
فوق اني عطيته فرصه طويله لتصليح الوضع
وهو رافض ويكابر ويتحدى ويهاجم

اليوم قررت احسم موضوعي
وارسلت له اطلب منه يطلقني
كتبت له:
السلام عليكم ابوفلان، ودي تطلقني والله يوفقك

قبل ارسل المسج كان فيني اصرار وقهر
بحجم كل المعاناه اللي شفتها معه
بس بمجرد ما ارسلت المسج تعبت
جاني ألم في معدتي وصدااااع
تغطيت بالسرير وجلست ابكي كأني طفله

ما ادري هل هالشي طبيعي؟
مره اقول يمكن كنت متردده بقراري
ومره اقول طبيعي انهار.. مو شرط عشانه
بس بكيت عمري واحلامي وامالي اللي راحت
بكيت جهدي اللي بذلته
بكيت مستقبلي انا واطفالي الغامض
بكيت خيبه املي بهالزواج الفاشل

حاولت اطمن نفسي
ان شعوري بالحزن طبيعي ووقتي
وان شاء الله بتعافى قريب
وصحيح كلامي؟

مستجدات الرد 50

http://66n.com/forums/showpost.php?p...0&postcount=50



مستجدات الرد68

http://66n.com/forums/showpost.php?p...1&postcount=68

صدقيني طلبتيه وانت بداخلك مو مقتنعه

انتي جواتك قاصده تقولي له يا أبو فلان تعدل وحسن من وضعنا وخلينا نوصل لحل
تبغين تحسسينه بخوف وانه كل شي انتهى بينكم

بس هو كرجل بيفهم كلمة طلقني يعني طلقني .. وبيطلق لو هو انسان متهور

حبيبتي شعورك بعد الطلاق بيكون تعبك ذا اللي تحسي فيه حالياً لكن بشكل مضاااااااااعف ..

فكري زين والله يوفقك ..

ارجعي ارسلي له مسج انك متراجعه عن الطلاق

ياللا بسرعه ..

__________________

(( لا شيء يجعلنا عظماء سوى ألم عظيم ))

عليكم السلام ورحمة الله وبركاته
اشعر ان شعورك طبيعي لانك طلبتي هذا الطلب وانتي غير مقتنعه به
وانما تحت ضغط نفسي من تعامل زوجك السلبي مع المشكله ولاالومك حقيقتاً
لكن كان بودي لو انك تماسكتي اكثر حتى لايحدث شي يجعلك تندمين فيما بعد
أسال الله ان يرد زوجك لك ولاولاده رداً جميلاً وان يكتب لك مافيه خير لك ولأولادك
ان كان برجوعك لزوجك او لا

__________________
أشتقت لكم جداً 💔

زي هالرسائل ماترسلينهن تلقائيا من نفسك ..
لابد يسبقهن استخاره
اقلها علشان ماتندمين مستقبلا

بِسْم الله عليك ياروان الرحمن الرحيم
وان شاء الله مايكون الا كل خير وصلح وعودة حميده عاجلا غير اجل
لا ياحبيبتي ليش سويت كذا
انت استعجلتي لأنك تعبت
انت ماتبين الطلاق
انت تبين يتعدل ويلتفت لك ولبيته
اسمعي كلام زوتا
لاتصري ع الطلاق ولاتطلبينه ابد
زوجك يحبك وانت تحبينه
بس دخل بينكم الشيطان وحصل مكابره من جهته خليك اعقل منه
ياربي مواضيعكم هالفتره تضيق الصدر
ليش كل هذا
تغاضوا تغافلوا تحابوا تسامحوا تصافوا
انتم زوجين وبينكم أطفال
والله حرام تعذبون انفسكم كذا
يارب فرج منك قريب غير بعيد لكل من ضاقت عليه دنياه 😢

يارب عاجلا غير اجل
ترجع ام روان وليله لأزواجهن وبيوتهم مع أطفالهن وتصلح شأن مصونات كللللله ولاتكلها الى نفسها طرفة عين او أدنى من ذلك وتتولى جميع أمورها ياحي ياقيوم وترزق زوجها العدل والاحسان لكلا زوجتيه
وتشفّي زوجة زوجها وتعافيها وتجعله برد وسلام عليها زواج زوجها
يارب اصلح احوال المسلمين والمسلمات وألف بين قلوبهم واصلح ذات بينهم واهدهم سبل السلام

من ناحية المكابر اغلب الرجال يكابرون
ولو غلط دور وين اغلاطك الصغار بالمجهر

فترة شهرين اشوفها قليله والله
خاصة ان بينكم عشرة

غيرك ما عاشت معه الا ست شهور وجلست عند اهلها ست شهور ثانية
وكلها فيها محاولات صلح وأمر الله نفذ
الله يخلف ع الجميع

لو ابوك يدق عليه ويقوله بعطيكم فرصه تتفاهموا انت وياها ي ترجعوا لبعض ي كل واحد يروح بحاله وخليه يجي بيت اهلك وتفاهمي معه سبحان الله ممكن لما تشوفوا بعض تنسوا الخلافات وتنصلح اموركم

انتي ماتبغي الطلاق بس مليتي من وضعك
اكثري استغفار ودعاء وصدقه

انا يأست من وضعي
وهو رافض يتحرك للاصلاح او التفاهم
فقررت اضع حد لمعاناتي معه
واستعجلت برسالتي لاني لازلت احبه
وهو بيتوقع ان ارسلتها لاني اكرهه
كنت بوضع نفسي صعب
بس صعبه اكتب له تراجعت.. كأني ألعب
هو اساسا من قرأ الرساله مارد ولا شي