تغير علي بعد زواجنا ؟
السلام عليكم ورحمة الله وبركاته
انااا جديدة واول مشاركة بس حسين انو نصائحكم حلوه وحابة استفيد
تعريفي
::
::
عمري 20
متزوجة من سنة ونص
اطفال مافي ولمن حملت زوجي ماكان يبغى الحمل
فنزلنا البيبي
ادرس بالجامعة
::
::
قصتي ومافيها ...
انا وزوجي حبينا بعض 3 سنين وكان كل شئ بحياتي فضلت عن كل الناس وعشان مااكون كدابه كنت سعيدة
وهو كان طيب مرررره وحنون وزي العسل بس كان شكاااااااااك كنت عارفه اتعامل معاه
لاني واثقه في نفسي
حذروني صحباتي من شكووو وقالو حتتعبي
بس قلت لا وانا كنت الاقوى الحمدلله اتزوجنا بعد صراعات مع الأهل مو غصب بس عارفين انتو موضوع العصبية القبلية
وتم الزواج وكنت فرحاااااااااااااااااااااااااااااااااااااااااااااان ة وزي ماقلت كنت انا الصح انتهى الشك بنسبة 95%
مرر اول شهر تاني شهر وطبعاً انا مارحت شهر عسل بالرغم انو ظروفهم المادية جيدة ونسيت اقول هو طالب وعمرو 24 سنة وهنا كانت اول نقطة بس والله مااهتميت بالرغم من كلام الوالدة الله يحفظها كانت تقول انتي من القاعة ع البيت مافرحك بيوم في فندق مااهتميت ومشي الحال
من بعد الشهرين وهو صار دايم طفشان وضايق وزهقان مايبغا يسمع مني كلمة وكنت اتحمل اتحمل
ولاحظت انو متغيييييييييير علي مايبغاني واعذوروني في الكلام اللي بقوله بدأت الاقي صور اباحية بالجوال واشياء تانيه مازعلت قلت اكيد انا ماوفيتة حقه وبرامج شات عارفين الايفون طبعاً وغير كدا مكافتي كلها ليه بطيب خاطر والله مااقول دا الكلام انو ابغا منو شئ بس لما اجي اطلب شئ يقول مافي فلوس
واكتشفت عن طريق ايصال وانا اغسل البنطلون انو يملك 12الف في البنك لمن طلب طلبي وماكان يتعدى الالف ريال زعلت وانقهرت وبكيت بس مااقلت شئ وانا مااقول لااهلي شئ عن بيتي ابدا ابدا لأن الوالدة شخصية قوية وماعندها تفاهم وانااااا احبه واموووووووووووووووووووت فيه ومااسمع كلمه فيه
بعدين في يوم كان سهران مع اصحابو وانا في البيت لوحدي وجاء يومها بدري عن المووعد يعني على 3 وكنت ابكي بشدة لدرجة انا لما دق الباب اول مافتحت ومشيت شعرت بدوخه واغمى علي مااقصر وداني المستشفى طلع عندي هبوط في الضغط وطلعت حامل كانت المصيبة التانية
كنت طايرة من الفرح وماشفت يعيونة اي فرحه رجعنا البيت وانا طول الطريق افكر في اسماء بنات واولاد وهو ولا اي تعبير اول ماادخلنا البيت قاللي نبغى ننزل البيبي صعقت من الطلب ايش قال انا ماابغا بيبي
قلت بس انا ابغا قال خلاص روحي بيت اهلك وخلاص اطلقك وخلي البيبي
قلت له خلاص ماابغاه يلا نزلو كيف جاب لي حبوب عن طريق جاوه ونزل البيبي وبكيت وانجرحت
ولا وداني مستشفى بعد مانزل يقول تسويلنا مصيبة وانا في نهاية الاربعين الى الان ينزل دم
قبل اسبوع كنا جالسين مع بعض وكان جواله ع الكنبه ولما جلست عليه بالغلط اتفكت اخر رساله عارفين كيف
ومااودي اقراها بس لفتتني كلمة حبيبتي لانو من زمان ماقالها ليا وهنا المصيبة الثالثة رجع لحبيبتو القديمة كنت حاسة وسألتو حبيبي انت في شئ مخبيه عليا والله ماازعل؟؟؟؟ قال لا وعصب انا انهرت وزعلت ولميت ملابسي في الشنط وصابره لحد ماينتهي الاربعين واطل الطلاق بس المشكلة اناااااا اموووووووووووووووووت
فيه واحبه وماني قادرة استغني عنه هو اغلى شئ ساعات احس انو انا مسحورة من كثر حبي
ماتصدقو احبه اكثر من اهلي وكمان قبل فترة قال انا مااقدر اعطيكي اي شئ خلاص
ليش طيب ايش اسوي والله تعبانه حتى درجاتي راسبة بكل مواد الترم ســـــــــــــــــــــــــــــــــاعدوني الله يساعدكم
::
::
سامحنوني طولت عليكم
التعديل الأخير تم بواسطة om abdlah ; 18-06-2011 الساعة 09:06 PM
18-06-2011, 08:06 PM
ضوابط المشاركة
العرض الشجري