السلام عليكم ورحمة الله وبركاته

ارجو من بداية الموضوع يكون الرد من طرف الاخوه الذكور
مع الاعتذار الشديد للاخوات النساااء وانا منكم انثى لكن لغرض ما في نفسي

بالبداية ابوي رجال متقاعد انطوائ مايحب لايروح ولا يجي وشكاك بدرجة لاتطاق مايثق في احد سئ الظن كثير يتهكم ويسخر من الناس وعيوبه مايشوفها ابدا
حياتنا معه صارت جحيم لايطاق لانطلع من البيت ولا احد يجينا وان جات مكالمة للبنات او جاتنا ضيفه يجلس عند الباب يتجسس ويسمع الكلام
يشك في اخوانا وانهم على علاقة مع الخادمة واخواني والله شباب مؤدبين واصلا هو فصلنا اخوانا في قسم وحنا في قسم ثاني نعيش ويزعل اذا جونا وجلسوا معنا في غرفة الجلوس يحب يشوف كل واحد فيهم مربوط في غرفته او بالشارع لكن جلسه عائلة يرفضها بشكل جنوني..كله يتريق على اخواني ويحقر فيهم وعيال فلان وفلان افضل منكم.
اخوانا حتى مجلسهم الخاص يعصب عليهم وساعات يطرهم وين يروحون؟؟!!اطلعوا وبس.. والي مايترقع لما احيانا وهم عازيمين عيال جامعتنا يفشلهم يقفل باب المجلس..

اخواني شباب وبسن مراهقه وبعضهم بالجامعة.. جد احتار انا ما اكذب واقولهم تصرفات ابوي صح لا ابدا مو صح
لكن الي موترني اخواني يقولون ابونا شاك فينا والله اذا ماتغير راح نسوي الحرام ونشرب خمر عشان يتأكد ونقوله انت السبب..وعندي اخ هدد ابوي اني راح اطلع من البيت..وثاني قال لابوي جوازي وبطاقتي تحت يدي ولو بغيت الحرام مو محتاج شغالتك .. ولاني خايف منك..

الحين كيف اقول لاخواني يتعاملون مع ابوي.. والله حااسه فيهم..وابوي مايطلع من البيت يعني مافيه وقت للسعادة والراحة
هذا من جانب الشباب وجانب البنات اشد وانكل لكن حنا البنات مانطلع من البيت ماعلينا خوف لكن هم بالشارع ابوي تاركهم او محبوسين في غرفهم..

شوروا علي..