عندي مشكلة اقووول إنها سخيييييفة لكن بدمر حياتنا ، صح نسيت اقول النك هذا مو لي لزميلتي تقول انه
لها والله مادري عنها !!!

المهم مشكلتي باختصار زوجي كرهني بنفسي وعيشتي ليتني ما تزوجت .. صار موقف سخيف زعل عليه
من اسبوعين واكثر وهو لايكلمني ولا يجلس معي انا شعري طووويل جدا تعدي ظهري بشوي شفت صورة
في النت لقصة شعر بوي وعجبتني ورحت الصالون وقصيت شعري حتى البنات في النادي قلدوني وقصوها



لكن زوجي من شافها جن جنونه وثار ثوران غير طبيعي وجلس يسب ويشتم في وقال كلام فضيع ما توقعت
بسمعه منه وانا ساااكته ماقدرت ارد عليه بعدها طلع ورجع متاخر قلت له ليش تقول كذا ؟ رد علي رد صدمني
قال اصلا انا ما احس انك انثى !!!! انا هنا تفاجات ليييييش ؟؟؟؟
قام يتفلسف ويقول الانوثة طبع وانتي ماعندك طباع انثى وانا معك كاني مع واحد من الشباب بالاستراحة
شوفي شعرك الان وستايل لبسك واهتماماتك وحركاتك كلها كوم والنادي والرياضة كوم ثاني ....

وهو كذاب مافيني شيء شعري على الموضة قصيته واررريح من الطويل واسهل بالغسيل والتصفيف والله كنت
اعاااني من طول شعري بالغسيل واجلس ساعة كاملة واكثر وانا امشطه وان كنت مستعجلة والله ما الحق ارتبه
ولا عندي استشوار لان شعري اصلا ساايح ..
استايلي في اللبس بسيط ومريح وهادئ ما احب المبالغة في اللبس اميل للملابس الشبابية .
عقدتي الجزم العالية اكرررها تتعبني بشكل وغير مريحة وافضل الفلات مع اني موطويله
اهتماماتي عاادية ثقافية دينية ورياضية بالغالب .
النادي هوايتي الوحيدة امارس الرياضة بانواعها وهي متنفسي الوحيد وقت اكون متضايقة مكتئبة اروح النادي
وافرغ كل انفعالاتي السلبية وارجع البيت بنفسية مرتاحة وانااام وهنا قمة المتعة بالنسبة لي .
احب المباريات واخبار النوادي اتابعها .

زوجي معترض على هذا كله يبغاني اكون غير انا يقول من تزوجتك ما شفتك تبكين والدموع ميزة الأنثى !!
إش دخل الدموع بالانوثة مادري !!! حاولت امثل عليه خاصة وانا زعلانة بس عجزت من ازعل احس بغضب
وابقى صاامته واعزل نفسي عشان ارتاح .صرت احس انه تااافه .
يبغاني اقرقر عليه اربع وعشرين ساعة اختلق المواضيع وتخلص بسرعة وانا طبعي صامت إش اسوي ؟!!
يزعل اذا صار شيء ولا قلت له عليه وانا انسى واعتبره مو مهم .
خلاااص بتجنن منه بدات اشك بنفسي إني فعلاً مو انثى !!! خاصة اني كنت البنت الوحيدة بين سبعة ذكور .