زوجي يهينني ويضربني ويسئ عشرتي وأفكر بالطلاق(مستجدات الرد45)
بسم الله الرحمن الرحيم
السلام عليكم ..
انا وحده عمري 20 سنه وزجي عمره 29 سنه وعندي ولد تزوجت من 3 سنوات
مشكلتي هي سوؤ معامله زوجي مع الضرب من بدايه زواجي مع الاهنات المستمره طبعا بدايه زواجي كان يضربني ويهيني وانا ساكته بحياتي ماشتكيت الاحد دايم اشك بنفسي واقول انا الغلطانه واروح واراضيه
طبعا انا ساكته مابي المشاكل وكنت اقول هادي اسرار بيوت 3 سنوات ضرب واهانه بس مو كل شوي الضرب يعني كل فتره لاكن معاملته قاسيه معي لا يحترمني ولايقدرني وانا وحده ماحب المشاكل
حتى مايقولي جيبي سوي لا يكلمني كني رجل قم سو حط والله كرهت نفسي
احسد خواته واخوانه واضدقاءه ع معاملته لهم وكلامه معهم بعكسي انا دايم اقوله بكل اسلوب لا تكلمني كداا عاملني زين يقولي انا اعامل كل الناس كويس االا انتي ووش تبين هوو مراا عنيد الزوجه ماتسوى شيء عنده
دايم يحط الغلط علي واني مقصره بكل شيء ابي اسولف معه يقوولي وش تبين مادري ابعدي عني ماتلاحضين تحققين معي دايم هد كلامه لي ادابي اسولف معه انا تزوجت وانا صغيره ماعرف شيء ب الزواج كل الي اعرفه البيوت اسرار واي شيء يصير ماقوله لا حد زوجي متسلط ودايم يضربني ؤيزيد في ضربه ع اشييييييييياء وربي تاااافه اخر مراا ضربني من شهر وع شيء تاافه قام يضرب وانا اقوله بس ابعد عني ويزيد في ضربه قالي كلمه موزينه وانقلعي تبين الظلاق انا بس لقوله ابعد عني ويهددني بقزازه ان يرميهاا في وجهي واخد العصا وقام يضرب انا رحت الغرفه وسكرت علي وكلمت امي وقالت خلاص ابوك راح يجيبك انا رفضت وقلت لزووجي ودني الاهلي رد علي تخسي ماوديك تبي تروح لاهلك انقلع هم الي ياخدونك فكره اني اجي ارضيك مستحيل متى مارضيت من نفسك ارجع ابخليك معلق لو سنه وقال ان طلعت من البين احلم ترجع انا خفت انا وحده ماااعرف اتصرف جلست والا رحت كلمني ابوي قلت لا ابعديها المره ذي ابوي قالي اصبري ويمكن خيره انك ماطلعتي من بيتك ابوي رجل ملتزم وحقاني بكل شيء
جاء في اليل وقام يصارخ علي وين العشاء انا خايفه قلت ماقدر ايدي توجعني من ضرب اليوم قال ماتقدر هاه طيب هو مايكلمني الا كني رجل مرت اسبوع وانا بس اقوم بشغل البيت فطور وغدا ولا يكلمني والا شيء
بس اد بغى شيء سويت له ومرت الايام قام يسولف ويضحك وعادي انا معه وجاء كنه بيعتدر قال انتي الغلطانه بعد وخلاص صار الوضع عاادي طبعا انا من بدايه زواجي تعبت نفسيتي وصرت عصبيه واكره الناس وقلبي يوجعني وانا مريضه قلب وع نيتي بكل شيء ان مانفعت ماضريت ماعندي تجارب بالحياه اخاف من زوجي ومن نضراته كل همي اخاف الناس يتكلمون علي لان زوجي مشاء الله عليه عند الناس اخلاق وكريم وكل شيء زين ويحسدوني عليه لاكن انا لا كل الناس كويسين الا انا ماعنده تفاهم كل شيء ضرب وكلام وسخ وانا مطوله بالي وصابره ولا بحياتي قلت زوجي فيه وفيه عند احد
بعد الضرب الي من شهر استمر بعاملته القاسه لين جاني انهيااار واصيااح رحت وصارخت ماقدرت اتحمل لان قالي كلام جارح في موقف لما جينا البيت قلت انا ماااااااتحمل خلاص قلبي يوجعني منك ماااقد شووفو انا لارعيه اسوواق ولا زواجات ولا طلعات من بيتي الاهلي ماطلع الا خميس واربعااء مو مكلفه عليه قاام يتمنن علي بكل شيء يشتريه للبيت مو طالبه منه الا المعامله والاحتراام بس وقلت له كداا قال حتى انا صابرن عليك ماتبيني الله يستر عليك انا ماطلعت من بيتي الا مسخيره والله تعبت نفسيتي وقلبيي يوجعني منه طلعت ولاول مره قببلهاا اهنات وضرب والله يوم طلعت من بيتي انشرح صدري واحسيت ب الراااحه انا ساكنه بشقه لحالي والدور الي تحت لاخووه وخالتي اخت امي يوم درى اخووه راح عنده يشوف السالفه قام يتبلاء علي وكدب في لشيااء وقال انا مارح ارجعها لوو ايش وامتى مارضت ترجع ابوي عارف كل شيء وقالي انتي لاتخاافين الحق معك وانتي صبرتي 3 سنين
وطلعتك ان شاء الله خيره انا لي سبووع عند اهلي وفكرت واستخرت وماافي حل الا الطلاااااااق خلااااص حاولت اتعامل معه ماااقدرت مع اني احبه بس كل شيء ولا الكرااامه والحين كررهته خل عزه نفسه تنفعه ولا اتصل ولا طلب ايشوف ولده انا مراا خلاص مابي الطلاق هوو الحل احسن من العيشه عند والمدله وبس ..
اخواني اخوواتي ارجوو عدم التجريح في الرد بس احكموو ع حالتي يصير طلاااق انا ماني متردده فعلا ابي الطلاق بعد استخاره ودعااء وابسىل شيخ وابقوله كل شيء انا وحده اخاف ربي اخاف اسوي شيء غلط واخاف ارجع له ويزيد ويحقرني هو مستحقرني من الاساس مع العلم زوجي يصلي ولا يدخن
اعدروني ع الاطاله والكلام ملخبط
تحيااتي
التعديل الأخير تم بواسطة الماضي الدفين ; 01-07-2011 الساعة 07:14 AM
السبب: تعديل عنوان الموضوع
01-07-2011, 05:32 AM
ضوابط المشاركة
العرض الشجري