السؤال الاول :نفسي اعرف ليه البنات اللي لم يسبق لها الجواز بتقبل تتزوج مطلق؟؟؟؟؟
الاجابة : اصل مافيش جواز مافيش عرسان


السؤال الثاني : طب فكرتي ليه طلق مراته؟؟؟؟
الاجابة :1- اصل طبعها وحش وعصبية
2- اصل مامتها متحكمة فيها وانه كان حاسس انه متزوج مامتها وانها معندهاش شخصية
3- اصله محبهاش
4-اصلها مريضة وهو زهق(وطبعا ده حقه)
5-اصلها مش بتهتم بنفسها
6- اصلها اصلها اصلها الي مالا نهاية لكن طبعا لا هو ولا اهله السبب

السؤال الثالث: تفتكري كام بنت بتحب تطلق؟؟
الاجابة: ولا واحدة طبعا

السؤال الرابع: امال ليه في زوجات بتلجأ لطلب الطلاق عن طريق المحاكم وغيره؟؟؟؟
الاجابة:بنسبة90% لانها قرفت من عيشتها ومش قادرة تستحمل طباعه اللي مابنتش الا بعد الزواج وخلاص كانت لازم تستحمل عشان متبقاش مطلقة بس زهقت وقررت انها تطلق سواء اتجوزت تاني ام لا يعني من كتر القرف والمرمطة واحيانا الخيانة فباعت القضية

بنسبة10% لانها انسانه متخلفةهبلومغرورة وفعلا هو مظلوم وطبعا ده بتندم بعد وقت معين من الطلاق لكن ربنا بيكون كرمه بغيرها لانه مظلوم وده نسبة موجودة فعلا بين البنات وبصراحة هيا ده فئة الرجال اللي بتمني اتزوج منهم

السؤال الخامس: طب هو كويس والطلاق تم من غير محاكم؟
الاجابة لا زوجته السابقة هي اللي كويسة لانها لم تلجأ للمحاكم اللي كلنا عارفين انها مؤخرا في صالح المرأة

السؤال السادس: هل تم الطلاق باتفاق الطرفين ام انه تعسف منه؟
الاجابة:مش حتعرفي ابدااااااااااااااااااااااااااااااااااااااااااااااا اااااااااااا لان ربنا لوحده المطلع علي اللي حصل بينهم


السؤال السابع: هو الظالم ربنا بينتقم منه امتي؟؟؟
الاجابة:قال رسول الله صلي اله عليه وسلم(اتقوا دعوة المظلوم فانها تحمل علي الغمام يقول الله:وعزتي وجلالي لانصرنك ولو بعد حين)
يعني ممكن بعد سنين ممكن علي مدي عمره

السؤال الثامن:مش خايفة من واحد قدر علي الطلاق مرة مش معني كده ان قلبه جامد؟
الاجابة: لا لانه جرب مرارة الطلاق مرة مش حيجربها تاني
انا شايفة ان الاجابة ده صح بنسبة90% وغلط بنسبة 10% لان فيه رجالة مشكلة الطلاق بتضعفهم والاخرون بتقويهم زيادة علي بنات الناس والدليل ان في رجالة بتطلق واحدة واتنين وعن نفسي اتقدملي واحد منهم وطبعا خفت ورفضته والذ اجابة جاوبها عليا انه طلقهم عشان يرضي ابوه يعني الاتنين وحشين وهو الملاك!!!بريئة يا بيهوعلي فكرة اللي بييبيع مرة يبيع عشرة

السؤال التاسع: ليه تكوني تاني واحدة في حياة راجل بينما هو الاول في حياتك وبينما ممكن تكوني الاولي في حياة اخر؟؟؟
الاجابة: مش فارقة انا حاقدر انسيهاله(طب هو انتي اساسا تعرفي ايه كان بينهم)

السؤال العاشر:مفكرتيش ابدا ان موافقة زواج التي لم يسبق لها الزواج من مطلق بتزيد من نسبة الطلاق؟ عارفة ليه؟
الاجابة:لانه لم يخسر شيئا فهو راجل لم يتغير به شئ ليه ميطلقش ده ويتزوج غيرها ويستمتع ويتذوق انواع مختلفة من الفاكهه(النساء) والفلوس بتروح وتيجي والنوعية ده اللي منها طليقي علي فكرة وعلي فكرة ده تفكير كتير منهم لازم يحسوا انهم خسروا اكتر من الفلوس خسروا ان فرصهم في الزواج بقت محصورة في المطلقة او الارملة زي ماعملوا فينا في الوقت ده الراجل حيفكر الف مرة قبل ما يطلق ويقول الفلوس بتروح وتيجي احمي نفسك بدل ماتقفي معنا في صفوفنا الطويلة

بصوا انا مطلقة بس والله مش بكتب ده عشاني ولا متعقدة لا بس انا مضايقة اني بقيت في خانة ضيقة لاختيار الزوج(10%) والحمد لله اني مظلومة وثقتي في الله وانه حيعوضني كبير

بس سؤالي ليكي1- ليه تحطي نفسك في الخانه ده بينما انت فعلا في خانة اوسع؟؟؟


2-ليه تغامري بنفسك وممكن يطلع هو الظالم بنسبة 90%؟

3-انت مستعدة انه لو كان ظالم تكوني معاه فيما سيتعرض له من انتقام من الله؟؟

4-مفيش عرسان!!!! امال لما الله تعالي قال (وفي السماء رزقكم وما توعدون) كان ايه؟ وتذكري ان خزائن الله لا تنفذ هو مش الجواز رزق برده؟؟

5- مفكرتيش انه ممكن يرجع لها خاصة ان كان فيه اطفال؟ او تكوني موضع مقارنه مع زوجته السابقة؟
حاحكلكم حكاية صغيرة هنا ممكن تفيدكم زميلي في عملي لا يعلم اني مطلقة(لاني اخاف ان يطمع فيا الناس شأن المطلقات) وهو كبير في السن عمره حاجة و 50 سنه المهم علمت منه انه كان متزوج وانجب طفل وطلقها وتزوج باخري وانجب منها طفلة ولكنه لم يسعد معها ابداومضي 15 سنه ويتمني ان يرجع للاولي لانه احس انه ظلمها لانه مش سعيد مع التانية وبيقول عن التانية انها مريضة نفسيا وبتتعالج ولا اعلم ان كان هذا صدق ام لا وده غير انه مش موفق في شغله خالص لدرجة بجد بيصعب عليا انه كبير كده في السن ومهان ممن هم اقل منه سنا لدرجة انه وسط ابنهم بينهم وبرده لم توافق وقتها فقط تاكدت انه ظلمها لانها لو كانت ظالمة كانت حتوافق انه يردها بعد ما ذاقت مرارة الطلاق

شوفتو بقا فكر يردها بعد 15 سنه ترضي كده لنفسك؟؟ ترضي تكوني مكان زوجته التانية؟

يا اختي يا حبيبتي انأي بنفسك عن كل هذه الاسئلة ايوه الرجل الذي لم يسبق له الزواج برده حوله اسئلة لكن علي الاقل اجابتها مش معروفة ومش قاسية زي المطلق
بصي احنا المطلقات مضطرين للوضع ده لكن مش عاجبنا بس ده المتاح وبنعاني من نفس الاسئلة بس احنا مضطرين (علما بان بعض المطلقات يتزوجوا من رجال لم يسبق لهم الزواج ولكن اغلب هذه الزيجات تفشل الا قليل القليل وده راي انا مش معاه لاسباب اخري منها اعتراض اهله واني ساشعر ان خبرتي في الحياة اكبر منه وهذا لا احبه )
لكن انت امامك فرص اوسع لا تضعي راسك تحت المطرقةمش ح اتكلم خالصوبعدين ترجعي تشتكي

واخيرا لا تخافي فان الزواج رزق والرزق بيد الله وهو خير الرازقين وخزائنه لا تنفذ فقط ادعي الله وثقي به واحسني الاختيار
اتمني اكون قدرت اوضح فكرتي

ملحوظة: مش مشكلة الزوجة التانية ولا التالتة لان ده شرع ربنا ولازم نرضي بيه برغم كونه مؤلم والسيدة عائشة رضي الله عنها وبرغم انها ام المؤومنين كانت تغار وهذا معلوم لنا جميعا ولكن المشكلة انك تظنين في البدء انك الوحيدة ثم يعود للاولي هذا ما يكون مؤلم حقا وغالبا مش حتقدري تعترضي عشان اولاده متظلمهمش فهو موقف صعب اري ان تنأي بنفسك عنه

مدري اختي هذا موضوع فضفضة ولآ نقااش ولا شو ؟؟!

__________________
[SIGPIC][/SIGPIC

هذا رايي وتخيلي لما يدور في عقول الفتايات ولكي ان تعبري عن رايك سعدت بمرورك

هل تعلمين كيف قرأت موضوعك و ماهي الخلاصة التي خرجت بها

حطموا كل رجل طلق لأني مطلقة محطمة

__________________

جيد انك فهمتها ولكني مخطوبة وهو حياته تدمرت والحمد لله عقبال اللي زيه

الطلاق مو عيب ولا حرام يمكن طلاقه كرم منه لطليقته احسن من اللي يتمسك بزوجته عشان يعذبها ..
وبعدين الطلاق مو عيب لازم للرجل ولا للمرأة الطلاق حالة مقدرة من الله وظروفنا سبب لتلك الحالة فقط..
يعني باختصار الرجل ماينقص لما يطلق ولا ينقص من قيمة الرجل الا اخلاقه السيئة !!

استغفري ربك وتذكري قوله تعالى : " إن الله لا يحب الفرحين "
عيشي حياتك وسعادتك بدون ماتعلقيها بشقاء من ظلمك واتركي الخلق للخالق .
الله يكفيك ويكفينا جميعا شرور أنفسنا وسيئات أعمالنا

عذرا حضرتك فهمتي الموضوع خطا ارجو اعادة القراءة وعملت موضوع تاني وضحت فيه اني لا اشمت فيه لكني اشفق عليه ولا اريد لرجل ان يظلم ليكون له نفس العاقبة ولكن كاني بادن في مالطة

ولا كمان حضرتي فهمتك غلط أو ما قرأت الجمله زين؟؟

اختي
أسأل الله أن يهديك لصوابك ويكفيك شر نفسك

طب حضرتك قريتي هو كتب ايه؟؟ عشان اردد عليه كده!!
وبعدين ده راي خاص بيا ان الانسات تستحق افضل من مطلق مشكوك ان كان ظالم او مظلوم وهو راي خاص وليتكم تكلمتم في الموضوع المطروح لااااااااااااااااا كله ساب الاصل وتحدثتوا عن حياتي الشخصية وكانها مشاع فحسبي ربي ونعم الوكيل انا لم اتكلم عن حياتي الا بهجومكم