آآآه ياربي أطلع من هم أطيح بغيره
السلام عليكم ورحمة الله وبركاته
كيفكم أخواني أخواتي ...
اكتب لكم يا بخاطري والدموعي تذرفع ...
من كم يوم اخبرتني امي كلمات كانت مثل طعنة السكين بصدري...
اخوي تزوج ولأسف ما متفق مع زوجته فهي سيئة الطباع خلة الكل يكرها ... وما قادر أخوي يتحملها ولا يالي بالبيت حتى امي اصابها مرض ...
المهم كانت امي وابوي واخواني وابوي رايحين بيت خالتي مجتمعين لان اكتشفنا ان اخوي مسويله سحر جلب وحب لزوجته واتفقوا يلتقوا بيلي يعالجه ببيت خالتي...
الحمدالله تعالج وقعداو ينصحوا اخوي وكذا ... وياليت امي ما قالتلي ايش قالوا:
قالها ولد خالتي : خربتي على بنتك والحين جالستلك بالبيت ( يعني عانس ما حد خطبها )
والله هالكلمات ذبحتني ... وصح للأسف اهلي سبب تجربة الاولى كان هم السبب اجبروني على الزواج لا سمعوني ولا حسوا فيني وانا اشتكي منه قبل لا يصير وانتقل لاعيش ببيت اهله كنت بس ممتلكه ...
وآآآه ياربي امي لا حست فيني وكنت اتمنها قربي كنت واقفه بجنب زوجي وانا اموت قدامهم يوم بعد يوم
ما حد حاسس في ... شنو احساسك يوم تقولك امك اذا ما سمعتي كلامي لا امك ولا اعرفك ...
كنت اشتكيلها بس ما تسمعني تمنيت وقتها الموت ...
والحين لما قالها ولد خالتي هالكلمات ... تهربت من انها تقول صح اني ظلمتها ما انها غلطتهم...
هالكلمات ذكرتني بشيء نسيته وصح للأسف ما حد دقق باب بيتنا وقريب بصير بسن 28 وكل ييوم اسمع هذي انخطبت وهذي ايمتلك ولأصعب من أهلنا صرت افكر واخاف يسمعوني كلام ولو ع سبيل النصيحه بان البنت ما لها غير زوجها ,,, وانا الوحيده أكبر الحين بالعيله لاحد خطبها ومطلقه والباقي أصغر مني ,,,
خايفه من نظراتهم شفقه وغيره ,,, ياربي رحمتك ماحد يحس بغيره غير يالي مجرب
صار اذا توظفت بمكان بإي وظيفه يالي يحاول يستغلني لاني مطلقه وعارفين ان المطلقه ضعيفه مكسورة الجناح... خصوصا حياتي كله ماشيء اهتمام ولا احد حاسين في يجي الكل يشكي همومه لي ... حرمة اخوك سوت كذا ابوك سوى كذا وأخوك ... وأنا كان ماحد حاسس فيني... كرهت دنيتي... بعد هذي الدوامه من زوجة أخوي حست امي فيني ... والله في يوم جاتني كان برمضان كنت مضايقه فأجتني وجلست جنبي عالسرير وحطت ايدها علي ... والله العظيم جلست أبكي فرحانه من داخلي ... ولاني من زمان أصرخ بداخلي امي ابك جنبي ارجوك محتاجتلك...روحت عني وقعدت ابكي وقتها والحمدالله الحين تهتم في صارت تقول بكره بتزوجوا اخوانك وما بيجلسلي غيرك وما اثق فيهم وبزوجاتهم ما اضمن فيهم نفس الحين أخوك...
يألله ... كان لي زميل ومسؤل عني بالدوام ومن كم يوم ارسل لي مسج يبي موعد عشان يجي يخطبني فرحت
وقتله الوقت المناسب يالي يكونوا اهلي بالبيت بس للأسف ما رد علي... حسيتها يضحك علي لزم بيقول مطلقه ما مصدقه على ألله احد يبها ... ولا بأمس أكتشفت مشرفنا حاط عينه لي بعد متزوج وتفكيره مثل المراهقين يعني ما حاسس بزوجته ابي اتزوج عاشن وحده ترجعلي شبابي ... شو هالتفكير ...
لهدرجه انا صرت رخيصه بنظرهم مع إني تعاملي معاهم باحترام وبلي يرضي ربي...
ولأني مطلقه ... والكل ينظر لها بنظره أعوذ بالله ... كرهتم ,,,
وكرهت نفسي والله تعبت والزياده ان أحلمي يالي أحلامها تتحقق واجلس افكر فيها وافسرها وياليتها تفرحني
إلا هم وهم ... وكل يوم هم ما افرح كم يوم إلا الباقي نكد وتفكير لا انام عايش ارق واكلي قليل وضعف حالي
( ربي مسني الضر وانت أرحم الراحمين)
اشفه على إطاله بس حبيت أفضفض يالي بداخلي وارتحت...
( ربي أحيني ما علمت الحياة خيرا لي وتوفني ما علمت الموت خيرا لي)
التعديل الأخير تم بواسطة shooqy83 ; 07-10-2011 الساعة 01:50 PM
07-10-2011, 01:43 PM
ضوابط المشاركة
العرض الشجري