الأخ أبو حكيم والمستشار رجل الرجال
كل عام وانتم بخير
حصل بالعيد وبغياب زوجي كونه بالحج وبوجود ولدنا موقف بيني وبين أخو زوجي وصار تحسس بينا ... تكلم معي بحدة يعاتبني على موضوع طرحته زوجته وكنت أنا قد تكلمت معه فيه قبلها بساعة وناقشني ووافقت له على رأيه فلما رجعت زوجته طرحت الموضوع توجه لي أنا بالكلام .. شعرت بأنه لم يجرؤ على مضايقة زوجته فاحتد علي أنا بدون وجه حق .. أجبته : أبو فلان ... تراني ما تكلمت ولا كلمة وزوجتك هي اللي تقول وطلعت .
الموضوع صار أمام أخته وأباءها وزوجاتهم وأبناء أخوهم الاكبر وأبناءهم فأجبته بنفس درجة ارتفاع صوته وخرجت من المكان
ابني في اليوم التالي اعتذر عن مرافقة عمه بعدة مشاوير بسبب انشغاله بأمور كثيرة وبسبب الموقف أيضا ... وشعرت بأن عمه ابتعد قليلا عنا ولم يتواصل معنا كعادته . مع اننا ذهبنا لزيارته ببيته ... وهو أتى لزيارة أخوه عند رجوعه من الحج .وهذا العدد من الزيارات قليل على غير عادته .
هذا العم رجل طيب يعلم بمشاكلي مع اخوه ويتعاطف معي لدرجة أنه يعيدني بالنقود وكأني من محارمه ويحاول أن لا يتسبب بمشاكل بيني وبين زوجي ولكنه أيضا من نوع الناس اللي يحسب حساب كل كلمة ويفسرها ويحللها وياخذ مواقف مع الناس بشكل عام .
سبق أن قال لي بأنه يأخذ على أخوه (زوجي) بأنه لا يقف في وجه من يتعرض لأهل بيته بينما هو لا يسمح لأحد بأن يتعرض لهم ولو بكلمة ويوقفهم عند حدهم
عنده عقدة التواصل مع أهل الزوجة وسمعت نقاش بينه وبين زوجي أكثر من مرة وكل واحد منهم يعرض عضلاته بأنه يتجاهل أهل زوجته ولا يجاملهم وكل واحد فيهم يتهم الاخر بأنه رخو مع أهل زوجته ويودهم بزيادة وكأن هذا دليل ضعف .
عندي عدة سيناريوهات..
ممكن أنسى الموضوع وهو بعد ينسى .
ممكن أنسى وهو يلمح لزوجي بغيابي وبطريقته الخاصة
أو يطرح بشكل صريح وأمامي
ممكن أنا أقول لزوجي وهو ينسى الموضوع
ممكن أخته تتبرع من عندها
طبعا إذا قلت لزوجي ما أتوقع منه تأييد أو مناصرة .. بس على الأقل يكون بالصورة الصح بدون بهار وزاوية نظر واحده .وما يجي يقول لي وليه ما قلتيلي عن اللي صار .
عندي رغبه أجاوبه على سؤاله المفترض سواء كان أخوه موجود أو لوحدنا بأني مضطرة أدافع عن نفسي بما انه ما عندي من يدافع عني وزوجي ما يتعامل بالعدل ويقدم أخوانه على أهل بيته حتى لو كانوا أهل بيته مظلومين وهذا سبق وصار وتتذكر يا زوجي العزيز وهذا سبق وقلته انت يا أخوه .. تتذكر ؟؟
طبعا الموضوع لا زال مرشح للطرح بالأيام الجاية مع انه مضى عليه وقت لأنه اليوم بيسافر ولدنا ونتفرغ شوي ولأنه لا زال ما قعدنا قعدة لوحدنا مع بيت أخوه هذا .
وطبعا في مواضيع ثانية بيني وبين زوجي ولا زالت ما انطرحت وفيها نكد .. مواضيع بخصوص المصروف بغيابه وبخصوص الأولاد وهكذا
__________________
14-11-2011, 02:15 PM
ضوابط المشاركة
العرض الشجري