السلام عليكم
أنابدخل في موضوعي على طول لان من فتره وانا ودي اكتب مشكلتي
انا متزوجه من 6سنوات تقريبا وعندي بنت6شهور وولدسنتين الله يحفظهم
انا طولت في فترة الملكه تقريبا 3سنوات لظروف زوجي الماديه
المهم جلست 3سنوات ما خلفت من ربي سبحان الله
وبعدين جبت اثنين ورى بعض اول ما حملت بولدي زوجي قرر يغير وظيفته لضغوط كانت عليه اول ما انجبت انتقل لوظيفته وبعدها تغيرت حاجات كثيره وهي انتقلت من بيت مستقل وواسع الى ملحق في بيت شعبي وعند أهله انا تعبت كثيرا حتى تأقلمت على الوضع الجديد لان تغيرت حاجات كثيره بحياتي بس اللي كان مصبرني ان زوجي مبسوط ومرتاح في وظيفته الجديده لا وجلس عند اهله وقالي كلها فتره 6 شهور وننقل لبيت احسن بس عشان ابغى ارتب نفسي شوي قلت امرها بسيط وهين 6شهور الحين لي سنتين ولسى ما انتقلنا وانا والله متضايقه بموت
اهله جدا جدا طيبين وماني متضايقه منهم بس البيت نفسه يضيق الخلق و زوجي يتيم ماله ام ولا اب بس اخوه الكبير كانه ابوه يسكن الدور الاول اخوه الكبير والثاني اخوه الثاني وانا متضايقه مالي اي خصوصيه في البيت يعني لو انسى ما اقفل الباب والله ما ادري بعيالهم الا بوسط البيت انا ما اكرهم بس احيان ما اكون لابسه زين وهم بالابتدائي يفهمون وغير كذا بيتي جدا ضيق ما اقدر اعزم احد وتعبت من هذا الوضع
وزوجي يوم شافني ساكته قال خلاص يبغى يكمل دراسه قلنا معليش لان هو ماقصر تحملني اول السنينن يوم كنت ادرس المهم مااحد قبله الا بجامعه خاصه وصار وقته كله دوام ودراسه وقعده مع اخوانه وانا وعياله مالنا اي حق والله العظيم مرررررت شهور ولا فكر مجرد تفكير يطلعني او يخرجني لان طفشت بموت
وانا والله العظيم مو مقصره في بيتي طبخ وترتيب ونظافه على اني اسهر طول الليل ويتعبوني العيال بس احاول انظم وقتي
مشكلة زوجي صار كلامه اكثر من افعاله وعدني بأشياء كثيره وللحين ما شفت منها شئ وعدني نطلع من البيت ونستأجر شقه ووعدني بعد ولادتي ببنتي يجيب لي شغال تساعدني وماشفتها للحين ووعدني بعمره لان صار لي سنين نفسي اخذ عمره ولا رحت اعتمرت لا في رمضان ولا غيره ووعدني بسفره خميس وجمعه لمنطقه قريبه منا وهي حقل اغير جو وتتغير نفسيتي ولا رحت ولاشفتها ووعدني بسفره خارج المملكه ولا شفت هالسفره
وخلاص انا متضايقه مره المشكله ان اهلي بعيدين ماعندي احد وزوجات اخوانه معلمات ومو فاضيات لي
وزوجي صار زي الضيف يجي بس يحط راسه وينام والله حتى انا صرت احسه رجل غريب والله صرت استحي منه ولاعاد بينا اي شئ لاحوارات ولا حتى كلام عادي والحين الطامه الكبرى جته دوره من عمله لدبي اسبوع وقلت فرصه خذني معك ورفض وبشده وقلت طيب ودني عند اهلي وانت روح برضوا رفض وانا زعلت من قلللب وهو مبسوط كأنه بيسافر سياحه قاعد يقضي له ملابس وجزم
والله مقهووره بموت افكر ادعي عليه ليل نهار انه ما يتوفق في هالسفره واتعوذ من الشيطان انا اخاف ربي بس بالله مو المفروض يعوضني عن تقصيره طول هالفتره على الاقل بهالسفره وصرت افكر اغير معاملتي معاه واحيانا افكر اخلي له عياله واروح لأهلي وانا بجد ما بقدر اصبر عن عيالي او اخليهم له بالله وش اسوي هل اودعه استقبله اذا جا والا اطنشه ولا كأنه موجود يروح ويرجع ولا يهمني ولا وش اسوي انا ما بقدر اودعه وهو رايح من القهر احس بدعي عليه افكر انام اذا كان بيروح وبروضو اذا جا اسوي نفس الشئ دلوني ياأهل العقول الرزينه
09-10-2011, 05:29 AM
ضوابط المشاركة
العرض الشجري