افكر ادعي عليه ليل نهار انه ما يتوفق في هالسفره واتعوذ من الشيطان انا اخاف ربي

الا هذه

اعملي اللي تحبي الا هذه لانو اذا ما توفق رح تطلع براسك انتي ووالادك وتبقي طول عمرك ببيت حماكي

استودعيه الله سبحانه وتعالى

واكثري من حسبي الله ونعمى الوكيل

وانتي تلاقي الفرج قريب ان شاء الله

انتي قولي :يا رب تفرجها علينا

وتحفظ لي زوجي وتحفظني له


ودعيه بابتسامه وشوق وضحكه طول عرض

وهو رح يجلس يفكر ليه مازعلت شو قصدها فرحانه لسفري ويصير يكلم نفسو

ووقت يرجع استقبليه بكل ترحااااااااااااب وكأنه راجع من عمره او حج


بس انتي ما تنسي السر اللي خبرتك ايااه

حسبي الله ونعمى الوكيل ردديها خمسمئه مره الف بالنهار

بس وقت ان شاء الله تفرج ما تنسي تدعيلي


البكا والعصبيه والنكد وخراب البيوت والدعا هذا ما يفرح الا ابليس

ولكن نحن نلجأ بالخفاء لرب العباد وندعوه

سورة المجادله اول آيه اقرئيها و فكري جيدااااااااااااااااااااااا

الله سبحانه وتعالى يسمع شكانا

ما تنسي ابتسامه قبل الوداع وبعد عودته

__________________
http://live.gph.gov.sa/
اللهم اني استودعك اولادي

كل الي ذكرتيه معك حق ولا احد يقدر يلومك فيه


بس انتبهي انتبهي انتبهي الا هالفرصة الي كان ينتظرها وحلم اي رجل وهو بوظيفته تجيه دورة ومنها تفتحله ابواب الترقيات ويزيد دخله,, فانتبهي وانا اخوك انك تدعين عليه او تتذمرين وتحسسيه انك مو راضية عالسفرة لان بكل بساطة بيكرهك تعرفين ليش,
لانه ماحس فيك السعادة لسعادته هذي واحد, ماخليتيه يفضفضاك ايش الهدف من الدورة وكيف طبيعة الدورة وتشاركيه الفرصة الي جاته<< هذي ركزي فيها وادعيلي .. لاشفتيه اسئليه يافلان كيف الدورة وكيف طبيعة عملكم فيها وشوفي بعدها من فرحته ايش بيسوي اذا ماشتغل قدامك اسطوانة مسجل يبربر وتحسيه مثل الطفل الي جاته لعبة
او انك تتذمرين ويشوف فيك عدم الرضا ويطنش يكمل دورته وممكن من بعدها ربي يفتحله باب رزقه ويترقى وساعتها الله لايقوله يفكر بالزواج من ثانية والسبب انه يبحث عن انسانة تشاركه فرحته وهمومه...؟
وخليكي سند له تشاركيه... وانا مقدر وضعك لما يعشمك شخص بشي ووعود ومايجي منها شي تفقد الثقة فيه وغير القهر
بس كمان انتي شاركيه ضروفه تقربي منه شوفي ايش بباله ايش منتظر او الوقت المناسب الي يخليه يحقق وعوده شاركيه همه اعرفي منه ليش ماخقق شي من الي قاله وصدقيني والله لو سئلتيه بيجاوبك وترحمي حاله , شاركي زوجك فكريا ومعنويا
ومن وعوده شكيت بخويي انه هو زوجك بس مع التفاصيل تاكدت مو هو , واحد من خوياني مثل زوجك بالضبط حالته المادية اقل من متوسطة وعنده طفل بس يفضفضلنا ويقول والله اني واعد المدام بكذا وكذا وماودي اتدين عشان كماليات ومنتظر الترقيه ويزيد دخلي واحققلها كل الوعود بيوم واحد قلتله طيب يابن الحلال كلمها وفهمها انك كذا وكذا وضروفك حاليا ماتسمح رد علي وقلي اسكت بالله انت لساعك ماعرفت الحريم يوم تتزوج تشوف الزنة والحنة على راسك كيف
ولاتلومو المتزوجين ليش يكون مبسوط مع خويانه اكثر من زوجاته والسبب هذي الاشياء انتو ماتحسو بمعنى المسؤلية وعليه ضغط من الزنة حقتكم وماتفكرو تشاركونهم افكارهم الا من رحم ربي ,, وجربي خذيه لك صديق قبل مايكون زوج اسئليه خليه يفضفضلك وشوفي كيف والله لاتعذريه

وانا ماحبيت اتطرق لاي موضوع ثاني مثل السفرية للعمرة وهذي مقدورة وميسرة بس حبيت افتحلك صورة الرجل ايش انطباعه واحساسه لاتذمرتي لسفرته وكذا وكيف ممكن تستغليه وايش الي ممكن يريحك .. انتي بس لو جلستي جلسة مصارحة معاه تخليه يفضفضلك والله لاتكوني اسعد انسانة وبتعذريه وتتحمليه وبتقتنعي

شكرا لك على ردك والله يجزاك خير

ودعيه بكل حميمية ، وقولي له كان ودّي أكون معك
بس خيرها بغيرها ..
وفترة سفره خليك معاه في تواصل روحي معه
إن لم تلتقِ الأجساد، فلترتبط الأرواح ..
خليه لما يرجع لكم بالسلامة بإذن الله
يرجع وهو نادم إنه ما أخذكم معاه ..
لا تنكدين على نفسك ولا عليه ..
لأن السفر أصبح واقع لا محالة ...
وبعد عودة زوجكِ بفترة ذكريه بوعودهِ لكِ
وأنكِ قدرتِ ظروفه المالية فليقدركِ ويفي بوعوده ..

أعانكِ الله ~

__________________

شكرا لك على ردك
وبالنسبه للوعود الكذابه من ايام الملكه وهو وعود وانا مو من النوع اللي الح او اطالب بالشئ اللي وعدني فيه لانه مو واجب عليه بس يحز بنفسي
المشكله مافي وقت اقسم بالله اسولف معه كل كلامنا برسايل الجوال ما يقعد معي نهائي
عاتبتبه شكيت بكيت بس لا حياة لمن تنادي والله يتعدل يوم ورجع الله يصلح حاله بس وش اقول

جزاك الله خير بس ولله هو مو من النوع اللي يندم على شئ على قوله يقول انا ما اندم على اي شئ اسويه

خلاص اعذريه حطيله الف عذر قارني نفسك بزوجات كيف ازواجهم يخونوهم ومشاكل قد شعر راسك واتحمدي ربك ان مشكلتك تقريبا مادية سوائن بالسكن الي فيه وبالسفريات وكذا

بس طالبك يا ام شدونه الا هالفرصة لاتحسسيه بتذمرك لان سوائن رضيتي ولا رفضتي هو مابيضيع هالفرصة وليش تتجيبي هالمشكلة فوق راسك خلاص افرحيله وادعيله
وباذن الله من هالدورة بتجيه ترقية ويتغير حالكم ..

واذا عالقعده هو مجرد مايصير نصف الي بباله ويتحسن دخله بتتغير نفسيته وبتشوفيه كيف
ممكن السبب تفكيره بالدخل المادي الي عنده وبراسه افكار مثل مشاريع او يقوي شهادته بالدراسة عشان يترقى وكذا
بس خلك صبورة وحكيمة

طيب أختي ودعيه بس أصري على الذهاب لبيت أهلك
و استخدمي دلالك و كلماتك الجميلة , بأنك ودك تغيرين جو مع أهلك , و انك تستوحشي البيت بدونه
وعشان لا يحمل همك و هم تدليلكم طوال فترة غيابه بترفهي عن اولادك شوي ببيتكم (يمكن يفهم)
و إذا أصر على الرفض , ذكريه بوعوده بأن كان نفسك يسفرك عمرة او تمشية و مدام الظروف ما تمكنت له
ماراح تكلفي عليه فقط روحة بيت أهلك و قولي برجع قبل لا تحضر بليلة ,,,بس خليك هاديييية بالكلام لا يقلب الموضوع عليك ,,الله يكون بعونك,,

__________________

أنتبهي تدعين عليه لو صار له شي ماراح تسامحين نفسك , أستودعيه الله من شياطين الأنس والجن .
لاتتصنعين عكس شعورك الحقيقي وأنتي تودعينه .
حاولي فيه تروحين لأهلك وأنك ترجعين قبل ما يرجع , وأسأليه عن السبب في رفضه يمكن مقنع .
في الفترة الي راح يغيب عنك أهتمي بنفسك شوي وغيري أن قدرتي في شكل البيت .
على فكرة حلو الأبتعاد عن بعض شوي عشان تشتاقون .
وبعدين لاتخلين حياتك كئيبة وتقولين مالنا أهتمام عند زوجي يجي عشان ينام , أنتي حددي وقت يجلس معكم
مش بالأمر لا , بالفعل فترة العصر تكونين مجهزة جلسة وحلا وقهوة , في الليل أعملي له مفاجأة قولي يافلان تعال بدري الليلة عندي لك مفاجاة , طبعا مش ليليا المفاجأءت عشان مايصير شي عادي عنده .
غيري في روتين حياتك عشان هو يتغير .
أنتي شكلك طيبة وأجودية ولاتحبين المشاكل ويمكن وحدة غيرك زن على راسه وتذكير يومي بالوعود
الله يحقق لك كل أمنياتك ويخلي لك شدونة وأخوها .
وبالأستفغار تفتح الأقفال وينشرح البال .

__________________