متزوجه من 10 سنوات عندي 3 اطفال مشكلتي
بدات عندما فتحت اميل زوجي هذا الايميل انا مسويته له لانه هو طلب هو مايعرف بالكمبيوتر ونت كثير وانا الي شجعته وعلمته
اشياء بسيطه فيه يعني كيف يتصفح الجرايد ومواقع رياضيه .
فتحت الايميل والاقي رساله من موقع زواج مسيار وانه تم تسجيلك لدينا فتحت الموقع وعرفت اسمه
وشفت بياناته وطلباته . قال انا رجل جاد في الحياه وشخصيتي تحمل كل الجديه وبحث عن فتاه بيضاء وجميله
لايهم مطلقه او ارمله او لديها اطفال .
انا انصدمت وبكيت كثير ولما جاء فتحت له الصفحه الي فيها بيناته واسمه وعلى طول قال هذا صديقي مسجلني
وانا ماطلبت منه اهو وحلف انه صديقه مسجله وان الموضوع ماهمه وقلت صديقك وش يعرفه بانك تبي بيضاء وجميله
قال اكيد بيحط شروط كذا . زعلت وقلت اذا تبي تزوج مسيار ولا عادي طلقني انا ماتحمل وبعدين انا اخذتك وافقة عليك
انك مو متزوج ولو كنت متزوج ماوفقت عليك .
قال ولله انا مافكرت بزواج ولو انا الي مسجل كان غيرت الاميل المهم اني حذفت اشتراكه وعدت الامور بعدها ب6 اشهر
الاقي رقم بجواله بتكرر وكل مره الرقم يكون باسم وحد ثاني وشكيت فيه واخذت الرقم ودقيت
وطلعت وحده وقلتلها انتي مين ورقمك لقيته مع زوجي وعطيتها رقمه وهي على طول اعترفت قالت
هو مسجل في موقع زواج مسيار وعطاني رقمه وقلت انتي تبين تزوجينه مسيار قالت لا انا متزوجه
بس احب العب واشوف وش يبون المتزوجين بالمسيار وقالت ولله هو يدق علي بس انا مارد
وقالتلي اسمه في الموقع .
سكت وماوجهته لاني ماراح استفيد غير انه بينكر وبس . رقم البنت ماعاد شفته حاول كم مره يدق عليها
ويوم ماردت تركها.
انا سجلت في الموقع وعرفت ان التسجيل للبنات مجانا والشباب بمبلغ مالي انقهرت انه يدفع على شي مايستاهل
وهو الي مايحب يصرف ودايم يفكر بتوفير عشان البيت الملك وكنت اشجعه واقتصد كثير .
حتى المصروف الشهري يرفضه لانه من البدايه انا ماطلبت لاني كنت اراعي ظروفه وماعمري سافرت
وهو تعود على اقتصادي وكان انا هدفي نفس هدفه البيت والاستقرار .
لاكن هو بعد ماتحسن وضعه وحس انه مستقر ماليا راح بيحث عن شهواته ونزوته .
المهم سجلت في الموقع وراسلته وكان جاااد في موضوع الزواج وكان صريح ومايكذب وحتى طلبت مهر 50 الف وافق
بس كان شرطه النظره الشرعيه . انا سكت وماواجهته بس تلميحات اقوله اني حلمت حلم ونه بيسير شي يفرقنى
ابيه يحس شوي وقلت احساسي انك تبي تزوج وجلس يضحك يقول انا مابي الزواج واذا بتزوج مسيار
شهر سنه وطلق وماراح يضرك بشي انا زعلت وبكيت وقلت ولله اذا صار اخر مابينى .
قال امزح بس اقولك اذا بتزوج يمكن مسيار .
بديت اراسله وكل مده اسجل باسم ثاني . عشان ابين له ان كل البنات في الموقع مراهقات ونصبات
وهذي الحقيقه بعد ماسجلت عرفت ان هذا الموقع ماهو الا تعارف وغزل بس زوجي كان جاد . وصريح ولايكذب
وعطاني اميل ثاني له الي هو مسجل فيه واضافني وعرفت ان الايميل جديد لاني انا اول وحده يضيفها
عرفت من ملف التعريف .
وماضاف احد غيري بس في الموقع لما طلبت رقم جواله عطاني رقمه على طول وقال لاتدقين لا بعد المغرب
تعرفين متزوج .
عرفت رقمه السري للموقع وافتحه وادخل عشان اذا جته رسايل من غيري احذفها قبل يشوفها .
انا الحين ماوجهته ولا راح اواجهه
هو يصلي ويخاف الله وانا بعد الحمد لله وتقربت لله اكثر وطلبت نحج هذي السنه وافق وسجلنا بحمله
بس انا صرت عصبيه ومتناقضه وابي اصرف فلوسه كثرت طلباتي الي هو ماتعود عليها وكثرت مشاكلنا
يقول انتي متغيره صايره عصبيه ونكديه كل يوم لك وجهه .
صار اذا تكلم عن البناء والبيت ومتى بيبداء مااتجاوب معاه وصار البيت مايهمني كثر مايهمني
اعيش ليومي طلبت مصروف شهري ورفض ومشاكنا زادت لان الثقه صارت معدومه
علاقتنا الخاصه ممتازه ابد مارفض له طلب واسعده وهو عادي يعني مايعتبر رجل جنسي . مرتين في الاسبوع او ثلاث
انا اصبحت قلقه كثير واتخيل اشياء وقصص وقل نومي انام بصعوبه وتوتر وهو ملاحظ بس مايعرف السبب يقول انتي تبيني
اكون رومنسي وادلعك وانا ماعرف انا ربي خلقني كذا انا احبك بس احكمي بالفعال ومو بالكلام
قلت ابي اسافر برا اي مكان قال يبي لها 20 الف قلت عادي اهم شي اغير جو قال انتي متغيره انا
اقولك اذا بنيت البيت وستقرينا اوعدك كل سنه سفره ولله وعد .
هو يتكلم بس انا ماصدقه ابد تعبت ابي ارتاح صداع مستمر معي وتنمل في راسي شديد ومتوتره وقلقه
مادري وش الحل ابي احافظ على زوجي وبيتي وعيالي بس تعبت منه وماعاد فيه ثقه .
خصوصا الحين كثر التعدد وزاد واخاف تجي وحده وتاخذه منى ولله تعبت كثير يارب فرج همي ويسر امري .

اختي

مشكلتك تشبه مشكلة اخت زوجي من كم سنة مرت، كان زوجها مسجل بموقع زي كذا
و هي عارفة و هو يدري انه زوجته تعرف

و كانت مثلك توفر لزوجها عشان يسدد ديونه و ماتهتم بتغيير ملابسها و لا شعرها و لاشي
و في الاخير اتزوج وحدة مسيار من سنتين و مادفع اي شي و جاب منها طفل

و بدات اخت زوجي وقتها تطلب منه فلوس كل شوي و تغيرت تماماااااااااااااااا
عملت ريجيم و بدات تغير دائماً من لون شعرها و مكياجها و ملابسها و مرة تغيرت
و انقهرت على نفسها انها كانت تحرم حالها عشان زوجها يسدد ديونه

و هو يوم تزوج قال لاهله انه زوجته تهمل ملابسها و شعرها و كذا

و دحين سمعت من زوجي انه زوج اخته طلق زوجته الثانية و ماسالته عن السبب

.
.

فانت لا تنكدي على زوجك عشان لا يلقى لنفسه حجة، بس اطلبي منه يعطيك فلوس
و دلعي نفسك و روحي الكوافيرة و اشتري لنفسك عطور و كل شي ^^

سيطرتك على الوضع عجبتني لكن تعاملك معه ماعجبني

حبيبتي انتي يبان عليك امرأة ذكيه وفاهمه الحين انتي حببتيه

بالشخصيه الوهميه حقت موقع التعارف وكرهتيه بشخصيتك الحقيقيه

انتي المفروض تشوفي اي ناقصه وتسوية حاولي انك تبني ذاتك من جديد

اصقلي شخصيتك اكتر حسسيه انك انسانه واعيه مثقفه اشغليه بحديثك

واهتمي بالجانب الانثوي اكتر "حبي نفسك" عشان تقدري تحبيه ويوصله الاحساس

دلعي نفسك ومش لازم يكون ببذخ احكي له قصص عن رجال تزوجوا وانصدموا انه

الزواج التاني موزي المتوقع بس اكيد لاتخليها تجي متعمده جيبيها وسط الكلام

واهتمي فيه كــ طفل دليليه واشبعي رغباته وفي نفس الوقت لاتجعلينه شغلك الشغال

وتضيقي عليه الخناق وايضا من خلال الشخصيه الوهميه وضحي له ان البنات الي يتعرفوا

ع الشباب غير جديات وان هالموقع فقط للغزل واكتري من الاستغفار قلبوو بيقين وحسن ظن بالله

وان شاءالله يرجع لك زوجك احسن من قبل ....... موفقه

__________________
للتنبية: ترى المعرف بيني وبين صديقتي فلاتستغربون اختلاف المشاركات

أختي إذا لم يصل إليه السبب الحقيقي خلف تغيرك
فتأكدي أنك لن تصلي لمبتغاك

ثم ماذا يريد من زوجة مسيار؟؟!!.. حتى تحزني وتتألمي كل هذا الحزن والألم
لا يريد أن يخسر لا مهر ولا شقة ولا نفقة
وهذا يعني أن تفكيره بها مؤقت بمعنى لا يريدها زوجة دائمة

وقد يكون من زرع هذه الفكرة في رأسه سخفاء العصر اللذين لو ترفعين حجراً عن الأرض لوجدت واحداً منهم تحته
وهذا أراه دليل على أن لا نقص فيك في عينيه ..

صارحيه بحقيقة مشاعرك إذا أردتي الحفاظ على زوجك وبيتك
وتحفظي تماماً حتى وقت لاحق على ما اكتشفتي حتى تتأكدي من انه فعلاً أخرج الفكرة من رأسه
صارحيه بأنه انتزع من قلبك الثقة به والأمان معه
وأصبحت تتخبطين وتريدين الخلاص من هكذا مشاعر

حمليه مسئولياته الواجبة عليه من الآن فصاعداً
يعينك في تربية الأطفال.. في مصروف خاص بك وعلى قدر إمكانياته المادية حتى تستطيعي شراء ما ينقصك..
وإذا أطفالك منهم من يدرس فعليه ان يساعدك في متابعتهم وتقسمي المواد بينكم..

والتكلان على الله أولاً وآخراً هو نعم المولى ونعم النصير

l
باختي درة الخليج اتصرفاتي غصب عني احس بقهر
وحبيبته الوهميه لم يستمر معي ولم افهم منه شي حاولت ان استدرجه ولاكن كان حريص وقال انتي تسالي اشياء فيما بعد اخبرك بها يقصد بعد النظره الشرعيه .وتركته وسجلت باسم اخر وكلها يكون جاد ومتسرع لايريد تعارف قبل .

ا اخي العقد الفريد مشكور على نصايحك لم استطع ان اواجهه فقط بتلميح وهدفه من زواج المسيار تغيير ومتعه
وعشان مايفتح بيت ثاني .
بس من خلال محادثاتي معه قال لي سوف اعلن اذا حبيتك وشفتك وعرفتك زين .

الله يعين علي الرجاجيل مالهم أمان

__________________

أختي الله ييسر امورك واستمري في طريقك لاتوفرين فلوسه لغيرك
الله يسخره لك

__________________

والله قريت مشكلتك وانقهرت لك بموت الله يصلح حالكم ويسخركم لبعض وأوصيك بالدعاء في أخر الليل ان ربي يسخره لك ويجملك بعينينه ويسترعنك عيوبه ويتسر عنه عيوبك وان شاءالله بتشوفين العجب ولا تنسين ترى التغابي والتغافل تحل بعض من المشاكل وهو مصر ينكر سوي نفسك ما تدرين بس خذي حقك والمصروف من حقك لو كان على خط الفقر على الاقل تقدرين تسوين اللي تبغين بدون مايسألك ليه وحتى بعدين لو تزوج ما تاكلين نفسك انك مقصره على نفسك عشانه واخرتها راح اعطاها غيرك بكل سهوله
وانتظري المشورة من غيري وان شاءالله تجدين حل

استغفرالله العظيم ليش الرجال ينكروو ويلفو ويدورو لمن تمسكيهم على غلط سووه!!

:S من جد جنس غريب في الاغلب

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

اول مافي شئ اسمه زواج مسيار ثاني شئ قولي له لما جيب طاير زواج المسيار شهر مدري سنه لا يلعب ببنات خلق الله لان عنده بنات هذا الزواج والله ما منه الا شهوه وبس واي طفل بيجي عن طريق هذا الزواج بيصير متبهدل في الحياه كثير اباء ينكرون عيالهم من هذا الزواج طالعين لنا بزواجات غريبه كله تحت غطاء شهوة الرجل وعدم تحمل مسئوليه الله يصلح لك زوجك ومدام رايحه الحج انشاء الله ادعي الله يوم عرفه والله يصلح لك زوجك يارب