دكتور انا عندي تكيسات ودورتي منتظمة وكانت حامل قبل كده في شهرين واجهضت وباخد سيدوفاج واسبوسيد وفوليك اسيد واخر دورة ليا بتاريخ 24/10/2011 وواخدة الشهر ده كلوميد وابرة تفجيرية 2امبول 5000 بتاريخ 3/11/2011 مساء ولبوس بروستروجين وحصل أول جماع بعد 24ساعة في يوم 4/11/2011 مساء و 5/11/2011 صباحا و8/11/2011 صباحا وحللت امبارح في اليوم ال 10بعد الابرة منزلي طلع سالب مع العلم اني عملت متابعة تبويض وطلع لي 7 بويضات في اليوم التامن من الدورة وفي اليوم العاشر طلع لي 5 بويضات ناضجة 3منهم مقاس 18 وواحدة17 وواحدة 16.5 وخدت في اليوم ال 11 الابرة..هل انا حللت بدري ولا لا استني لما يعدي 16 يوم واحلل تاني ولا انا كده مش حامل خلاص..عاوزة اطمن يادكتور وهل انا كده ماشية صح في العلاج..اسفة ع ازعاجك

العلاج كويس وان كان ممكن تناقشي السيدوفاج مع طبيبك قد لاتكوني في حاجة إليه

التحليل بعد اليوم ال 16 علشان لو كان حصل حمل يكون مستوى هرمون الحمل كافي للقياس قيسي في الوقت المناسب

__________________

شكرا يادكتور علي ردك بس انا اعرف ان السيدوفاج بيعالج التكيسات وبيخسس لاني وزني زايد وعندي تكيسات فهل في بديل للسيدوفاج من وجهة نظرك الطبية خصوصا ان دورتي منتظمة الحمد الله ..

السيدوفاج بيعالج متلازمة تكيس المبايض مش تكيسات المبايض لمعرفة الفارق شوفي الفيديو في توقيعي

السيدوفاج لا يستعمل لخرض خفض الوزن بالرغم من انه فعلا بينزله بس مع الموازنة بمشاكله مايستاهلش المخاطرة

__________________

هل يمكن ان يكون بعد المنشطات والابرة التفجيرية 5بويضات ناضجة ومايحصل حمل طبعا ارادة ربنا فوق كل شئ بس ماهو السبب العلمي اذا ماحصل حمل في هذه الحالة ؟؟

وانا فعلا يادكتور اعاني من متلازمة تكيس المبايض بسيط علي احدي المبايض ودورتي منظمة وتبويضي ممتاز الحمد الله..

مش كل البويضات دي بيحصلها تبويض وتنزل وفي النهاية لازم الحيوانات المنوية تكون كويسة وتوصل للأنابيب بدون مشاكل وتلاقي البويض لسه موجودة هناك علشان يحصل التبويض

زي ماانت شايفة في عوامل كتير جدا

مافيش حاجة اسمها متلازمة تكيس المبايض بسيطة دي
المتلازمة لها شروط للتشخيص وعلشان كده اقترحت على حضرتك تشوفي الفيديو

__________________

دكتور انا البريود جتلي في اليوم 15 من الابرة والدكتور قالي اعمل اشعة بالصبغة لاني مينفعش اخد كلوميد شهرين ورا بعض مع العلم ان في ناس بتقولي ان الكورس بيتاخد 3 شهور وتوقفي ..مافائدة اشعة الصبغةة بالنسبة لي مع العلم ان تحاليلي جوزي سليمة جدا ..وسمعت ان في ناس بتحمل بعدها ما السبب في ذلك ؟؟

لا عادي لو خدتي منشطات في شهور ورا بعضها

أشعة الصبغة للتأكد من سلامة الأنابيب

__________________