بنات انا تزوجت مده 8اشهر وطبعا بعدين علقني فتره بعدين طلقني على الرغم من حبي له الحين لي سنه و9اشهر مطلقه ومو قادره انساه طبعا هو تزوج على طول نفسي اعرف مده 8اشهر كافيه ليقول انه مافهمني ومعقول محبني والله ماني قادره انساه على من اني احسه سعيد بحياته يعني هو ماحبني لمن كنت معاه كنت اقول له تحبني كان يسكت ا و يقول بعدين هل انا مافهمته انا قاعده الوم في نفسي لحبي له لاتقولوا فاضيه انا اشتغل بس قريباته يقولوا انه هوا واهله يعاملوا زوجته غير عني انا كل شي ماكان يعجبهم ابد بالمناسبه هل الرجل لمن يتخن بعد الزواج يكون مبسوط مع زوجته
كلامي مو مرتب من كثر الطفش اللي فيا انا اتعذب وهو مبسوط ولا داري فيا معقول مايفتكرني على الرغم من انه كان يقول عني طيبه والله ملخبطه كاني امس تطلقت من بعد ماكنت اضحك تغيرت بالمره اكابر اني سعيده والبس واكشخ وانا حزينه عادي بنات انصحوني حتى لو بكلام قاسي ابي اصحى
دعواتكمممم

من عافك عافيه
من كرهك أكرهيه
لا تفكرين في أحد مايستاهل دمعتك
هل تزوجك عن حب
يعني هل كان يريد أحد غيرك قبل ما يجيك ويخطبك
هل عدم محبته لك منه أومن أهله

طلقك كذا بدون سبب؟
و يا اختي لا تتبعين اخبارة راح تتعبين انسي و ان شاء الله ربي بيعوضك بأحسن منه

__________________

أغيب و ذو اللطائف لا يغيب - نشيد لأصحاب الهُموم -
http://www.youtube.com/watch?v=piXtKN5nS3Y

حبيبتي انا مالومك وحاااسه وربي بكل حرف كتبتيه

انا مريت بنفس تجربتك لكن زياده عليها انا عشت معاه خمس سنين وكنت اقرب له من انفاسه
سويت له الي كل شي يتمناه ويحلم فيه والله اني تنازلت عن اشياء كثيره
اقلها كرامتي .. ايه كرامتي تنازلت عنها كان يضربني ويشتمني وياخذ فلوسي وقت ماايلقى معاي شي
ويسوي هالشيي وهو بكل قوته وكبريائه يعني مايقول بخاطره لآحرام مسكينه ...)

وكنت اصبر واسكت عششان حبيته وحبيت كل شي فيه كنت اقول هذا زوجي الين اخر لحظه بحياتب
صار هو كل شي بالنسبه لي ..

جآته فتره يقول اذا تبغين احبك من قلب ابغاك تتبرين من اهلك كلهم
ابغاك تقاطعينهم ولا تكلمين اي احد فيهم
وش كان قصده من هالطلب ..؟؟

كان يقصد مثل وضعي الحين اذا طلقني الا انا مالقى احد يستقبلني واقعد في ذل وحقاره
يعني تفكيره كله انتقام وكره وغدر لي ومع ذلك احبــه واقول مصيره يحبني
لكن الحمد لله اني ماطعته ولا تركت اهلي
بالعكس زادت علاقتي الحين فيهم اكثر

.. يعني انا عطيتك نبذه عن وضعي وشوفي مواضيعي هنا بالقسم واقري معاناتي
شوفيه تزوج بعد طلاقه لي بفتره بسيطه ماتتعدى شهر

والله اني ادعي عليه الييل والنهار تدرين ليه ..!!

لآنه كسرني وقهرني وعلى قد ماعشت معاه على الحلوه والمره نسسى هالشي
اعتبرني شي وخلاص انتهت صلاحيته

تزوج وحده افضل مني بكل شي موظفه جميله جدا والي ااسمع عنها انها طيبه جدا وخلوقه

يعني انسان ظآلم وفوق هذا مشوه سمعتي هو واهله وماخذ فلوس لي وذهبي
وينكر ان لي شي عنده
واشياء لو اقولها من هنا لبكره ماتصدقين ..

بين فتره والثانيه احس ان قلبي يشتعل نار من القهر لما اتذكره واقول عايش حياته ومبسوط
وانا دمر حياتي وخلاني اكره نفسي واكره كل لحظه عاشرته فيها بالمعروف


آآآهـ بس ياختي اصبري اصبري والله يعوضني ويعوضك بالي يقدرونا

طمنيني عليك ياقلبي .

__________________
سبحان الله وبحمده

شكرا لكل اللي ردوا
بس مالنا غير الصبر وحرقه القلب حتى انا اخذ ذهبي للاسف الرجال حقودين مايحسوا مثل المراه وعلى قد مايعملوا مانكرههم

من روائع ريم المطلق ..( بتصرف ) ..
اخطاء من تحب - او من كنت تحبه -كبيره في حقك ..!
اكتبها في ورقه او حتى وراق ..
كورها اركلها سبعين مره تلو المره ..
ارايت انها تبتعد ... تصغر تتضاءل حتى لايبقى منها شئ..

مالفائده المرجوه من تذكرك اياه ..؟
والانغماس في الاحزان ..؟
والله انت ِ الخسرانه ..
لاتقعدي تجلدي نفسك . ليش طلقني .. ليش ماحبني
ليش ماحبوني ..؟
الامر قضي وانتهى ..
مافي وحده ماتجيها لحظات وتتذكر لكن الفرق بين اللي ماتسمح
للذكرى تتعدى اكثر من لحظات وبين اللي تنغمس في الذكريات
وتاثر عليها ..!
ياحبيبتي استمتعي بماعندك .. تصنعي لنفسك السعاده ابحثي عنها
اسمحي لها ان تدخل حياتك واطردي الحزن ..
من باعك بيعيه ولو كان غالي ..
عزي نفسك قدريها .. اسعديها .. دلليها ..
البعض من الرجال تقديره للمراه من تقديرها لنفسها ..
ترخصي نفسك يرخصك ..
تفكري فيه وهو عايش حياته ..؟
عيشي حياتك مثل ماهو عايش حياته ماله فيك ومالك فيه ..
باختصار حبي نفسك واسعديها ..
وادعي ربك ينسيك اياه ويرزقك باللي يستاهلك .

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

تفضلي

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

انا حسيت من موضوعك ان الطلاق مهو لعيب فيك لكن مافيه توافق روحي بينكم
ويمكن انعدمت الموده والرحمه ؟؟؟؟؟؟؟
الطلاق اقرب حل ؟؟
الحب هذي مشكلتنا يا الحريم نحب بسرعه ونطلب من ازواجنا يبادلونا نفس الشعور غصب
قلوبنا مرهفه ؟؟؟ صدقيني اذا تزوجتي غيره حبيتيه وقلتي كيف كنت احب طليقي
فكي عن نفسك ودلعيها ترى الدنيا فانيه
كم بقا من اعمارنا ....حققي لنفسك العلم والرفعه والسمعه الطيبه
وتركي الباقي على الخالق
انا كنت مثلك احب طليقي واقول بيرجع الحين ما احب الا نفسي وبنتي خساره اعطيه الاهتمام والتفكير واحزن عشانه
ربي ما خلقني عشانه بس ؟؟؟؟
اختى مقتضى الرضى بالقضاء والقدر جل التسليم والأستسلام والأنقياد والطاعه ونقف عندها
مانقول رضينا بس ليش صار كذا ؟؟؟؟ومتى يرجع ؟؟؟؟ هذا مهو رضى نلعب على انفسنا او نلعب على خالقنا ؟؟؟
الله وحده يعلم الصالح لعباده ما راح نكون اعلم من ربنا بصالح لنا
والله ثم والله اني مازلت اقول الي الأن بعد طلاقي بخمس سنوات ان طلاقي خير ..وانا حاسه في كذا
كل ماحزنت عليه احس شي داخلي يقول والله ان طلاقك خير انت اصبري وراح تتأكدين من ذلك والفرج قادم

__________________

بعد اذن صاحبة الموضوع ..،

،

سبحان الله هالكلام كنت افكر فيه قبل فتره بعض المطلقات يصل بها الحسد والغيره من الزوجه الجديده
انها تحاول الرجوع لطليقها وقد تصر على ذلك وتحاول مئة مره .. بحجة الاطفال ..؟
سبحان الله ماحست بالحب ولا باهمية وجود ابوهم الا يوم اعرس
غيرتها وحسدها تجاوز كرامتها وعقلها ..
ان كتب لي ربي نصيب وجاني مطلق ..
ابي اتاكد اول زوجته تزوجت ولالا .. وان كانت باقي ماتزوجت بتشرط بالعقد مايرجعها

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

كلام من درر اشكرك والله يسعدك دنيا واخره

__________________