السلام عليكم ورحمه الله وبركاته
دكتور جزاك الله كل الخير
والله يا دكتور انني لا ابالغ في العنوان الموجود
اريد مساعدتك من فضلك انني استنجد بك
لا اريد ان اطيل عليك ولكن مشكلتي عويصه وهي كالتالي

انني متزوجه من سنه ونصف ولا وجود لاطفال لدي وعمري 25 سنه
ولدت بتشوه خلقي في الرحم والمهبل حيث كشفت عمليه المنظار وانا في سن 14 عاما ان لدي رحما طفوليا وصغير جدا واعطي قياسا وهو 1ونصف وبعضهم اعطى 2 فقط
اما المهبل فهوا مسدود كليا
المبيضان سليمان تمام وحجمهما جيدين وكافه الصفات والملامح الانثويه موجوده وبوضوووح

زوجي يعلم بكل هذا الامر وقبل الزواج قد تقرر اجراء عمليه زراعه للمهبل من قبل فريق طبي كندي كان قد اتى للبلاد عندنا
قامو بقص جزءا من القولون ووضعه ممكان المهبل مع زراعه الشرايين ايضا
ولله الحمدوالشكر العمليه نجحت رغم صعوبتها وخطورتها الا انها ممتازه والحمدلله فهو كالطبيعي من ناحيه الشكل والاحساس عفوا على الشرح
لا اعاني من اي مشكلات ابدا وتم اجراءا كافه فحوصات لي للكليه وكل ذلك سليم
هرمون الاف اس اتش هو هابط قليلا قيلا كما قيل لي او عالحااافه

منذ ان اكتشفنا المشكله وحتى الان لم اخد اي علاجات سوى البروجيلينون اي السيكلوبروجينوفا بشكل غير منتظم بعض الاحيان

ولا فاااائده على الاطلاق
كنت اتوقع مؤخرا بعد اعلميه ان تنزل دورة عالاقل من هذا الدواء الا انني اكتشفت ان المهبل المزروع غير مفتوح على عنق الرحم الموجود لذلك لا وجود لدورة رغم وجود مغص في بعض الاشهر اسفل البطن

تم ارسال اوراقي للخارج في جهوريه مصر
وقال لي طبيب فرنسي انه بالامكان علاج حالتي عن طريق الابر وحبوب الهرمونات ولكن الموضوع يحتاج وقت طويل
وعندما نجد استجابه الرحم للدواء بامكان الطبيب اجراء عمليه فتح المهبل على عنق الرحم
وانا الان ساسافر لاستوضح هذا الامر رغم قله املي ولكن املي بالله كبير
كما ان السيكلو الذي اخده هوا معيار 2 ملي غرام من الحبه البيضاء اي الاستراديول و2 ملي من الحبه البني
واكتشفت ايضا ان الطبيب قد وصف لي السيكلو المصري والذي تركبيته مختلفه وهو 12 ملي غرام في الحبه البيضا الاستراديول ونصف ملي في الحبه البنيه وايضا لم انتبه لهذا الامر مؤخرا الا بعد 12 سنه

دكتور الرجوك والله انني اقرأ درودك عالمرضى وارتحت كثيرا شير عليا بما افعل باقي لسفري اسبوع
هل بالامكان فعلا علاجي اليس هناك امل في كبر الرحم قليلا
انني اتطوق اان اكون اما والله هذا حلمي رغم علمي بمشكلتي
سادعو لك بظهر الغيب اعطي لي املا واحدا
ماذا افعل هل يعقل كلام هذا الطبيب
ما تنصحني
منتظره ردك بفارغ الصبر
شكرا

دكتور وينك والله بستنااااااااااااااك

اعتذر على التأخير كان عندي شغل كتير ولحد دلوقت مانمتش والله

شوفي كل الكلام ده كويس بس انا عندي ليكي أسئلة علشان في حاجات مش فاهمها

انت دلوقت بتاخد كل الحبوب اللي فيها استروجين بقالك قد ايه؟
واخر قياس للرحم في السونار كان كام؟

انت ماعملتيش تحاليل هرمونات غير FSH ؟

من كلامك واضح ان الجراح اللي عملك العملية كان مقصود بيها استرجاع الوظيفة الجنسية فقط مش الحمل خالص وحتى شايف ان مش هاتنزل دورات اكيد هو اعتمد على تقارير قدامه
ده سبب سؤالي عن العلاج الهرموني وتغير حجم الرحم


عندك نسخة إلكترونية لحالتك ممكن تبعتيهالي ؟

__________________

انا بقالي باخد الدوا دا حوالي 5 سنوات
وبيقلولي لما اروح افحص ان مفيش امل تحملي لانو صغير مش بيعطوني مقياس
الاف اس اتش عندي 9.4
والال اتش11.9
هي دي هرموناتي
من فضلك يا دكتور الهرمونات دي معناها ايه؟؟
والسؤال الاهم هوا فعلا ممكن لو خدت الدوا دا او اي دوا او ابر مثلا ممكن يحسن الحاله عندي ؟؟
وفي سؤال كمان لو كبر الرحم شويه هو اممكن يفتحولي عنق الرحم عالمهبل ولا ايه؟؟؟

حالتي النفسيه صعبه جداااا وحاليا وقفت الدوا لغايه لما اسافر واشوف حيعطوني ايه
هما اعطوني امل كبير بس خايفه ابني عالامل دا حاجات وارجع اتعب تاني
الدكتور بيقول ان ممكن نعمل العمليه لو الرحم كبر او استجاب عالاقل بس دي عمليه صعبه وحتاجه تقنيات واسعه
اعمل ايه يا دكتور
لو الرحم تغير مقاسو عن المقياس اللي ادتهولك كان ممكن قلولي لكن مقلوش جايز علشان الجرعات اللي بخدها ضعيفه او مفيش التزام او عايزة حاجه اقوى من كده

انا بشكرك علشان رديت عليااااا من فضلك جوايا اسئله كتيره معلش تحملني علشان اوصل لنتيجه
انا نفسي احمل والله واجيب لو عيل واحد بسسسسس

معملتش تحاليل تانيه الا دول وعملت هرمون الحليب ودا كلو مفيش مشكله بيه خالص
انا مكنتش اقدر اقيس حاجه بالسونار لان المهبل كان مغلق تماما
بقالي عامله العمليات دي من سنتين ونص تقريبا بعدها معملتش اي تصوير للرحم بالسونار بس بامكاني ارسالك التقاير بتاعتي عالايميل و عندك اي ايميل

الكلام ده غريب لان اول حاجة بنعملها بندي جرعات هرمونية ونشوف الرحم هايستجيب والا لأ
شوفي علشان نكون واضحين مع بعض وده اقصر الطرق لو الرحم مااستجابش وده غالبا بما ان المبايض عندك كويسة مشكلة في مستقبلات الهرمونات فيه يبقى مافيش داعي نعمل حاجة
علشان كده انا بسألك ببساطة انتي خدتي هرمونات والا لأ ولو لأ ماخدتيهاش ليه بس واضح الإجابة مش عندك واضحة

طيب يمكن التقارير تكون افضل

انا هابعتلك في رسالة خاصة ايميلي ابعتيلي نسخة من التقارير

بالنسبة للعملية فدي سهلة على فكرة احنا بنعملها بأكثر من طريقة بس المشكلة ان الهدف منها مش الحمل وليها عيوب كتير لان القولون بطانته غير مجهزة لحاجة زي دي وبيعمل مشاكل

__________________

دكتور انا الادويه اللي انا اخدتها هي فقققققققط
البروجيتليون ودا كان بدل السيكلو بروجينوفا دا الدواء الوحيد اللي انا استخدمتو منذ بدأ المشكله

وبالنسبه للمهبل الموجود اي القولون فاكيد لو صار حل مش هولد طبيعي عالاقل قيصري ولا تقصد حضرتك مش مجهز للحمل من اي ناحيه

يعني تنصحني حدرتك اني اخد اي علاجات تانيه بما اني مخدتش تقريبا حاجه او جرعات قليله خلال 12 سنه فاتت وبشكل غير منتظم ولا ايه
انا هبعتلك كافه تقريري او عالاقل جزء منها تحكم

القولون مش مكان مناسب للحيوانات المنوية مش هايخلي في حمل

الأدوية دي مش كفاية بس هي الفكرة احنا مش بندي ادوية اصلا لو كان المبايض شغالة كويس

طيب خليني اشوف التقارير الأول
منتظرها انا بعتلك الإيميل فعلا في رسالة خاصة

__________________

دكتور انا بعتلك رساله عالايمي عايزة اشوف بس لو وصلت وان اضافتي للايميل صح ولا ايه
لو وصلت رد عليا باي مسج علشان اقدر ابعتهم

لا ماوصلنيش اي حاجة يا فندم

هاكتبلك ايميلين خاصين بي واحد شخصي والتاني للعمل مرة تانية
dr.ahmed.hma@**********
tabeebonline.root@**********

__________________