السلام عليكم
احس قطار الزواج(اكره من سماه قطار) فاتني او بيفوتني او اصلا ماعنده نيه يوقف عندي ماقد احد تقدم لي او حتى جاب طاري او لمح او اي شي اشوف البنات حواليني على الاقل يخطبها 2 او 3 بالسنه وانا ولامره
مليت من كثر التفكير بالموضوع
انا ابغا الزواج ابغا اعف نفسي بالحلال ابغا اكون اسره ابغا بيبي ابغا زوج يفهمني ويحتويني ويصير سند لي ابغا بيت خاص فيني انا اكون مسؤله عن كل قراراتي... عمري 24 مادري افقد الامل من نفسي يعني؟

لا تستعجلين على رزقك
بيجيك بإذن الله نصيبك

__________________
live nice

يآآآآآه يآ ‏sona2010
على هـ الكلآم .. توقعت عمرج وصل الـ 30 ..
توّ النآس عليج يآلغآلية ..
العمر جدآمج إن شآء الله , و رزقج بإييي لج إن شآء الله ..

__________________

ليتكـ بوسط الحضن سآكن و مدفون .. و ليت اللحد صدري و لو فوقه ترآب .

أختي صديقة أختي خطبها حول 30 واحد وتحلف انها ماتبالغ يعني تتخطب في الاخر تزوجت في عمر كبير
وتزوجت واحد أستغفر الله يعني خفيف عقل
ووحده ثانيه وهاذي تقرب لي مانخطبت ولا مره إلا في عمر 26 وألحين ماشاءالله لاقوه إلا بالله

حبيبتي لاتستعجلين علي رزقك وأدعي الله يوفقك في الرجال الصالح

وهالقسم أكبر دليل مو أهم شي تتخطبين ولاتتزوجين إلا الرجال الصالح إلي يحبك ويخاف عليك

عزيزتي رزقك مكتوب وأنتي في بطن أمك
ومايرد القضاء إلا الدعاء وسبحان الله ممكن الوحده مكتوب لها تموت ماتزوجت
مو شرط كل البنات تتزوج
لكن الإنسان يعرف أنه خلق لغايه وأهي عبادة الله
وإن شاءالله أنتي توك صغيره وبيجيك رزقك أهم شي أهتمي بنفسك وتركزي في كل محل

,’

ولا أوصيك في العروس كسري المنصه رقص وشرط يجون نمل عند بابكم
شوفي عندك العجوزات يخقون علي الدبدوبه والشعر الطويل وبياض يخلونك الصاروخ

أول يوم كنت دبه شوي مو مره بس يعني دبدوبه لكن نحفت الحمد الله وكان شعري طويل
المهم مالك في الطويله كنت محبوبه العجزان يوووه وناسه لين شافوك يذكرون الله ويتفلون ألحين خلاص طلعت عندهم شينه عشاني نحفت وقصيت شعري ماعاد يحبوني

بس من عندنا طولي كشتك واستشوريها وخلك دبدوبه ويخطبونك لعيالهم والبنت تطيح الطير من زينها

الله يرزقك بالزوج الصالح

__________________

أسأل الله أن يرزقك الزوج الصالح يارب

__________________

عليكم السلام والرحمه،،

لا مافاتك بس انتي خلي املك بالله وبس والله يحقق لك مرادك عاجل غير اجل،،

موفقه يارب.

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

توك صغيره

ما تقولين هالكلام الا لما تتعدين الـ 30

__________________
استغفر الله الذي لا إله إلا هو الحي القيوم وأتوب إليه

ليش مستعجلة ؟؟

لا تحسبي الزواج جنة , الزواج عبودية مطلقة للزوج ,
اذا نام زعلان عليك لعنتك الملائكة حتى تصبحين
واذا خرجتي بدون اذنه لعنتك حتى تعودين
واذا خالفتي امره يحق له ضربك ..
واذا طلبتي الطلاق حرام عليك رائحة الجنة ..

-يا حلو الأحلام ..
تهبل أحلامك .. اللـه عجبتني كثير .. بالله ليش أحلامنا نفس بعض !!
لكن يارب إن شاء تتحقق كلها .. وتقولين يازين العزوبية ..
- بالذات لما يجوك الأطفال .. وآآي .. لوية ..
-يعني إنتي الحين استمتعي بعزوبيتك ونامي زي ماتحبين وخلي كشتك طايرة كم يوم .. استمتعي أقوى شي ..
والرجل بيجيك قريب يامال الغنيمة ..
ما أقول لا تحلمي .. الا احلمي أبسط حقوقك ياعمري ..
بس طنشي موضوع الزواج الحين .. وفليها يمكن أيامك بالعزوبية معدودة وإنتي جالسة تضيعينها ..

-وبخصوص الخطاب .. أحس سنك توه مابدا عشان يتقدموا لك الخطاب .. يعني قبل كنتي مرة صغيرة .. والحين الله الله بالتكشخ والترزز بكل مكان ..
ههههههههههههه ..
-لكن تصدقين : بناتنا عندهم بعبع اسمه العنوسة .. وعمر محدد لين حسوا إنهم قربوا منه بدوا يقلقون ..
.. أحب أقولك : ترى ماتوا اللي يقولون عنوسة ومدري إيش ..

-وإذا عالناس .. مالك ومال الناس ..
خليهم يتكلموا .. بالنهاية إنتي الكسبانة .. بتجيك أعمال صالحة زي الجبال بإذن الله ..
بس وسعي صدرك بقوووة .. ولا تقارني حالك بأي إنسان لأنك إنتي إنسانة مستقلة بنفسك ولك حياتك ومصيرك اللي مايشابه مصير أحد من البنات اللي حولك ..

-اعلمي أن الزواج وعدمه حظ ونعمة من الله يهبها من يشاء من عباده ..
+ وباريحك : إنتي بتتزوجين قريب إن شاء الله ..
بس لو غيرتي شوية من أحوالك ..

هل نظرتي في نفسك ياحبيبتي .. وحالك مع الله .. حاولي تحسنين علاقتك بربك .. ولما تحسي برغبة لسرد الـأحلام .. ابد وانتي بفراشك ارفعي كفوفك الصغيرة .. وادعي .. سولفي وفضفضي على ربك .. قولي له عن أحلامك هذي ..

- وأبشرك ترى هالقطار مثل قطار الملاهي .. يلف ويلف ويبعد عنا بعيييييييييييييد بعدين شويه ويوقف عندنا عشان نركب :14:.. شوفي اللي تكلمك بنت مابينها وبينك كثير وتزوجت في مثل سنك ..
وتراها مطلقة .. ومع ذلك عندها أمل إن هالقطار اللي قطها لما تكسرت .. بيرجع ويشيلها ..
هههههههههههههه !!
وش عندنا بعد غير العرس .. مصيرنا معرسات .. بإذن الله ..
بس إنتي اسعي .. يعني عطي رقمك لخطابة موثوقة .. الحين ماعاد فيه زواج الا بالخطابات .. !!
ترى ما فيها شي .. كانك مستعجلة يالغلى ..

يالله موفقة .. وعقبال ماتجين تقولين .. باركوا لي
تفضلي ..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

اختي sona2010
اذا انت 24سنة وتقولي فاتك القطار وتفقدي الامل
اذن ماذا اقول عن نقسي عمري 37 سنة اقول لا امل في الزواج ؟ وخلاص ماراح اتزوج ابدا؟
حبيبتي خلي املك بالله سبحانة وتعالى والزواج رزق وتاكدي ان اي انسان مايموت الا ومستوفي رزقة الي كتبه الله له
حبيبتي داومي على الاستغفار وستري عجباً وتوفيقاً في حياتك
ولاتنسينا من دعواتك