السلام عليكم ورحمة الله وبركاته

انا متزوجه من خمسة اشهر والحين مطلقه طلقه واحده وفي بيت اهلي اتمنى تقروا مشكلتي محتاجة ناس محايدة وراح اخبركم عن شخصية زوجي اول ..

هو شمالي غربي .. انسان عصبي جدا كل شي في حياته مزح غير متحمل للمسؤوليه عنده نقص في الثقه يحب يثبت انه صح وانه يعرف كل شي وشايف نفسه فوق السحاب عنيييييييد بخيل على زوجته بس مبذر على نفسة يزعل بسرعه ومن الهوا احيانا لكن يسامح بعد5 دقايق اذا كانت السالفه ماتستاهل لكن اذا شي يستاهل يردد هذا الكلام دايما ..
1- انتي غبية وانا ماابغاك وباتصل على اخوك يجي وياخذك وروحي بيت اهلك ..
2- يسبني بكلام زي السم انتي ماتسوين وانتي فيك وفيك وفيك ويضربني مو كف طبعا ضرب من قلب وتشويت وخلافة ..[/COLOR]

اما انا :
عنيده بس اضعف قدامه وتعودت في حياتي اعتمد على نفسي يعني شخصيتي قويه ورومنسيه لابعد الحدود واقدر الهدايا واذا حبيت احد اتعلق فيه بالشكل السيء واعتبر كل تصرفاته صح احب اخذ واعطي واناقش احب المزح والضحك

في الملكة :
كان انسان سليم بداية الملكة واثناء دراسته في الخارج جاه اكتئاب وهلع وبدأ يتعاج وانا كنت على علم بهذا الشي وكان صريح معايه قبل الزواج في انو كان عنده علاقات قبل الزواج وانه انتهى من كل شي قبل سنه من الملكة وانه يبي يتزوج ويستقر وكذا.. كان يحب وحدة لمده 5 سنوات ويطلعوا مع بعض ويسافروا وتصرف عليه وكان يقولي انه نضج وتعب من هذي السخافات وانه يتحمل مسؤوليه كل شي ....
ملكتنا 7 اشهر وكان فيها 3 اشهر يدرس يعني جلس في السعودية 4 اشهر زارني في فترة الملكة كامله 3 مرات اهداني فيها جوال والمرتين الباقيه دخل ويده فاضيه >ورده ع الاقل ..

في الزواج :
يوم الزواج تعب قبل مايحضر القاعه اتصلت عليه اتفاهم معاه ع القاتوة وخاصمني وقفل وانا عروس لسى واللي جاب العشى وكذا اهلي وفي اليوم الثاني تعب وجاو اهله واليوم الثالث نفس القصة ..
من اليوم الرابع للزواج وهو يردد الكلمة (اذا ماحملتي باتزوج عليك ) على اساس انه يمزح واستمر هذا المزح لمدة شهر واسبوعين .سافرنا وسكنا في غرفه ببيت اهله مع اني كنت مشترطة شقه بس قال لي انه بيكمل بعثته وكلها اسبوعين ونسافر فكان الوضع عادي عندي بعد اسبوعين من الزواج حصلت حالة وفاه في العائله ورجعنا لمدينة اهلي.. ماما خبرته انه يجي ينام في بيت اهلي وهوا ولدها المهم جلسنا في بيت اهلي 3 اسابيع بعدها رجعنا بيت اهله وجاء العيد اخذ عيديتي اللي عطاني اياها ابوه وعايد فيها امه واخواته قلت عادي انت متزوج ولازم تعايدهم مافي مشكله ..
طبعا مر العيد بدون لاكلمة كل عام وانتي بخير ولا هديه بعدها بيومين حصل بيننا اول مشكلة كبيرة وتدخل ابوه وحلها وبعد يومين منها حصلت ثاني مشكله قال لي كلام جارح ورديت عليه وضل يتكلم ويسب فيني ويجرح وانا ماتحملت رديت عليه لحد ماطفشت اخذت جوالي ورحت المجلس ولحقني وضربني ضرب لف راسي وقسم بالله ويقول والله لاربيكي واعرفك من أنا تدخلوا اهله واعتذر لي ومشيتها وماقولت لاهلي اي شي ماحبيت المشكله تكبر ..
مشت حياتنا في مشاكل دايمة بين اللي اقوله انا واللي يفهمه هو وتحصل مهاوشات وسب وضرب (ضربني 4 مرات في 5 اشهر )وكذا لحد مابديت اشك انه متزوجني غصب عنه او انه يبي مشكله يطلقني ويتزوج اللي كان يحبها !!
بديت رحلة الشك وفتحت جواله وهوا يحسب اني مااعرف الباسوورد تبع الجوال لقيت رسايل من حبيبته ووقت ارسالها قبل 3 اشهر من زواجنا وكان رده عليها انه يحبها ومايقدر يعيش الحياه بدونها وبتبقى دايم في قلبه ماجبت سيرة له وكملت التفتيش لقيت رسايل من واحده تقول عسى الهدية اعجبتك واذا تبي هدايا زي **** و كذا بازبطها لك وكلام كثير انتهى بقوله ان القيم اوفر ياحلوة
ورسايل سب من بنات فيها كلام يشيب الراس سب بكلام انحولت وانا اقراه وردوده لها ماتتصدق
في يوم قال بنسافر برا المملكة ونجلس اسبوع نغير جو قلت اوكي وسافرنا طوال الطريق وهو يتصل على وحده فيهم و لما وصلنا فتحت جواله لقيته مرسل لكم بنت (انا مسافر بارجع قريب ) ومسجلهم باسماء اولاد .. انا من الغباء والقهر قلت يمكن انهم اولاد ولازم احسن الظن بالله وكذا واخذت رقم واحد منهم واتصل عليه رد علي بنت قالت الو لما قلت الو اعطته السواق قلت اني غلطانه وققلت ونسيت امسح الرقم من جوالي هوا انفصلت الخدمه من جواله وصار يستخدم جوالي في ليل ذاك اليوم شاف الرقم في جوالي وجاء يخاصم وكيف وصل الرقم عندك وهو رقم واحد من اصحابي قلت مادري رقم اتصل علي ورجعت اتصلت وقال من رد قلت هندي ارتااااح وجلس دقيقتين قال انا غلطان الرقم في الوسط غلط مو نفس اللي عندي ..
انا كملت عادي ولا كان شي صار طبعا ماقدر يتحمل يكون جواله مقفل قال احنا لازم نرجع اهلي يحتاجوني فيا دوب جلسنا يومين ورجعنا .. بعدها بفترة حلفته ع المصحف انه مافيه بينه وبين اي بنت اي علاقه وحلف قلت خلاص بيني وبينك الله .. وقال انتي تشكي فيني والله لاخليكي تكرهي حياتك بعدها اخذني وقال ان الرقم لواحد من البنات وان البنات يبونه وهو رافض واني لازم اوثق فيه واني ماني فاهمه شي قلت غير رقم جوالك على كذا قال بااشوف
بعدها فتحت جواله لقيت رسايل حب وغرام وكذا اخذت جواله وواجهته قال اني اطقطق واتونس تعرفين اني مااحب الا انتي وخرابيط كذا انا بعدها خلاص تجننت وقلت انت بتتونس انا كمان باتونس ..
بعدها بكم يوم دخلت برنامج محادثات مثل الشات الا واحد يسبني وكذا رحت عنده ووريته قالي انتي تربية شوارع واهلك مايدرو ايش تعملي من وراهم لكن اتصلي على اخوك يجي ياخذك
قلت له عرفت شعوري الحين انتا طقطقت وانا طقطقت كمان .. بعدها ضربني وسبني وسبيته بالاشياء اللي اكتشفتها من وراه لما حس انه انكشف خلاص طلقني و كلمت اهلي واخذوني من البيت ..
ليا اسبوعين وانا في بيت اهلي ماسال طبعا ..

الاشياء اللي اكتشفتها وانا ادور وراه :
البنت اللي يحبها ارسلت عليه ناس تضربو لما تركها واثر هذي الضربه لسى موجود لانو في مكان حساس + كان يكلم بنات كثير حتى وهو يحب ذي البنت + له صور مع بنات + سبب زواجه الرئيسي الاطفال ..

اشياء لازم تعرفوها :
طوال فترة زواجي كانو اهلي يصرفون علي لاني اذا طلبت منه شي قال ماعندي ولازم تقدري + بعد ماضربني اول مرة ماصرت اتكلم معاه الا اذا فتح سالفه عشان مااعصبه + لو اموت من الالم مايوديني المستشفى لانو يقول اني اتوهم ومافيني شي فاتصل على اخواني يسافرون ويوصلوني + انا اعيش في بيت اهله يعني مااقدر اخذ راحتي بالبس عشان عمي موجود + كان هو اول انسان في حياتي + ماعندي اب (يتيمه) واهلي مو معاي في نفس المدينه فدايم يستقوي علي + حاولت اجذبه بالهدايا والاسلوب لكن الهدايا كان يرميها مايستخدمها والاسلوب القى منه الصد والنقد (اذا قلت ياحبيبي او تدلعت عليه قال مو لايق عليك + اذا كلمته باسلوب عادي قال متزوج رجال ) + مشاكلي وهمومي وافكاري احتفظ فيها لنفسي لاني اذا قلت اي شي يهاوشني او ينتقدني ويحطمني يعني صرت اعيش مع نفسي +حاولت اجرب الحركات الرومنسيه والاهتمام فيه مالقيت اي مقابل + مايبتسم ويضحك لي الا وقت النوم ..


يعني لاكرم ولا اسلوب ولا اخلاق ولا اهتمام ولا بيت ولا سفر ولا رجل... اهلي رافضين اني ارجع وانا مترددة ..دلوني

عليكم السلام ورحمة الله وبركاته

بصراحه تعبت نفسيتي وأنا اقرا مشاكله وحياتك معاه

وماني لاقيه حسنه واحده تشفع له

وماأدري ايش اللي يخليك تفكرين بالرجوع !!

والحمد لله أنه لم يكن فيه حمل والفرار الآن افضل من بعدين

والله يكتب لك ويختار لك الخير

__________________
أشتقت لكم جداً 💔

افكر بالرجوع لسببين ..
خايفه على امي من كلام الناس + جزء مني يحبه والصورة اللي رسمها لي في الملكه مادري لسى متمسكه فيها او لاني احس بالذنب واقول انه تعبان وهذا اثر العلاج !

مادري .. مادري

التعب وأثر العلاج يجعله يعرف بنات؟!!!

التعب وأثر العلاج يجعله طويل اللسان طويل اليد؟!!!!

التعب وأثر العلاج يجعله لا يصرف عليكِ ولا حتى يأخذكِ للمستشفى؟!!!


طيب سؤال..

هل ترين منه أية بادرة توحي بأن حاله سينصلح معكِ إن عدتِ؟!!

والسؤال الأهم..

هل عرض عليكِ العودة أساساً؟!!

__________________


اللهم طِيبَ الأثر .. وحُسْنَ الرحيل.

فكري بنفسك اولا و بمادا ستخرجين ادا رجعتي له و ادا كان هو يدور المشاكل على شان الطلاق فربما رجوعك سيهدأ المشكل و لكن لا يحله جدريا و ربما حدث الطلاق مره اخرى و بأطفال
لا تضعي الناس في الحسبان و اعلمي ان الله لا يضيع احد
نتألم كثيرا عندما نسمع ما يحدث (كلام معسول في الملكة و تغير جدري بعد الزواج) الله يهديه و يكتب الخير بينكم
استخيري و استشيري وضعي النقاط على الحروف فقرارك سيكون مصيري

؟؟؟؟؟؟
أخطأت كثيرا في هذه النقطة
الآن انقلب الخطأ عليكِ
مرة اذكر ايام الدراسة ضربتني احدى الطالبات في السكن الداخلي ورديت الضرب طبعاً ولكن عند الادارة لا يعترفوا بمن يقول"البادئ اظلم" قالت لي المديرة بالحرف الواحد:لو لم تضربيها كنا عاقبناها اشد عقاب ورجعنا حقك اما الان فسوف تعاقبين معها
أنت الآن انقلب الخطأ عليك ولو تخبري اي شخص عن مساوئ زوجك اكيد سيقفوا معكِ أما بعد ما تخبريهم عن خطأك هذا وسبب رجوعك لبيت اهلك اكيد سيقولوا الحق عليكِ وارتكبت خطا فادح بقولك اذا تبي تتونس انا بعد بتونس!!ودخلتي شات ايضاً!!!وهل من المعقول الشاب سبك بدون ما تتكلمي معاه؟
برأيي ترجعي لبيت زوجك الآن وتستسمحين منه..وبعدين اذا أخطأ مرة اخرى بحقك خطا كبير لا يغتفر حينها ارجعي لبيت اهلك بكرامتك وانت مرفوعة الراس وليس مطرودة ومخطئة حينها لا يتجرأ احد لمحاسبتك لانه سيكون الحق معكِ فقط عالاقل ستكون نفسيتك مرتاحة ولا تلومي نفسك كثيراً وحينها لا تحتاجي لوضع مشكلتك هنا لانك ستكوني واثقة من نفسك وانك لم تخطئيأكيد ما راح يسأل عنك
كيف تجرأت وقلت مثل هذا الكلام؟
انا حزينة عليك بأنه رغم انه مخطئ من ساسه لراسه بس قلبت الحق عليك بلحظة غضب
والرجال ما يصدقون مثل هذه الفرصة لكي يبدؤوا التهويل من المواضيع وقلب المشكلة على زوجاتهم

كيف تجرات اقول دا الكلام من الضرب والكلام اللي قاله ماقدرت امسك اعصابي

انا راي يوالفق راي ( قوة تركي , ومشكلتي زوجتي)

للعم أختي الكريمه ينقصك الشي الكثير عن طرق معاملة الزوج
اقراءي وتثقفي في المعاشره الزوجية لتنقذي حياتك

ليس صحيح ان تواجهي القوة بالقوة
لماذا لم تستخدمي الحكمه والين .

الضرب لايفعله خيار الازواج كما قال الرسول عليه الصلاة والسلام

أكثري من الدعاء بصلاح الحال
الله يهديك ويهدي زوجك وجميع المسلمين

استخدمت الكلام الحلو قولت لكم ماجاب نتيجه

بس ابغى اقول للي يقول لها ارجعي لاتوهقون بنت الناس ,,,,,,,
حلو نسمع اراء من هنا وهناك

خليه يولي,,,

فديتك يسلموو

الله يكون بعونك

تتوقعين ان هذا الرجال راح ينصلح حاله؟؟؟

وكم سنة يبغي له عشان يتغير؟؟

وهل التغير مضمون ؟؟

هل هذا الرجل بعد اللي عمله فيك يستحق انك تكملي بقية حياتك معه؟؟

هل هذا الرجل يؤتمن على حياتك و حياة ابناءكم في المستقبل؟؟

اسالي نفسك هذه الاسئلة وجاوبي نفسك بشفافية و صراحة تامة

استخيري كثيرا ولا تستعجلي ..خاصة انك ما عندك اطفال تربك فيه

وربي معك

بجاوبك ع العلن
احس يقدر ينصلح اذا اقنع نفسه انه انسان متزوج وخلاص يكفي
مادري يمكن سنه واكثر
مضمون مممممم لا
لا لكن لسى لي مشاعر تجاهه
حياتي انا لا بس حياة ابناءة اكييييييد

لاترجعين له


اللي يحسب المرجلة عند بنات الحرام .. وعند بنات الحلال ماهنا مرجلة
ذا مايستحق حتى تصكين له ابتسامه .. فكيف لو عاد لو ترجعين له

انصحك لوجه الله تتركينه .. وطز في الناس وكلامهم والله لو انه وحي من السماء عشان نخاف منه
خافي ربك في نفسك وفي اهلك واتركيه

فديتك


ليش انت تشوف انه زوجها لاحقها من مكان لمكان يطلب رضاها عليه؟
او حاول حتى يردها؟
برأيك شو السبب؟
لأنها أخطأت بكلامها،وصارت تتوعد اذا بتتونس انا بعد بتونس؟ودخلت الشات؟
وهي تعرف بأن الشات محادثات ظاهرة للكل سواء بنات او شباب
الآن لو ما اعتذرت منه ورجعتله بكل بساطة بيطلقها،واذا سأله اي شخص ليش طلقتها؟بيقول كانت تحادث شباب عالشات؟
هل قرأت القصة كاملة يا اخي؟
يعني حرام يطلقها زوجها رغم كل خرابيطه بسبب تصرفاتها
يجب عليها ان تصبر قليلا حتى تأتي الفرصة المناسبة لتطلق منه وهي من تطلب الطلاق ولا يطلق عمزاجه
انتهزي الفرصة المناسبة يااختي للطلاق وهذه الفرصة غير مناسبة أبداً
عودي لبيتك وبعد ذلك راقبي تصرفاته وتأكدي من محادثاته مع البنات واذا رأيتيه لم ولن يتغير حينها طالبي بالطلاق
ولكن حاذري حاذري من الغضب وزلة اللسان والتصرفات الصبيانية وخلي دائما الحق عليه لأنه شيء طبيعي حيحاسبك عكل شي بعد آخر مشكلة بينكم وراقبي نفسك قبل أن تراقبيه

كلامك سليييم بس صعبه

متردده منجدك ولاتمزحين؟؟؟

يعني تبين ترجعين عشان تتورطين بطفل وبعدها تجين انتي وولدك عند اهلك ...واكيد راح يذلك فيه وياخذ ولدك منك..

والحمدلله انك عرفتي كل شي عنه من طقق الا السلام عليكم....وبصراحه احسن شي انك راقبتيه عشان تتاكدين وتعرفين وش عنده ووش وراه..وعرفتي سواد وجهه..اساسا لو ماكان فيه اشكال زي كذا على وجهه الارض ماكان الله حلل الطلاق..شفتي حكمة ربنا...

كم عمرك؟

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

علاقات وخرابيط وطقطقة وضربه لك ( هذا منه)
عناد وكثر قرقرة ومعاملة بالمثل( هذا منك)

وين انتم عايشين فيه..!!


اللين يا اختي اللييييييييييين
المفروض انسان عنيد ماتعاندينه ابد
مجتمع صار امسخ منه مافي..
علاقات محرمة وشي يشيب له الراس من الخيانات
صار دارج عند الكثيرين مصطلح الخوية
من اول نعرف الغزلنجي من لبسه وختاته وكلامه
الحين ما يجلس بمجلس الواحد الا ويطلع يكلم..!! شي مذهل
مستنقع البنات الساقطات شيء لا يصدق
والمشكلة مثل الثور زوجك يحرصن عليه لانه ما يفضح ويخاف ع سمعته
لازم تعرفين انه لو تركهن لازم يرجعن له ويسحبونه
افهموااااا... في هذا الامر ليس هناك اخبث من النساء الا النساء انفسهن



الحل في نظري
اذا حاول ارجاعك افرضي شروطك بالعقل ولا تفضحين فيه عيب استري اللي شفتيه
وافرضيها امام انسان عاقل وحكم بينك وبينه
اما لو تركك فمثل هذا انسان غير مأسوف عليه بالذات انه عنيد ومايخاف ربه ويعاند في الشر
وانتي اعند منه ولا تعرفين تلينين راسه بالقول اللين والنصح

__________________
ان انت اكرمت الكريم ملكته.. وان انت اكرمت اللئيم تمردَ!!