السلام عليكم ورحمه الله وبركاته

مادري من فين ـأبدا
انا فتاه عمري 21 مخطوبه لي سنه و3 شهور تقريبـآ
بعد ملكتي بشهرين تغير خطيبي علي مايكلمني اجل موعد الزواج هو رـآإح لشيوخ كثير بعضهم قالوـآإ له ان معاك عين والاغلب قالوا سحر
وانا رحت لراقي وقال اني محسوده وهالشيء كان واضح لاني تأثرت برقيه الحسد الحمد لله انا الان تحسنت كثير
هو في بدايه تغيره قال لاخته تخبرني بكل شيء وانا اقرر وانا قلت عادي بنتظره
مرت سنه و3 شهور من غير تطور لحالته تواصلنا فقط مع اخته صراحه اخته كلامها مو مقنع مره تقول وحده تبيه من جماعتنا ويمكن هي الي سحرته ومره تقول هو تخاصم مع الشغاله يعني بكل امانه كلامها مايدخل العقل
وانا قلت لاخوي تفاهم معـآإه وافهم السالفه منه وكانت رده فعل اخوي اهم شيء انتي تعالجي ماعلينا فيه وماراح اكلمه
وكمان لما استشير اهلي يقولون لي براحتك تبي تنتظرين انتظري تبين تفسخين الخطوبه افسخيها وانا في كل الحالتين مرـآإح ارتاااح
اليوم جاء ابو خطيبي وكلم اخوي وقال له ان ولدي تعباان اذا بتنتظرون او كلم ولدي عشان يطلق اختك ؟؟؟؟
صراحه استغربت من كلامه كأنه يبغى الطلاق يجي مني
اذا جيت افكر بالطلاق احس اني بخسر انسان طيب خلوق متدين ماوافقت عليه من بدايه الخطوبه الا انا شايفه هذي الموـآإصفات الي تناسبني وبكون سعيده معه
واذا فكرت بالانتظار اخاف يروح عمري من غير تحسن لعلاقتنا لان مادري هو ملتزم بالعلاج او لا
وكذا مره استخرت بس ماحسيت بشيء نفس حالتي محتاره ولا اعرف اخذ قرار مناسب

كتبت قصتي بأختصار
واتمنى ان ترشدني للقرار الصائب