صبحهم بالكليجا*
كيف حالكم وه وش حلاتي بهالقسم مرتزة
اول موضوع لي هنا وعسا ننتقل لذاك اللي تحتوه 
قولو امين يارب انا وكل بنات المنتدى الطيبات وخصوصا عيوني < هاذي لك 

كانت لي صديقة قصيمية متزوجة ايام ما كنت متزوجة وبعد ما تطلقت انقطعت علاقتنا بسبب بسيط لأني رميت وكسرت الجوال في ذاك البيت انتقاما ل ذاك الزوج وأمام ناظريه وتعبيرا عن اني مابي ششي من هالبيت 
وضاع رقمها ورقم كل البشكة *وماعاد عرفت أخبارها < اطول مقدمة خخخ
الزبدة صديقتي هاذي كانت متزوجة يتيم ابو وعايش لحاله مع امه في البيت وكل خواته متزوجات يزورونهم بالأسبوع مرة
وانواع الشكاوي كل يوم تتصل فيني وتصيح مشاكل لا حصر لها ان كان من العجوز وان كان من اخواته لما يزورونهم يطلعون كل عيوب الدنيا بها وهي كانت مسكينة مرة تعاملهم بطيب لكن مدري ليه ما هضموها هم .*
الزبدة الثانية < ما تعرف تختصر ابدد
خطبني واحد نفس الشي خواته كلبوهن متزوجات والوالدة عايشة معه وانا ع طوووول جت ببالي ذيك الصديقة اللي عانت وخفت بصراحة ، هي امه لمحت عن السكن قالت ان بنتي عايشة مع اهل زوجها ومطبخهم مشترك واني لحالي في الشقة ما غير السبع غرف انا وولدي نتجارى فيها *تعبيرا عن زود الوسع*
وقالت برضو ان بناتنا عادي ما نشرط لهن سكن مستقل يعني افهميها يا قمر بتعيشين معي ومطبخنا واحد
بيني وبينكم ما حبيتها امه وما ارتحت لها بتاتا البتة بس امي وخواتي حبوها يقولون دمها خفيف اي خفيف بالله وهي من الحين تلمح حسيت انها ماني بقايلة
مير الله يستر على خلقه*
الزبدة الاخيرة : اشرايكم في السكن مع ام الاطخم انا احس انها ماش قلبتها في مخي ما زبطت انا ابي بيت لحالي ابي حرية باللبس بالنوم بالطبيخ بالرقص بالازعاج بكلش يعني
وتدرون ام الزوج يمكن ما يعجبها تصرفات يكون الزوج راضي عنها ويشوفها عادي بس هي تقعد تنقد لين تخليه ينتبه لحاجات تافهه*
وانا عني والله من النوع اللي كنت سابقا احب العجايز وريحتهن وحكيهن واتبارك فيهن وادري مدا الاجر اللي من وراهن بس لما تطلقت وصرت ازور جدتي باستمرار كبدي حامت معليش يعني لسانهم طويل ويعصبون واذا زعلت من شي في الظهر تقعد تطالب وتنافخ لين ثاني يوم هاذي جدتي العزيزة الله يعزها ويسامحها اذا زعلت مني ع شي تافه طبعا اروح بيتنا وان جيتها بعد ثلاث ايام تتذكر وهاتك يا هوشة من جديد أش رايكم بالله أخاف اخرج من حفرة لدحديرة بس*
نرجع لللموضوع الاساسي يعني انا اقول لو شقة بجنبي أوكي لكن بنفس البيت صععب وتسمع وتشوف كل شي وانا طبيعتي انسانة مطفوقة شوي ومرجوجة والعجايز ما يعجبهم كذا أخاف كمان ما تحبني من الاصل وتزن عليه لين ما يطلقني خصوصا انه عزابي ما سبق له الزواج وانا مطلقة
ماااااادري عجزت استوعب ارفضه واريح راسي ولا اقبل به وامه اللي ما بلعتها *[/COLOR][/COLOR][/COLOR]

__________________

‏
الوعي هو الملاذ ..

أستغفر الله العظيم ؛
( الفردوس غايتي )