حلمنا تحقق .. لكن..!!
السلام عليكم ورحمة الله وبركاته
من شهرين تمت الملكة ,, وقصتي هي
بداية العقد هو توثيق لمشاعر احسسنا بها من قبل 3 شهور
يعني مرت على كل حكايتي تقريبا 5 شهور
موضوعنا تم بسرعة خيالية ولله الحمد وكله تيسير من رب العالمين
انا وخطيبي نحس مثل الحلم وتحقق حتى الاهل مستغربين كيف صار الامر بهذي السهالات
هو اعترف بحبه وتعلقه وانا كنت معجبة بشخصيته لكن رفضت اني ابادله اي شيء من المشاعر بدون رابط موثق وحلال بينا ورابط العلاقة ( صديقات خطبوهم اصدقاء )
اعتمدت بكل شيء على رب العالمين وماخيبني
خطيبي يدرس برااا وبعد العقد بــ 4 ايام سافر ><
من ليلة الملكة بدا الحركات بشكل قوي وجنوني ( احضان وتبويس ) وانا مثل الصنم ما ابادله اي شيء باااردة بقووة مع ان صديقتي هي متزوجة هيئتني نفسيا وقالت الولد بيسافر وهو مجنون فيك احتمال يصير كذا وكذا لكن ماقدرت اسعده كليا مشاعر خوف صدمة فرح من تحقيق حلمنا بهالسرعة
ماقدرت اتجاوب معااه من اول ليلة
ثاني ليلة كنت هادية اكثر ونص نص تجاوبي معااه
الى رابع ليلة وهي الاخيرة قبل السفر ليلة وداع مامنعته من التبويس والاحضان كنت متجاوبة معااه مابي احرمه وهو بيسافر وانا عارفة مدى عشقه وجنونه وصرت ابادله هالمشاعر ,, لكن في لحظات ابعده عني بالقوة واظل ارجف وصلت لدرجة البكي قدامه وهو يخاف ويبعد عني
سافر وظل بينا مكالمات فقط وانا اغلب الوقت اكون ساكته يترجاني تكلمي لاتسكتين تضيق فيني الدنيا بصمتك ,, وانا مو قادرة انطق بسهوله امامه
ومر شهر وهو متحمل هالخوف اللي يحسه فيني ,, وهذا لنا الشهر الثاني بدات استوعب ان حركاتي وقت اللقاء كانت تجرحه ,, ابتعادي عنه رجفت خوفي القوية كانت تزعجه وهو ساكت صمتي بالمكالمات ايضا كان يغضبه لاني بهالشيء احسسه اني مو مرتاحة بوجوده واكون متوترة ,, يزعجه هالخوف وعدم ثقتي بنفسي >.<
اضطر لفترة ان يقلل تواصله معي علشان ينمي التواصل الحسي بينا واغير معاملتي
حاولت اغير من ذاتي واكون واثقة اكثر وقدرت حتى بسوالفي اكثر جراءة وانطلاق ,, وامورنا ولله الحمد تمام
لكن شيء واحد زاعجني .. تكونت عنده فكره اني اذا قدامه بظل بخوفي ورجفتي ومابتفاعل معااه باللي بيصير اصبح عنده خوف حتى من ليلة العرس يقول لي شكلك بتجيبين العيد بمعنى ان ماراح تكون كاملة وبسعادة الطرفين.. حتى بالسوالف يقول لي اذا جيت بسوي كذا يحاول يختبرني اقول له حلاله وانا بسوي لك مايشجعني يظل يردد بنشوف وقتها وش بيصير
يمكن يكون لقائنا بعد 4 شهور ,, انا من داخلي احس بتغيير ايجابي كبييير
لكن كيف اثبت له اني احس بالامان بتواجده وبحس بالمتعة معااه لكنه ماحس اني سعيدة بهالامور
وكيف اسيطر اكثر على نفسي وما اخلي الرجفة والدمعة تجرحه..!!
والله صرت اتمنى يرجع اليوم قبل بكرا واعوضه عن الجرح اللي سويته له واثبت له اني سعيدة بهالحب وجنونه
18-04-2012, 04:37 PM
ضوابط المشاركة
العرض الشجري