السلام عليكم ورحمة الله وبركاته
من بداية زواجي وانا غير مقتنعة ابدا بما يفعله بنات جنسي من تكلف مبالغ فيه وحركات غريبة تذكرني بايام الروضة << استغفر الله مادخلت روضة
اقصد ايام الابتدائي
بالونات .. لمبات .. ستكرات .. بطايق .....الخ الخ الخ
كل هذا تحت مسمى الرومانسية والتجديد
اللي تعبي البيت بالونات .. واللي تسوي ليلة هندية .. وليلة شامية وليلة مادري شنو
تعمل بطاقات .. وتملا البيت ستكرات قلوب ونجوم
الملابس اللانجري الجديدة اللي طلعت .. لبس خادمة .. لبس ممرضة .. لبس شرطية
والتقليعة اللي ابدا مادخلت مزاجي ان تقوم الزوجة بلبس عباية مخصرة في البيت لاغراء زوجها .. يالله العجب
الالعاب الزوجية هذي ابدا مادشت دماغي بنوب بنوب

اي حركة مصطنعة لجذب الزوج ماتستهويني للاسف << بتقولون الله يعين زوجها
ما ادري احس اني تفكيري مختلف هل فيه احد مثلي من بنات حواء ؟؟
مع ذلك حياتنا الى حد ما مستقرة وجميلة


بالنسبة لي اقصى شي اسويه لبس جديد شمعدانات باشكال مختلفة ورد مجفف << وهذي ماتطلع الا في المناسبات المهممة ولبس جديد وميك اب كوبين عصير واذا بدددعت سويت جاتوه وصلى الله وبارك
واحس بعد اني تكلفت


مرة وحدة استهبلت وخذيت من اختي مفرش مكتوب عليه شعر
زوجي ابتسم يوم شافة ابتسامة صفراء مدري وش مغزاها
حسيته يستخف فيني .. او يمكن عجبته .. او ... مدري
المهم بعدها حرمت اسوي حركات قرعا

خلص كلامي
وابي اراء الرجال
ما رأيكم في ابداعات النساء في هذا الموضوع .. بالتفصيل .. يعني كل واحد يذكر مايستهوية
ان كان العاب زوجية .. لبس معين .. حركة معينة .. ام ان هذا كله لايعني لكم شيئا .. ؟؟
وبالنسبة للنساء .. هل تأيدون هالحركات المصطنعة لجذب الزوج .. ؟؟
هل فيه احد مثلي اساسا ؟؟
شااااكرة لكم مشاركتي في هالموضوع الركيك

ضحكتيني من قلب ع المفرش احسك ندمانه قد شعر راسك
الصراحه حلو التغيير بس مو مثل هالاشياء عسى ماشر لبس خادمه ونحله وقطوه ومدري ايش
انا احس لو بلبسها بستهين بنفسي ههههههههه مااتخيل شكلي صراحه
التغيير بالجديد
تلبس شي جديد راقي وجذاب & ورد طبيعي & مفرش جديد & شموع
مو بالاستهبال مع احترامي للي يسوونها بس انا ماافضل هالاشياء
هذي وجة نظري واللي يعجبني

احترامي وودي لك

ههههههه
ابد مااحب حركات اول ابتدائي على قولتك
تحوسين البيت واخر شيء انتي راح تنظفين وتكنسين القصاصات الورقيه << شفتي الحاله كيف

انا باقي على زواجي كم شهر بس اظن اني زيك << اقدر اقول الله يعينه علي
بس تبين السراحه ترى ( العقل نعمه ) بلا خرابيط ليله حمراء، وصفراء، وزرقاء
اممممم
سمعت انو فيه ليله ثلجيه هههه سمعتي عنه ؟!

__________________

انا معاك
سالفة الازياء التنكرية ابدا ما دخلت مزاجي ..ولا الليالي الملونه والمنوعه
اقصى شئ عندي شموع وورود مجففه وفواحات ..
اذا الميزانية حلوة حجزت فندق وغيرنا جو فيه ..
واذا الميزانية على قدي ليله مساج وتدليك وشغل محترم فقط

__________________

تحولت الليالي الرومانسية إلى ليالي كرتونية

انا ما احب هالأمور أبداً بتاتاً البته

وهذا انا فقط وليس كل الرجال فما ادري صراحة

لكن اذا تهورت زوجتي وسوتها ما احب اكسر بخاطرها خصوصاً بعد عودتي من السفر او غيابي كم يوم عن البيت

مع انه يكفيني جو هادئ ولباس جميل وانتهت الليلة على اكمل وجه

لابصراآآحه ياورد .. تعتبــي نفسك ..
كاآآسين عصيــر وأحيآآن تسوين قاتوه ..
مسويــه شي جديد والله .. <<< ترا أمــزح معاك لاتزعلين نمـووووون هههه

شوفي أنا ضــد لصقات وحركات الفصول الأبتدائيه ..
بس أنك تغيرين من ستايلك مثلا مره ستايل هندي ومره شامي ومره مغربي
أنا أشوف أنه شي حلــو ..حتى تسوين شي من أكلاتهم وحلوياتهم ..

بس تعالي وش سالفة العبايه المخصره ..
من وين جت ذا الحركه ..
وأنا أقراها صار فوق راسي علامة أستفهام حجم xL ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

السؤال اللي يطرح نفسه
ليله شاميه وليله هنديه وانا اتنكر والبس واستخف عشان ارضي زوجي ؟؟
ليه يقبل عليا هذا الشكل؟ يفترض اني ما اهون عليه واخلي نفسي مخفه من باب التتغيير
عشان يتونس ويغير جو انا استخف بنفسي؟؟

لاحظو عمرنا ما سمعنا رجل لابس لبس هندي ولا متنكر بزي عصفور لزوجته لانه لا يقبل على نفسه هذا الشيء ..اذا حب يفاجئ زوجته او يعمل تغيير لبس ملابس مرتبه وخلى الجو رومانسي باضافة شموع وفواحات واضاءه رومانسيه وورود مثلا عشاء جميل الى اخره ..

عن نفسي لا احب التنكر والتصنع او الاستخفاف بنفسي كذلك لا ارضى على زوجي ان يتنكر او يستخف بنفسه في سبيل ارضائي او لعمل تغيير لحياتنا ..

وجهة نظري كرجل ...

لا أحب هذه الأجواء المتكلفة أبداً ..

أحب أن يكون المكان مرتب والإضاءة هادئة وااللباس أنيق ..

المشاعر الرقيقة والعفوية لها وقع في النفس أكثر من حركات الإستهبال البهلوانية

وأظن أن الكثير من الرجال اللي زوجاتهم عملوا لهم هالشغلات يجاملون زوجاتهم لكي مايكسروا بخاطرهم بس ..

__________________
هي أشيـــــــــاء لا تُشتــــــــرى

سبحااااااااااان الله حبيبتي ورد

وربي كأنك تتكلمين عني ,, وربي انا نفس الشي احس هالحركات تاافهة

يعني الرومانسيه ماتكون الا بهالحركات

مااكذب عليك سويت مره ليله بس بجد حسيت اني تاااااااافهة بدرجه

انا احب التجديد مثلك في اللبس والميك اب وهذي تسعد زوجي دائما

بس بجد اذا ان شاء الله حبيت اسوي شي جديد حدي ترتيب الغرفة واحط شوية شموع ممكن هيك

لكن غيرهااا لااااا


مشكووووورة على الموضوع مررررررة عجبني