جرحني
السلام عليكم اعضاء المنتدى الكرام
اما بعد لكم مني اجمل التحية وبارك الله فيكم على ماتقومون به من جهودات لمساعدة الناس والتخفيف من حدة الالمهم ,,واسال الله ان يجعله في ميزان حسناتكم
اختصارا للوقت وعشان ماطول ...عانيت الامرين على بال ماتغيرت معاملة زوجي معي هذا العام الرابع من زواجي ماعمري حسيت معه الامان قط على طول خايفة ومهددة بالطلاق وخاصا ان الله مارزقني منه عيال كل ماصارت مشكلة اقول الحين يطلقني حتى ردات فعلي وقت الزعل تكون بحذر اخاف ازعل واخاف اهجر واخاف من كل شى ..طرقت كل الابواب من مشايخ من اطباء نفسين لغالية ماوصلت لمركز مطمئنة وجلست انا واياه جلسة استشارية مع الدكتور طارق الحبيب..الغريب في الامر اول مادخلنا للدكتور وبدى يسرد له القصة قاله يادكتور هي تبي مني حنان واحتواء!!!
قلت ياخي دامك تعرف هالشى وشوله جاين للدكتور يعني الرجال فاهم ومستوعب المهم جا دوري بالكلام وطلعت للدكتور كل الي بقلبي وهو جالس يسمع..في الاخير طلعت وصدري فيه راحة نفسية مابعدها راحة لدرجة ان الدكتور قال لنا والله لايقين ع بعض رجعت بيني مع زوجي وانا مرتاحة وتغيرت معاملته معي سبحان الله وصار زي العسل ينحط ع الجرح يبرى والشعور الي فقذته مع (الامان) حسيته وبالتالي عشت سعيدة وهو ارتاح وكلنا ارتحنا ولا صارت مشاكل قط خلال ذيك الفترة ..المهم اضطريت اسافر لاهلي لظروف عائلية وجلست حول الشهر رجعت لقيت الرجال متغير ع الي كان ..ولانه زوجي اعرفه تماما ولعل بعض مشاكل عنده بالعمل كانت السبب بس اذا سالته يقول اصلا هو يفصل بين العمل وبيت ويحلف انه مو متغير ولا شى
لكن اهل مكة ادرى بشعابها,,رجعت لي الحيرة من جديد ورجعت المعاناه ومتقبلت ابدا ان زوجي بعد مشوار طويل من وجود الحل رجع لحالته القديمة يالله مرة ماتحملت ..المهم صار نقاش بيني وبينه قام قالي انتي اكبر غلطة بحياتي وكانت غلطة العمر اني تزوجتك!! اكلت تراب وسكت لاني لو ارد عليه بتاخذني العزة بالاثم واقوله طلقني وانا متاكدة انه كان بيرمي علي اليمين الاخير لانه ماعاد فيه الا طلقة
ثاني يوم مانكلم بعض الا بشكل رسمي وكنت انتظره يصالحني بس هو يشوف ان الاعتذار شى كبير عليه
ثالث يوم جا بوقت غير موعد دخوله وجايب لي وردة فيها احبك يا,,
رحت له وع طول زي الهبلة ماطول بالزعل قلت له كنت بتسوي شرخ كبير طول العمر وكنت استخير الله لطلب الطلاق منك لانه بعد كلمتك مافي كلمة اقوى منها
نسيت الموضوع وبرضه جا طارئ واضظريت اسافر لاهلي واحنا بالمطار كان في وحدة كاشفة انا شفتها وركزت ع زوجي بيطالعها ولا لا وانا واقفة ع يمينه قام لف بكل جسمه يسار وقالي ورى ماتروحي تجلسي هناك
انا رديت عليه قلت بلا حركات الي مالها داعي تلفظ علي بكلمة شينة سكت ولارديت..يوم جيت ادخل الصالة قلت له ليش تطالع بالحرمة قالي انا حررررررر
كان بودي ماسافر وقتها حرقني بكلامه وتاخرت ع الرحلة وقالي انا عندي دوام بروح ودخلت داخل وربي عالم فيني جالسة ادق عليه مايرد يقول ابي انام مرتاح
سافرت لاهلي وانا قلبي يغلي مارتحت ..ومن زمان وانا عندي معه هالمشكلة ليش تطالع بالحريم ومن هالكلام
ومؤخرا صار لمن يشوف حرمة يغض بصره او يغير طريقه والصراحة كنت مبسوطة منه بس ذاك اليوم بالمطار طالع فيها ..وانا وربي ماتحمل نظرات زوجي بامراة ثانية مرة اغار عليه وع عيونه ولا ودي يطالع بغيري ..انا ابي مشورتكم ياجماعة الخير انا احب زوجي اكثر من روحي ولا ودي بفراقه بس تعبت كلامه جارح ومعاملته لي فيها قسوة ليش مايحبني مثل ما انا احبه ليش مايداريني ويخاف ع جرح مشاعري
انا تعبت واحس ان كرامتي انهانت بكلامه وكلمة انا حر مو في محلها يعني وش اسوي وايش ردة فعل كل وحدة منكن يا اخوات اذا قالها زوجها انا حر ..ممكن بعضكم بيقول انا اصلا ماراح اقوله ليه طالعت بس والله ياخواتي اني اموت اللفين مرة قبل لا اقوله ليه تطالع
تعبت ابي ردود تتثلج قلبي الي به غليان والله انه ماجت اللقمة بفمي من يوم سافرت وهو عادي احسه عايش حياته
29-05-2012, 09:32 PM
ضوابط المشاركة
العرض الشجري