السلام عليكم ورحمة الله وبركاته..
هاذي اول مشاركه لي بالمنتدى واتمنى اتساعدوني ابغي نصايحكم وارائكم..

صديقتي عاطفية وحساسه جدا لا تحب ان تجرح اي شخص صار لها مالكه من سنه ونص تقريبا وان شاء الله بعد شهر بيكون زواجها وهالزواج تقليدي يعني بضغط من الاهل والعادات والتقاليد وصلت صلاة الاستخاره لكن مو حاسه باي شي ولا جتها رؤيا ...... ما كان بينهم اي اتصال الا قبل موعد الزواج بثلاث شهور ولكن بفترة الخطوبه اعجبت بشخص واتعرفوا على بعض ولين الحين يموتون على بعض بس الرجال متزوج وعنده عيال وترك زوجته من سنة تقريبا بسبب تعاملها بالسحر والشعوذه وهوه انسان مدين ومحترم وقمة فالاخلاق وانقطعت عنه لمدة شهر لانها ارادت التخلص منه لسبب زواجها وزوجها ما شاء الله رجل راقي ومافي شي مو زين.. لكن ما قدرت تتحمل ورجعت له ويعرف بانها مخطوبه وهوه مستعد يتزوجها بعد ما تطلق!!!!!! ...

لكنها لا تستطيع العيش بدون حبيبها كلما ارادت ان تبتعد عنه تتعب وتبكي وحبيبها يبادلها نفس الشعور ابغي نصيحتكم لها لانه زواجها ما بقى شي عليه وشو لازم اتسوي اذا تبتعد عن حبيبها!!!!! وتقبل بقدر رب العالمين بزوجها واتكمل الحياة معاه!!!!!!!!

ليس بالضروري ان ترى رؤيا بعد صلاة الاستخاره
ولكن الانسان يستخير الله سبحانه ويعزم امره

اما بخصوص الشخص الذي تعرفت عليه فأعلمي عزيزتي انه مابني على خطأ فهو خطأ ..
لفتقطع علاقتها به وتدعي الله ان ينزع حبه من قلبها ولاتخسر زوجها ومن تقدم لخطبتها من ابيها من اجل من اتى بطرق ملتويه ..

الله يرحم حالها، مسكينة الله يهديها، قولي لها تعض على قريبها وتترك الخيانات اللي قاعد تسويها، ويبقى بعض كثير من البنات مغفلات ولا ينظرن إلى تجارب غيرهن مع مايسمى بالحب.

__________________
ياصبحِ لاتِقبل !!
عط الليل من وقتك..

:*

لاحول ولاقوة إلا بالله
الله رزقها الحلال أيش تبغى بالحرام؟
وكمان متزوج يعني خاين وقليل أمانة
وهي كمان خاينه لأنها بذمة رجال
حتى لو مجرد عقد
:*
أنصحيها لوجه الله تترك المحرمات
عشان ربي مايحرمها من لذة الحلال
ولايحرمها من النصيب الطيب بسبب ماتفعله

:*
إذا هي مو أهل للزواج وصون الرجل والمحافظة على عهدها معه
تتركه من الآن قبل تورطه معها

:*

__________________

والله المسكين خطيبها
لا حول ولا قوة الا بالله
الله يهدي شبابنا وبناتنا
بس هي من جدها وثقت في كلام المطلق وانه تقي وزوجته ...............
لا تعليق
يس على حد علمي التقي بعييييييييييييييييييييد عن هالحركات
الله يهديها
وقوليلها تمسك في النقي اللي جاي من الباب واذا ما عندها قبول نحوه ترفضه
انا لله وانا اليه راجعون
.. امر محزن .................. نسأل الله السلامه

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

امرها محزن الصراحه... خيانه عيني و عينك.. كنتي تعطينها على راسها و تبينين لها حرمة اللي هي قاعدة تسويه...

قولي لها حبيبج هو زوجج... ما تبينه قولي لزوجج ما ابيك... اما تخونينه فهذي مصيبة المصائب... و مثل ما تعرفت على ذاك ليش ما استغلت الوقت علشان تتعرف على زوج المستقبل!!!

سبحان الله مثل ما قالت اختي سيدة الموقف... الله اعطاها الحلال و تستبدله بالحرام...

هي لالالالالالالالالالازم توقف عن الحرام اللي قاعد تسويه... و لازم تنكرين عليها الفعل علشان ما تكونين شيطان اخرس (و إن شاء الله تكونين فعلا انكرتي يا اختي بدون ما احنا نذكرج)

و بعدين لازم تبدا مع زوجها... مثل ما بدت مع العشيق لازم تبدأ مع زوجها...طبعا الحين الشيطان بيزن عليها بالمقارنا بين الزوج الحلال و العشيق الحرام... تتعوذ من ابليس و تدعي اللهم اقذف في قلبي حب زوجي فلان و انزع من قلبي حب فلان... تدعي ليل نهار...و إذا بعدها رافضه زوجها حلالها فقولي لها ترجع له مهره و تطلب الطلاق و الله يرزقه بزوجه تعفه و هي يرزقها بواحد غيره...

الله يهديها بس
ماخافت من عقوبة ربي او لما خطيبها وأهلها يكتشفون هالشي
تري تقدر تستغني عنه وتقدر تعيش بدونه بس الشيطان موسوس لها
وبعدين واحد متزوج ومطلق ومعاه اولاد كيف تاخذه
ويمكن يكون العيب من حبيبها مو زوجته والله لو تشتغل بالسحر كان شفتيه راجع لها
طيب يمكن تتطلق من خطيبها ويخطبها زوجها ويتزوجها بس مايقدر يلمسها يمكن تسحره زوجته
مافكرت بهالشي
صدقيني تغير جوالهاوتتوكل ع ربي وتعطي فرصه لخطيبها عن هو مايستاهلها بس تعطيه فرصه
وتحمد ربها ع النعمه اللي عندها
في غيرها يتمني احد يطق بابهم ويمكن اهلها مايرضرن في
حبيبها يمكن يسألون عنه ويصير راعي حركات وبلاوي
لا تترك الحلال وتروح الحرام

السلام عليكم ورحمة الله تعالى وبركاته

أستغفر الله وأتوب إليه ، مادري شصار بالدنيا ، للدرجة هاذي بعض البنات أسترخصن العفة والشرف؟؟

شالمصخرة هاذي ؟؟ وشنو قلة هالحيا ؟؟ خلاص ماعاد فيه خوف من الله ولاعاد فيه خوف على سمعة الاهل؟؟

الحمدلله الذي عافانا مما ابتلاهم به وفضلنا على كثيراً من عبادة.

قوليلها تخاف الله بنفسها وبأهلها وبخطيبها ، والله العظيم مصيرها تكشف لان اللي تسويه كيد شيطان ، وكيد الشيطان ضعيف ومايفلح أبداً ، شتبي بالفضايح ؟؟ حلالها عندها تتمتع فيه مثل ماهي تبي.

هاذي جتلها النعمة لحد عندها وقاعدة ترفسها

الله يهديها.

__________________
استغفر الله واتوب إليه

لاحول ولاقوة ألا بالله

رغم القصص التي نسمعها والتنبيهات ومازالوا بعض البنات يركضون خلف عواطفهم !!

ليس هناك أي وجه مقارنه بين الأثنين فأيهم أفضل رجل بأطفال وله تجربه سابقه وتعرفت عليه بطريقه غير

شرعيه

غير انه رضي ان يستمر معها وهو يعرف أنها على ذمة رجل آخر

فكيف تثق بشخص بهذه الأخلاق !!

أو رجل عزابي هي أول زوجه بحياته وبدون أطفال واتاها أمام الناس ومن الباب وطلبها من أهلها !!

ويتميز كما تقول بالأخلاق والرقي ؟؟!!

أين عقلها !!

أنصحيها أن تتوب ألى الله أولاً مما قامت به وان تنسى ذلك الرجل الذي يزينه الشيطان في عينها

وأن تعود ألى رشدها وتفكر بزوجها وبمستقبلها ؟؟!

وان كانت لاترغب بذلك فهي الخاسره وزوجها هو الرابح

اسأل الله لها الهدايه قبل فوات الأوان

__________________
أشتقت لكم جداً 💔

مدري بس حسيت الانسانة دي جدا مقرفه

و الله اني تقززت منها لابعد درجة

الله يعينها على نفسها

وحده زي دي ما تستاهل ظفر الرجال الي متقدم لها

و ادعوا الله ان يصرفها عنه لانه مسكين ما يدري عن المصيبة هذه

حقيقي قمة الحقارة