السلام عليكم ورحمة الله وبركاته
انا عندي جاره عزيزة وغالية علي وكبيره في السن تزوجت بنتها الوحيدة من شخص يقرب لها وثالث يوم من الزواج الزوج كلم ام البنت وقال لها تعالي شوفي بنتك الام المسكينه طار عقلها وراحت تشوف بنتها ويش فيها ويوم وصلت الام للبيت لقت البنت مقطعه عمره من الصياح وصارت الام تسمي على بنتها وتقراء عليها وتستفسر وش فيها والبنت ما تكلمت بس تبكي بعدين الزوج قال للام ان بنتك البارح اعترفت لي انها تكلم شاب من مده طويلة وانها مرسله له صور لها وانها حاولت تقطع علاقتها به بعد الخطبه ورفض الشاب وصار يبتزها واضطرت تخبر زوجها بكل السالفة وطلب من امها تاخذ البنت عندها عشان تهدى شوي وهو يعرف يفكر
انا ما كنت ادري بالسالفة وكنت جايه ازور جارتي لقيتها طالعه لي ووجها منتفخ وعيونها حمرا وصوتها رايح قلت خير يا خاله وش فيك نايمه قالت لا جلست معها وسولفنا بس الحرمة كانها تصرفني قلت خلاص بطلع بس قبل اطلع سالتها عن بنتها هل كلمتها ووش اخبارها ووين مسافرين شهر العسل حاولت جارتي ما تبين لي شي قالت انها طيبه ومبسوطه وبعده صارت الام تبكي وتدق على صدرها انا اول مره اشوف احد كذا حاولت اخفف عليها قلت مسكينه اكيد فاقدة بنتها المهم من ضمن كلامي لها قلت يا خاله حرام تبكين كذا كنها ميته الا تقول الام ليته جاني خبر موتها المهم حاولت في الام كذا وكذا وبعد ساعة قالت الام السالفة كلها وتقول ان زوج بنتها ما عاد كلمهم صار له اسبوع الان وقالت بنتي عندي وتقول انها اخذت الرقم من بنتها وكلمت الشاب وبكل وقاحة رد عليها وقال لها احسنلك تطلقينها او افضحها قالت الام يعني تبي تتزوجها قال تخسي بس كذا نحاسه فيها وما تتزوج الا بعد ما اوافق على الرجال المهم الام كلمت الهيئة وعطتهم الرقم وتقول ما ادري وش صار والام زوجها متوفي وعايشه عند اخوها في شقه ملحقة في بيتها وقالت لي علميني وش اسوي هل زوجها بيقبل يرجعها
بس انتم وش رايكم وش الحل