السلام عليكم ورحمة الله وبركاته
اسعد الله اوقاتكم بكل خير اخواني واخواتي ..
عندي مشكله وواثقه بالله ثم فيكم اني بلاقي لها حل بإذن الله
مشكلتي مع زوجي قبل سنه تقريباً استأمنته على موضوع حساس جداً
ويخص أهلي هالموضوع ماكنت ابغاه يعرفه ابداً بس أهلي اصروا
عليّ وقالوا مايصير وهو من العائله اللحين وولدنا مو انسان غريب بس الاهم مايطلعه ..
المهم جيت وقلت له المووضوع وحلفته يحفظ هالسر ومايقوله لآي انسان ..
اللي حصل واللي ماكان بالحسبان بعد ماقلت له بشهر بسسسس طلع الموضوع
لشخص من العائله يعني خان الامانه .. أهلي عرفوا وزعلوا عليّ وخذوا موقف حساس منه
حاولوا مايوضحون له بس جت بوجهي ومررررره تضايقت منه
الموضوع ماقدر اقوله هنا بس الموضوع من جد من المفترض مايطلعه ابدا
انا جيت وتكلمت معاه المشكله مو حاس ابداً بحجم الغلط اللي سواه !!
انا حالياً مابغى حل عشان يعترف بالغلط او حتى يعتذر لي
المشكله اللحين رجعت علي وأثرت ع علاقتي معاه كثيييييييير من وقتها
اول شئ انعدمت الثقه .. وصارت تجيني وساوس بخصوص طريقته هذي
وهو عارف وفاااااااااهم ان هالموضوع من المفترض مايطلع ابداً مهما كآن ..؟
صرت اقول يبغى يحرجنا ويحرج اهلي قدام الناس ووو .. أبغى احس ان هالموقف
مايستاهل وهو لمن قاله بطيب نيه بس والله ماتجي ابد !!
ابغى اقول كان بموقف محرج بس ماتجي !!
ابغى اقول متضايق من اهلي ويبغى ينتقم بس مافي اي موقف يخليه يسوي كذا
بالعكس لو فيه من هالقبيل يمكن اهلي ماخصوه بالهشئ وخبروه !!
انا تكلمت معاه ساعتين متوااااااصله والرجال ماسكه معاه انه صح وماسوى شئ غلط
ماعرف شلون بثق فيه ؟
ابغى اعرف هل فيه زوجات صارلهم مثل موقفي ؟
هل مره اكتشفتي ان زوجك عدو خفي لأهلك بس قدرتي تعيشين وتمشين حياتك ؟
وهل هالشئ طبيعي اني ممكن اتعايش مع انسان مايحب اهلي ؟
اعرف انه لازم يكون فصل بين الزوج والاهل في امور كثيييره بس هل موقفي
يدخل تحت هالمفهوم واقدر ابلعها ؟

انتظر ردودكم لآعدمتم ..

__________________
سبحان الله وبحمده .. سبحان الله العظيـــم