السلام عليكم ورحمة الله وبركاته ..

ليلة امس كنت في المطار مع عائلتي متجهين لمدينه الرياض ..

بعد اداء العمره ..الله يتقبل ..

لاحظت من اخواني الرجال بعض ماظايقني ..وفي لحظتها قررت اني أفرغه في منتداي الحبيب فور وقوع اللاب توب في يدي ..

اخي الشاب الكريم ..
اتوقع تعرف ان الطائره جدا ضيقه ..
وفي احيان كثيره راح يتغير مكانك من مكان لاخر ..
حسب تنظيم العوائل داخل الطائره ..

وقبل كل شي ..
اتمنى تسمع نداء الرحله ..
ينادون ذوي الحاجات الخاصه والعوائل ..
يعني ياشاب استرح شوي لين يجلسون العوائل ..
وبلاش مزاحم ..
يعني لما تجلس قبل العوائل وتطير عيونك بالي بممر الطائره ..
وتضيق النساااااء بكتوفك وانت جالس مرتاح على الاخير ..
ترى هذي قله ادب ..عيب ..

وابشركم الرجل الي يطير عيونه على الحريم الي بالطياره ..
مافيه جاذبيه .. بالعكس يسمونه مطيور .. بلهجتنا ..يعني ماشاف خير ولاتربى .. وعقله خفيف ..

اعذروني على حدة كلامي ..بس والله متضايقه ..
امس ماقدرت امشي بين الكراسي ..
واستعنت بالشنطه الي بيدي ..

الي مايوخر كتوفه ويدينه عن الدرب ..
احط شنطتي باثقالها على كتفه ..والكيس على الرجال الي بالجهه الاخرى ..

وخله ينفعه السرعه بركوب الطائره ..
اسمع مضايقه ان الثوب توصخ ..
والاخر يقول ضايقتيني ..
..وانا من جوا النقاب اقول .. من قالك تسرع للطياره تركب بدري ..
خل تنفعك العجله ..

رساله من اختكم الي يهمها امركم ..

__________________

توفي انتي مثلي اروح للمطار واتحسر على حالنا ..
والله ما يضبط خلق الله إلا النظام والمحاسبه ..

واكثر ما يضايقني معاندة بعض الرجال في تبديل الاماكن للعوائل ..

وياليتها جت على هاذي بس ..
المطار كله على بعضه سيئ .. وش نحكي وش نخلي
الله المستعان ..

ولا ننكر ان هناك نماذج مشرفه .. و تحب النظام
وتتعامل حب لنفسك كما تحب لغيرك ..
ولكن يد واحده لا تصفق ..

__________________

الله يهديهم بس ..
عزاابي .. لحاله يعني وين مايحطوه يجلس
ليش يجري يسابق
ماراح تروح عليه الطيارة و لا يروح عليه مقعد ويوقف طول الرحله

ولا يمكن يجروا يلحقوا الكرسي الي جنب الشباك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ليكى حق ياتوفى
فيه ناس قليلة الذوق
بس صدقينى مش مرتبطه بالرجال فيه منهن اكثر
لكن انا معاكى التزاحم والاحتكاك بالنساء امر مذموم ويجب مراعاة مشاعرهم

نورتي الموضوع يامشرفتنا الحلوه ..

وش يبون بالشباك ..
كلها صحارى قااااحله ..

ورحلتنا 12 بالليل..


المفروض مايدخلون ولا رجل ..

لين يدخلون العوائل كلهم ..

اسمع اخوي رؤوف ..
الاسلام دعى النساء للابتعاد عن الرجال بالطرقات وعدم مزاحمتهم ..
لكن بالطائره الوضع غير ..

راح نضطر نمشي بينهم ..

وانا عن نفسي راح اتخذ اي اجراء مهما كان تعسفي ومؤلم ..
للي مايحترم نفسه ويوخر كتفه ..وذراعه عن ذراع الكرسي الي
بالممر ..

وراح اضطر اني امسح الشنطه بالممرات ..
عشان تترك علامه على كتف الي مايفهمها وهي طايره ..
واللبيب بالاشاره يفهم ..

__________________

ذكرتيني مره بموقف بمطار الرياض
كنت مسافره لاهلي لحالي انا وولدي
ولدي عمره يمكن 10 شهور
زوجي حطنها باول باب الانبوب اللي يوصل لباب الطياره وبعد كذا منعوه يكمل معانا بما انه مش مسافر
ودخلت وانا شايله ولدي ولكن افاجئ انه الانبوب مليان ناس الين باب الطياره
وقتها كانو عاملين تفتيش احترازي عند مدخل الطياره
وكانت المكيفات ما بتعمل بالشكل المطلوب والانفاس والكتمه وضيقة المكان كملت الناقص
بدا ولدي وجهه يحمر وبدا يزنزن من الكتمه وانا كتفي طاح شايلته
فيه واحد شايب جزاه الله خير كان واقف جمبي قالي : يا بنتي انتي مري انتي لك احقيه تدخلي قبلنا كلنا الولد رح يدوخ عليكي
وصار يقول بصوت عالي يا شباب وخرو وسعو الطريق البنت معاها طفل حرام خلوهم يعدو
المهم الرجال صارو يوخرولي على مضد وتعالي اسمعي التعليقات
في اوروبا والدول المتقدمه كل واحد يلتزم بمكانه
والثاني يتريق يقول خلاص انا من بكره حشيل ولد على كتفي عشان يفتحلي الطريق في الزحمه
وترررررريقه من شباب بلدي
بدل ما يعطوني مكانهم لاني امراه اولا ولانه معي طفل فطس من الوضع اللي كنا فيه لالالالالالالا قاعدين يتريقو ويضيقو عليا الطريق يعني يوخرو شوي عشان يزاحموني ويضطروني اعدي من المساحه الضيقه وحسبي الله ونعم الوكيل
وكثر الله من امثال هذاك الشايب وجزاه الله كل خير

ياتوفى هو انتى داخله خناقه
ممكن تنتظرى حتى ينتهى الركاب من الجلوس
والله ياتوفى فى الحج والعمره كنت افضل واقف حتى بنتهى من امامى جميعا
ماهو رقم الكرسى معايا وده حقى واللى عاوز يزاحم يزاحم
حتى فى النزول انتظر حتى تفرغ الطائره يعنى هى حاتطير تانى وبعدين وانا نازل اشكر المضيفه على الرحله السعيده ..

اخي الكريم رؤوف ..

انت رجل وانا امرأه ..

انا ابغى اكون اول من يركب واخر من ينزل من الطائره ..

ماابغى اي رجل يشم حتى رائحه شامبو العبايات من عبايتي ..

مسألة اني انتظر الكل حتى يجلس ..

يعني لازم امر بالعرض ..

وبهالحاله ..

احد الجهتين بيكون بوجهي ..والاخر خلفي ..
ومااضمن ان يكون خلفي امرأه دائما ..
ويزيد وضعي الماً لما امر بين اثنين من عراض المنكبين ..
احس اني بمر بمضيق بحري ..؟؟؟؟؟؟؟؟



اتمنى تفهمني..

__________________

هلا كريستااااله

وش جاااااااااب اوروبا وامريكا ..

من جد شي يحز بالنفس ..

موقفك يقهر ..

ياليتك قلتي له .. والله ماراح اخذ كرسيك ..

الا ليت شباب قومي يفهمووووون ..

__________________

خلاص ياتوفى حاتنزل المره دى
بس خدى بالك
الرجاله مش منتظرينك مخصوص
انما حقك تحافظى على نفسك وانا معاك فى كده دون اتهام آخرين فى نواياهم ..