السلام عليكم ورحمة الله وبركاته

سؤال يخاطري انا مملك لي تقريبا شهر
احبها بجنون وهي تحبني ولكن ليس بالجنون او بالمستوى الذي انا احبها

تقول انها تحبني وان الحب يزيد مع مرور الوقت

مارأيكم

صح كلامها واذا تبيها تحبك بجد خلها تحس بالأمان معك يعني مش تدور لك على مشاكل تافه وتثبت شخصيتك فيها لا خلك حنون معها ..لبق..تحترمها..وحط تحت هالكلمة الاخيره مليون خط البنت تحب الرجال اللي يحترمها وتثق فيه ولاتنسى انك تفتح اشوي نافذه عن المستقبل اللي ان شاء الله تفكر فيه خلها تشوف خططك لها وخططك لنفسك ولاتصير غامض ترى بتجلس في حيره ومتخوفه انها تتمادى بالحب واسرارها اللي تقولها لك انتبه ماتطلعها لاهلك ولا لأحد بهالشكل راح تشوف البنت كيف تتمسك فيك ويمكن حب الجنون اللي يقولون عنه هي اللي بتصاب فيه..

ياخوي حتي لو مافيه حب بين الزوجين اهم شي الاحترام وتفاهم وان شاءالله ايي مع الوقت
انت لاتفكر ولا توسوس

__________________

مرحبا ..
اولا الله يتمم عليكم بخير

كما ذكر الاخ السابق خليها تحس بالأمان ... ومن ناحيه هالحب المتزايد هذي فرحه وان شاء الله تدوم ..
بس بعد ما تتزوجوا انتم اللي تقدروا تخلوا هالحب يزيد او ينقص..

تحيه لك

الحب الحقيقي يظهر مع المواقف وأنتما لم تحتاجا لبعضيكما بعد
الحب الحقيقي يأتي بعد العشرة الطيبة والزواج .. ومدى إلتزام
كل واحد منكما في أن يعطي الآخر ما يحتاج ولا يتجاهله..
الحب الحقيقي بعد أن تسقط الأقنعة ويظهر كل واحد منكما
على طبيعته فتحبان بعضيكما بعيوبكما ..
أما الإندفاع السريع في المشاعر فأمر غير محمود..
يسر الله أمورك

اتفق مع رائي اخي الحكيم العقد الفريد ..

شهر مملك عليها وتبيها تحبك
الحب مو كبسة زر بسرعه يولد..الحب أعمق وأكبر
إنت أهم شي عاملها بالإحسان والرحمة..وهي بتغليك مثل عيونها بإذن الله

ربي يرزقكم محبته ورضاه