السلام عليكم


زعلت من احد اصدقائي المقربين لانه اهاني بكلمه واسلوب غير لائق امام اصدقائنا والموضوع فيه كرامه لان ما اسمح لاحد يغلط علي

بس ما رديت عليه خوفاً من ان ازعله واجرحه ولاني اعرف ان الشخص طيب بس كان اسلوبه قذر

المشكله هي ان هو ما يعتقد انه غلطان بالعكس يشوفني انا زعول وحساس
مع العلم لو استخدمت نفس اسلوبه راح يزعل مليون بالميه

المهم يا اخوان طلعت وما عاد جيته لين يجيني ويعتذر

الغريب بالموضوع ماجا ولا اتصل نهائيًا وتوقعي انه يعتقد اني انا الزعول والحساس وانا اللي تغليت ومن تغلى تخلى !!


من ناحيتي ان اعتذر سامحته على طوووول بس للاسف ما صار هالشي ما يشوف شر

كيف تتصرفون بحالتي ؟ ولو واجهته عند اصدقاء اخرين كيف التصرف لو اعتذر احس ما عاد لها قيمه ولا راح ازوره احس اخلصت لان صار لنا شهر يعني بايع حتى لو قبلت اعتذاره ما راح نرجع مثل قبل الا اذا اعتذر وهو اللي جاني بنفسه مو اواجهه عندهم ؟واظن ماراح يعتذر بس راح يقول وين هالغيبه بضحكه صفراء ؟ اشتنصحون ارد ؟ واسوأ احتمال اذا ما سلم ما يشوف شر بس احراج وايش اتصرف ؟

وعليكم السلام ورحمة الله وبركاته ..
مرحباً بك ياأخا الإسلام
وهل هذا صديق آخر غير الصديق الذي وضعت من أجله موضوع ؟!
ثانياً / من حقك أن تٌعاتبه بما هو صديقك وتُبين له أين الخطأ فلا عيب في ذلك !
ثالثاً / ولو أعتذر متأخراً لا يهم بالعكس ضمير صحى وعرف الخطأ وهداك الله عن أي كرامة ذهبت !
الأعتذر سواء كان متأخراً أو باكراً فهو جميل جداً فلا تنظر من هذا المنظور الضيق !
رابعاً / وإذا قابلته عاتبه بلطف دون أن يزداد الأمر سؤءاً وتُخبره ..الإختلاف بين الإخوة لايضر مادام فيه معنى للمحافظة على الصداقة دون أن يكون في القلب شيء يخدش بهذا المفهوم !
وإذا كان هذا الصديق عزيز كما قلت ..عاتبه هذا أقل ماتفعله !
ولو أعتذر لاتُكابر من أجل مفهوم الكرامة الخاطىء الذي وضحته !
وفقك الله لكل خير ..

الله يجزاك خير

بالعكس ما عندي مانع من اعتذاره بس المشكله انه ما اعتذر فتره طويله يعني معزم وبايع
وما ودي اواجهه بمكان عام ويعتذر لي بغشمره مالها معنى واحتمال ما يعتذر يسولف سوالف عامه

اتمنى تفهمون وضعي

والكلام اللي قاله لي لو انا قايله له راح يزعل بكل تاكيد

صارحه وانه الموصوع

الله يجزاك خير

بس المسأله فيها كرامه وكان المفروض هو يعتذر حتى لو كان يظن انه هو مو غلطان
عالاقل حشمه لي وتقدير من باب المعزه والعشره

ليش ما تتعلم اسلوب الذب ...؟؟

مثل ماهو يذب عليك خليه يجرب نفس التعامل منك

ﻻ تقول لي أخلاقي و مبادئي و ماادري ايش

فيه ناس ما تفهم اﻻ بالطريقة هاذي .. الاحترام ما يخارج معاها

مشكلتك معطي اخوياك وجه

شوف لك غيرهم ترى هذول مو اخويا ولاهم مقربين

اللي يقدرك من جد ما يهينك لو بالمزح

الخوي الحقيقي لا جا بينصحك او ينبهك يعرف شلون يكلمك و مع مين و قدام مين

ارجع سوي اعادة تهيئة لصداقاتك مو عيب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

تعال خيي انا قد قريت لك مواضيع نفس هالمواضيع,,

تبيها نصيحه اخويه ان كان هالشخص صديق بمعنا الصداقه والاخوه,,,

اذهب له واخبره ان في الخاطر شيء من ذاك الموضوع,, فأن اعتذر تقبلها بروح صدر وكان شيء لم يكن,,

وان ماطل خلك عادي وقوله الله يجزاك خير,,,

وبعدها كن حذر في نقاشك معه ,,

وانا اخوك انا احسك خيي بعض الكلام تتحسس منه صحيح كلنا كذا لكن بعظ الامور تمشي وبعضها نمشيها وبعضها ناخذ موقف,,,

ربي ينور قلبكم بطاعته

__________________

الله يجزاك خير

ام خالد الرد سهل جدًا بس اللي يربط لساني اخاف يزعل ويتأثر يعني افكر فيهم وبمشاعرهم !!
وابلعها وما اجرحهم

وان كرهت شخص تركته مع المجموعه كلها يعني ان كرهت ما اتقبل اواجهه نهائيا ليس خوف ولكن هذي طبيعتي

ان زعلت من صديق لاي سبب ما اعرف نفسهم اجلس مع الجماعه من غير ما اكلمه ولا يكلمني اتركهم كلهم

بس البعض يجلسون مع بعض وما يكلمون بعض وجيه ما تستحي !!

سالفة الذب والرد اشوفها مفيده لان مستوى الوقاحه للاسف ارتفع ارتفاع كبير عند الغالبيه كلامهم صاير سكاكين حتى الملتزمين منهم !!

ولو اني ما احب امشي بهذا الاسلوب افضل العزله واستمتع بحالي او مع كم صديق مقرب من فتره لاخرى على هالاسلوب الجارح
بس للحين ما حسمت امري استخدم اسلوب الوقاحه مثلهم او اقلل احتكاكي مع الاصدقاء عموماً

الله يجزاك خير

هو صحيح شخص عزيز ولو قلت هالكلام راح يعتذر بس مثل ما ذكرت ما اقدر اروح له هو اللي غلط وانا تركته المفروض المبادره منه بكل الاحوال وين راحت كرامتي امام الاخرين ان ما جا بنفسه ما ينفع اروح له
وهو باع بطريقه غريبه

ياأخا الإسلام ..
مفهوم الكرامة لما منظروه ضيق لديك !!
اذهب إليه وعاتبه وأخبره !!
فلن ينقص من قدرك شيء أبداً ..هداك الله ..
هل الكرامة يجب أن تحقق أمام الآخرين !!!
المهم قدرك أمام ذاتك أنت وليس أمام الآخرين ...
الآخرين كل يوم لديهم وجه وقناع ..فلا تجعل هذا الأمر والقدر أمام الآخرين أهم من أن تُقدر ذاتك أنت !
تعلمها جيداً !