السلام عليكم

للاسف كثر تجسس الزوجات على ازواجهم او العكس بسبب انعدام الثقه والفضول وتوفر اجهزه التجسس

بس المصيبه بالتجسس انه غير حقيقي !!
يعني لما زوجه تحش بزوجها وتذمه عند صديقاتها لو الزوج كان متجسس راح يحقد عليها ويفهم انها ناكره للمعروف ويمكن يطلق
بس الواقع قد يكون مختلف بمعنى يمكن الزوجه تخاف من العين والحسد او يمكن انها تتغشمر مع صديقاتها

مثلاً الزوجه قد تسمع زوجها يكلم صديقه ويقول له راح افعل كذا وكذا ببنات الحرام ( وهو مجرد كلام مافي فعل يعني مشكلته لسانه قذر)
او قد تسمعه يكلم وحده بكلام رومانسي ( وهو فعليا عايش جو ماراح يسوي شي مجرد كلام من ورا الشاشه ، ما نقول انه مو غلطان بس الواقع قد يكون غير اللي راح تفهمه الزوجه )

الرسول عليه الصلاة والسلام لما يرجع من سفر ما كان يفاجىء اهله بالدخول عليهم حتى ما يشوف منهم ما يكره كان يروح اول للمسجد ويصلي
بين الزوج وزوجته لازم الواحد فينا يستأذن لما يبي يدخل حتى غرفته وهكذا
هذا المفروض اللي يصير

تفرض حسن النيه وتعطي الشخص اللي امامك فرصه وحريه يستعد ويتنفس


انت يا اللي تقرا الموضوع اي انت اقصدك
لما تخطىء مثلا وتطالع مقاطع اباحيه وجا شخص تلقف وراقبك وصورك وفضحك ايش بتكون ردة فعلك !
لكن لو سترت نفسك وتبت ربك غفور وترجع نظيف حالك حال اي انسان بس لما تنفضح غير ومشاكل

ترى حنا بشر نخطىء والزين اللي يتوب ويرجع لربه ويعاهد نفسه حتى لو كرر الخطأ يرجع يتوب ويتسغفر وربنا غفور ويحب التوابين

ولو ما كان البشر يخطئون ويستغفرون كما قال الرسول صلى الله عليه وسلم: (لو لم تذنبون لذهب الله بكم وجاء بقوم يذنبون فيستغفرون فيغفر لهم)


وانا اللي يراقبني حتى لو اخطأت لن احسب له حساب وراح اقول له ليه تتجسس تحمل واقلب وجهك