انا عايشة بغربة اجنبية و مافي حولي الا اجانب من فترة قريبة اجو عائلتين من بلد عربي جديدين عالغربة و سكنوا قريب مني يعني مسافة مشي ، فرحت و بادرت بالتعرف عليهم هم من بلد عربي غير بلدي. وحدة فرحت فيني و اعطتني رقهما و وحدة رفضت . قلت مو مشكلة المهم صار عندي صديقة مسلمة بدأنا التعرف زارتني و زرتها و بعد اسبوعين تقريباً التانية طلبت رقمي و بعتتلي رسالة انه حابة تتعرف عليي (يعني غيرت رأيها) المهم اني حاولت اتعرف بشكل رسمي بالبداية بعدين صار زيارات بينا بس المصيبة لما بدأت الاولى تحكي على التانية و تقلي انه التانية حكت عني و انها ما كانت حابة تتعرف علي بس زوجها قلها تعرفي على السورية (يعني اشفاقاً عليي !!! قال لأني بمر كتير من امام بيتها، طيب الطريق من الطرف التاني مسدود شو اعمل؟؟ ) انا انصدمت شوي و ضحكت شوي . المشكلة انو لسا ما صرلنا اسبوعين منعرف بعض صار في غيبة وانا ليش كرهتني التانية ما بعرف وليش مترددة تتعرف علي كانت و ليش بتسكر التلفون بوجهي و بتطنشني اسبوعين تلاتة كمان ما فهمت اذا كبر و غرور انا الحمدلله جامعية و احوالي المادية ميسورة وانا الحقيقة بصعوبة عم بتفاهم معهم لاني في فارق ثقافي بيني و بينن مو شهادات علمية بس الثقافة مختلفة تماماً يعني العرف و العادات حيروني من اول شهرين غيبة والآن هم ما بيحكوا مع بعض (تخانقوا لأسباب تافهة) بس التنتين بيحكوا معي وبحبوا اطفالي يزوروهم. انا ما بعرف هل من واجبي وفق بينهم ولا اسكت و لا شو؟؟

للعلم : سبب خناقتهم مع بعض -على حسب تعبير وحدة منهم - هو انه وحدة قالت للتانية انه معلمتها الي بتدرسها اللغة الاجنبية ، (يمكن) بتشتغل بالبيوت قالتلا يعني الشغالة بتدرسني ؟ فتركت المعلمة و تخانقت معها و انقطعت العلاقات!

- من عاشر قوما 40 يوماً صار منهم.
- مثل الجليس الصالح والجليس السوء، كحامل المسك ونافخ الكير .
- أيحب أحدكم أن يأكل لحم أخيه ميتا فكرهتموه
- وهل يكب الناس في النار على وجوههم الا حصائد ألسنتهم .
- الأخلاء يومئذ بعضهم لبعض عدو الا المتقين.
- يا وَيْلَتَى ليتني لم أتخذ فلانا خليلا

__________________
كلما أسقط وأتعثر أحب ألجأ إلى من يقربني لله فقط ولا أحب الغوص في هذه الدنيا الحقيرة .. * سر الحياة

ما فهمت عطيني المغزى يا اختي بعرف كل هالكلام الي كتبتيه

هلا موون ..
اصلحي فيما بينهم ولك الاجر العظيم .. وهو من افضل الاعمال عند ربك ..
قال الله عزَّ وجلَّ (لا خَيْرَ فِي كَثِيرٍ مِنْ نَجْوَاهُمْ إِلَّا مَنْ أَمَرَ بِصَدَقَةٍ أَوْ مَعْرُوفٍ
أَوْ إِصْلاحٍ بَيْنَ النَّاسِ)

وكوني اخت لهم تذكرهم بالله و تعلمهم ما جهلوا ابتغاء للخير لك ولهم ..

__________________

كوني قدوة لهم في الإصلاح وإمساك اللسان والأمر بالمعروف والنهي عن المنكر بالقول اللين وبالتي هي أحسن ..

__________________
## مهم ##
هل تتعرضين للابتزاز في الانترنت؟


هنا من ينقذك

الله يجزيكم الخير انا قلت لو في رحم بينن بصلح بس لأنهم يعني مو اقارب قلت "يسطفلوا" بس حزينة لأنه مافي غير نحن التلاتة مسلمات بالمنطقة يعني شي بزعل صراحة
انا نصحت وحدة منن بالاصلاح هية كانت صريحة قالتلي ما بدي
التانية لسا مخبية عني انها متخانقة مع الاولى مفكرة اني انا مو ملاحظة شي
الله يهدين بس

كلامي واضح اتركيهم لكي لا تتأثري بهما
والوحدة خير من جليس السوء.

__________________
كلما أسقط وأتعثر أحب ألجأ إلى من يقربني لله فقط ولا أحب الغوص في هذه الدنيا الحقيرة .. * سر الحياة

وان أردت نصحهم بصفتهم مسلمين والأمر بالمعروف واجب
لكن لا يلزم مصاحبتهما لان الطباع تتسلل الى الأرواح .

__________________
كلما أسقط وأتعثر أحب ألجأ إلى من يقربني لله فقط ولا أحب الغوص في هذه الدنيا الحقيرة .. * سر الحياة

بنت قبيلتها
انا هيك عما حاول اعمل بس الوحدة بتقتل والحياة الاجتماعية من دونهم صفر ! ما بعرف ليش هيك حظي يا وحيدة يا صحبة ما بزبطوا معي

- من ترك شيئا لله عوضه الله خيرا منه
احتسبي الأجر في تركهما
اسأل الله ان يمن عليك برفقة صالحة تصلي معها الى منابر النور.

__________________
كلما أسقط وأتعثر أحب ألجأ إلى من يقربني لله فقط ولا أحب الغوص في هذه الدنيا الحقيرة .. * سر الحياة